Eksodo 12:31 - Mawu a Mulluku

³¹ Mahiiyu yaayo Farao aamwiithana Mose ni Aroni nave ahaalamula wi, “Nyu ni Aisraele attheene, khumani mwawaakuva. Ahiyeni athwaaka, khaweni mwaallapelle Apwiya moollikana ni mmo mwallotilleenyu.

Eksodo 12:31 Iomraidhean Croise

Masalimo 105:38

Aiguputo yaahakallalla alliwa yarowilliiwa kaambiiwa woopiha wiwa wahaamorella.

Eksodo 10:29

Mose ahaakhulla wi, “Ddawoona moollikana ni mmo mullotelleenyu, ngiwa kiwoonakanittho.”

Eksodo 10:9

Nave Mose ahaakhulla wi, “Attheenehi, anamwani ni attekweene nineeroyaawo. Ninaayeewo ni aniihu aallopwana, aniihu aatthiyana, enkhosa, epuri, abulu ni eng'ombe ddahu ddene, ekaamba yawi nineereweera ehakallallo yowaallapella Apwiya.”

Eksodo 11:1

Vano Apwiya yaamulleella Mose wi, “Vano ohanlle omullaka omodda Farao ni Aiguputo. Nave vatulli viwa va ollaka wonngu aneerowaakhullellani wi muvenyewo. Ddawoona aawaakhullellakani wi muvenyewo, aneerowiikarani attheene.

Eksodo 11:8

Vano enduna ddanyu ddittheddene ddineeroowa wa miyaano wi ddikikokhorelle nave ddineerollota wi, “Venyaniwoni wuno nyu ni athwaanyu attheene!” Sika vatulli viwa, kineerovenyawo.’ ” Nave Mose aavenyawo wa Farao wulle ashille murima wunchichi.

Eksodo 12:39

Yaamwaapeya buledi oohikhalla ni yisiti a othu wawoottowa khalle, oyo yakusalliiwa o Iguputo wulle. Othooyo khewaari ni yisiti kaambiiwa yahiikarihiwa mwawaakuva o Iguputo wulle. Sika kheyaarina enthawi yookhozella pooswiiwa a voolendoni.

Eksodo 6:1

Koma Apwiya yaamulleella Mosooyo wi, “Vano oneerewoona nnddo kinaamweerelleemi Farao. Kineeromuwatihera ni nnatta naka namasiva wi aakhumihe athwaaka. Navettho aneerowiikariha mwiillaponi mwaye.”

Eksodo 8:25

Vano Farao aamwiithana Mose ni Aroni aalleella wi, “Khaweni mwavelleelle mukutho wa Mullukwaanyu mwiillaponi mwemmu.”

Eksodo 8:8

Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”

1 Samuele 6:6

Muhinakhalla awumma murima wonanko Aiguputo ni mweniiwa Farao. Ethiyo Aiguputwaayo Apwiya yaallakille kheyaawaakhullelle Aisraele wi eroweke nave kheyaarowille?