Eksodo 12:48 - Mawu a Mulluku

⁴⁸ Mulleto akhalla variyari vanyu, aapaallaka wi eerena Ehakallallo ya Paska a Apwiya, mwaambeke waaphadda allopwana attheene a munibanjanimmo. Vatulli viwa ttuuwora ovollowa ni weerana ehakallallweeyo. Olliyooyo mumweeseke Muisraele mukhwaanyu. Koma oohiphaddiwa ahiche.

Eksodo 12:48 Iomraidhean Croise

Genesis 17:11

Waambeella ollello muphaddiweke nave ella enaakhalle echizindikiro ya echipangano ya variyari va miyaano ni nyuwaano.

Genesis 17:12

Mumuphaddeke arive mwaana aamullopwana akwakhwana mallapo matthanu ni mararu. Mumuphaddeke arive mullopwana va mibado ddanyu ddittheddene, arive kaporo ooyariwa mpa mwanyu apaalle kaporo mwamukunlleenyu ni makobiraanyu.

Eksodo 12:19

Va mallapo matthanu ni meelli mattheenaayo, mpa mwanyu muhiphwanyeyekettho yisiti kaambiiwa arive muthu oyo anaache yoocha yookhalla ni yisiti, aneerovenyihiwa variyari va Aisraele, mulleto apaalle Muisraele.

Eksodo 12:43

Vano Apwiya yaamulleella Mose ni Aroni wi, “Malamulo a Paska tti awi, arive muthu oyo ahiri Muisraele ahiche.

Ezekiele 14:7

“Arive Muisraele apaalle mulleto ookhalla variyari viwa aakikhoota, ahiya murimaaye muttheene va mafano nave ahiya miitthwaaye va ddookwakwatulliha ni waachimwiha, awa anakiveka ezeru oweella mwa namallotella, miyaano kineeromwaakhulla.

Ezekiele 44:9

“Vano mi Apwiya Mulluku kinallota wi, ‘Mwa alleto ayo eri oohiphaddiwa m'murimani ni m'mwiillini ahikhallevo naari mmodda oovollowa mu nipuro naka naweella naari alleto ookhalla variyari va Aisraele.’ ”

Ezekiele 47:22

Muyikawe wi ekhalle yoohallanaanyu. Ekhallettho ya alleto ayo eri variyari vanyu, yaayarelle anamwani variyari vanyu. Alletwaayo eneerokhalla ni nyuwaano wonanko aneetthi a mu Israele. Eneerovahiwa yoohallaniiwa vamodda ni nyuwaano.

Levitiko 19:34

Mulleto oyo anakhalla variyari vanyu akhalle wonanko Muisraele nave mumukondeke wonanko mmo muniikondelleenyu. Vallethi mwaakhalla alleto mu ellapo ya Iguputo. Mi tti Apwiya Mullukwaanyu.

Numeri 9:14

“Mulleto akhalla variyari vanyu nave anapaalla ochana Ehakallallo ya Paska a Apwiya, olliye eere ehakallallweeyo moollikana ni malamulwiiwa ni malangizwiiwa. Khaya tti mulleto apaalle neetthi, arive muthu akhalle ni lamulo nimodda.”

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.