Eksodo 12:49 - Mawu a Mulluku

⁴⁹ Mukhalle ni lamulo nimoddamoddave va Muisraele navettho va mulleto oophaddiwa oyo ari variyari vanyu.”

Eksodo 12:49 Iomraidhean Croise

Eksodo 12:50

Aisraele attheene yaaneera nnddo Apwiya yamulamulelliiwa Mose ni Aroni.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

Levitiko 24:22

“Lamulo na Muisraele ni mulleto nikhalle nimoddave nenno. Mi tti Apwiya Mullukwaanyu.”

Numeri 15:29

Mukhalle ni lamulo nimoddamoddave va arive muthu oyo alakwille moohidduwella va Muisraele ni va mulleto oyo ari variyari vanyu.

Numeri 35:15

Mizinda mitthanu ni mmoddannddo ddinaakhalle ddoothawellamo Aisraele, alleto ni athu ookhalla variyari viwa wi arive muthu oomwiipha mukhwaaye moohidduwella athawellekewo.

Numeri 9:14

“Mulleto akhalla variyari vanyu nave anapaalla ochana Ehakallallo ya Paska a Apwiya, olliye eere ehakallallweeyo moollikana ni malamulwiiwa ni malangizwiiwa. Khaya tti mulleto apaalle neetthi, arive muthu akhalle ni lamulo nimodda.”

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.