Eksodo 12:7 - Mawu a Mulluku

⁷ Vano ekusewo nikhame na enameeyo nave enimidde embali ddiraru dda eferemu ya vamullakoni wa enyumba eyo enaachelliiwamo enameeyo.

Eksodo 12:7 Iomraidhean Croise

1 Mamwene 6:31

Nave aapanga machiwi a matabwa a olivi vamullako wa o echipinda yaweelleseseelle. Nave yaari ni embali dditthanu.

Eksodo 12:13

Nikhamenno ninaakhalle echizindikiro ya enyumba nnddo munakhalleenyumo. Koona nikhamenno kineerewuukhwaranyani nyuwaano nave mullilli wawoononga khewuumorellani kaallakaka ellapo ya Iguputo.

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Deuteronomo 11:20

Nave mwaalembe va eferemu dda enyumba ddanyu ni va eferemu dda mipanda ddanyu.

Aheberi 10:14

Ni mukutho mmoddoolla, aaweeriha wi ekhalle aphaama woohimalla athu ayo aweellihalleeye.

Aheberi 10:29

Onaakhalle wawiidde wa oyo anamullotella epewe Mwaana a Mulluku? Oyo aneesa noohikhalla ni mutteko nikhame na echipangano nno naneellihalle? Apaalle anallotella epewe Munepa Waweella oyo ananivaha echisomo ya Mulluku? Ollakiwa wa muthu awi ddiidda onaakhalle wawoopiha wunchichi.

Aheberi 11:28

Ekaamba ya echikhulupililo, Mose akeraatthihalle Ehakallallo ya Paska, aalamula wi emidde nikhame na enama machiwiiwa wi angelo ayo enaawiipheke anamwani awaamba ehiwiiphe anamwani awaamba Aisraele.

Aheberi 9:22

Moollikana ni malamulo a Mose erive ello yeellihiwa voomiddiwani nikhame. Kheyiivo machimo enaakhululukelliwe nikhame naahihelliwa.

1 Petro 1:2

Mwaatthoolliwa moollikana ni yoolinga ya Mulluku Attiitthaanyu nave mwaheeriwa athu aweella ni munepaaye wi mumwiiwellelle Yesu Khrisitu ni weellihiwa ni nikhame naye. Echisomo yawaata ni murendelle munchichi ddikhalle ni nyuwaano.