Eksodo 12:29 - Mawu a Mulluku

²⁹ Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Eksodo 12:29 Iomraidhean Croise

Genesis 15:14

Koma kineerewaallaka athu enaarumeyellekeewaayo, vano edduullu ddawonnddo ddineerokhumawo o ellapweeyo ddikusalle eyuuma yinchichi.

Yobu 34:20

Moorurumusa ennakhwa naari variyari va mahiiyu, athu enneengereya enarowa, annawaakha okumi moohikatamiha athu amasiva.

Masalimo 105:36

Alliwa yaawiipha anamwani attheene aallopwana awaamba mu ellapwiiwa, anamwani awaamba esombwiiwa.

Masalimo 135:8

Tti alliwa yawiiphalle anamwani awaamba a o Iguputo, a athu ni a enama ddene.

Masalimo 136:10

Yaawiipha anamwani awaamba a Aiguputo, echikondiiwa yoohisintheya tti ya enthawi yoohimalla.

Masalimo 78:50

Ahaakhullella onanariwa woohiivaanya, khaawaavullusalle wuukhwaani koma aavelleella okumiiwa omillillini.

Masalimo 78:51

Aawiipha anamwani awaamba attheene a Aiguputo, anamwani awaamba a masiviiwa, m'misasani dda edduullu dda Hamu.

Eksodo 11:1

Vano Apwiya yaamulleella Mose wi, “Vano ohanlle omullaka omodda Farao ni Aiguputo. Nave vatulli viwa va ollaka wonngu aneerowaakhullellani wi muvenyewo. Ddawoona aawaakhullellakani wi muvenyewo, aneerowiikarani attheene.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 12:28

Yaarowa nave yaheera ddittheddene nndde Apwiya yamulamulalliiwa Mose ni Aroni.

Eksodo 13:15

Farao ummihalle murima, aanikhootiha ovenyawo. Vano Apwiya yaamwiipha arive mwaana aamullopwana awaamba a Aiguputo attheene, athu ni a eziweto. Sika ekaamba ya yeella, arive nankhoro a enama awaamba ninnamuvelleella wa Apwiya. Koma aniihu aallopwana awaamba ninnawoopolla.’

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Eksodo 9:6

Sika osaka wene Apwiya yaheera moollikana ni mmo yallotelliiwa nave eziweto ddittheddene dda Aiguputo ddaakhwa. Koma kheyaarivo naari echiweto emodda ya Aisraele yakhwille.

Yesaya 24:22

Mulluku aneerewaatthukumaniha mamwene mattheene vamodda wonanko a mundende munllitini. Eneerewaawallella mundende nave vavira enthawi yoorekama eneerollakiwa.

Yesaya 41:11

Ngoona, attheene ayo enuushella murima eneerowulliwa muru ni okhwa mullakallaka. Ayo enuuvaanyiha weyaano enaakhalle wonanko etthiru, eneerokhwa.

Yesaya 51:14

Oomakiwa eneerewaattaphulla venevaveneva, khekhwa, khevollowa mu mahame, yoocha khewa yaarama naari vang'ono.

Yeremiya 38:13

Vano yaamukhumihella otte ni mikwe nave Yeremiya aaya akhallattho o nthato na alonda.

Yeremiya 38:6

Sika yaamuvokhella Yeremiya mu ehime ya Malikiya mwaana a mwene, munthatoni na alonda nave yamukittiheremo ni mikwe. Mwiihimenimmo khemwaari maaddi koma matokwive wawi Yeremiya aatora.

Habakuku 3:5

Millilli ddiri vahoollo vaye, ereta ddiri vatulli vaye.

Zekariya 9:11

Apwiya enallota wi, “Ekaamba ya echipanganwaaka ni nyuwaano eyo yallipihiwe ni nikhame na mikutho, kineerewaakhumiha mu nlliti noohikhalla ni maaddi athwaanyu ayo erive wuukaporoni.

Numeri 3:13

vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba a Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene. Attheene tti aaka nave mi tti Apwiya.”

Numeri 33:4

Aiguputo yaari yaavitthaka aniiwa aallopwana awaamba ayo Apwiya yawiiphalliiwa variyari viwa vawi Apwiya yaallaka milluku dda Aiguputo.

Numeri 8:17

vawi anamwani attheene aallopwana awaamba tti aaka. Va nllapo nne kawiiphalleemi anamwani aallopwana attheene awaamba, Aiguputo, kahiitthoollella anamwani aallopwana attheene awaamba a Aisraele, anamwani a athu ni a enama ddene.

Aheberi 11:28

Ekaamba ya echikhulupililo, Mose akeraatthihalle Ehakallallo ya Paska, aalamula wi emidde nikhame na enama machiwiiwa wi angelo ayo enaawiipheke anamwani awaamba ehiwiiphe anamwani awaamba Aisraele.

Aheberi 12:23

Moophiya o ehakallallello nko otthukumanne anamwani awaamba a Mulluku ayo manddiniiwa yalembiwe oddullu. Moophiya wa Mulluku aweeruza athu attheene nave wa minepa dda athu oolungama, ayo Mulluku aweerilleeye okhalla aphaama wunchichi.