Eksodo 12:28 - Mawu a Mulluku

²⁸ Yaarowa nave yaheera ddittheddene nndde Apwiya yamulamulalliiwa Mose ni Aroni.

Eksodo 12:28 Iomraidhean Croise

2 Samuele 5:25

Davide aheera moollikana ni mmo Apwiya yamulamulalliiwa nave ahaagonjiha Afilistaayo ovenyera o Geba ophiya o Gezere.

1 Mamwene 17:5

Nave Eliya aheera moollikana ni mawu a Apwiya. Aaya akhalla mukhwipi mwa muhinje wa Keriti wookhuma nndduwa wa Yordani.

Eksodo 12:27

Vano nyuwaano muwaakhulleke wi, ‘Tti mukutho wa Ehakallallo ya Paska wowaatitimihana Apwiya ekaamba yawi yaakhwaranya enyumba dda Aisraele o Iguputo yawiiphiiwa anamwani aallopwana awaamba a Aiguputo. Koma yaanihiya ohiniipha.’ ” Oohoollellaayo yiiwalliiwa ddenndda yaakokhora ellapella.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Eksodo 12:35

Navettho Aisraele yaari yeerille moollikana ni mmo Mose aalleellelleeye. Yaaveka wa Aiguputwaayo ddawiireerihana mwiilli ddasiliva ni ddagolide navettho ddoowara.

Eksodo 14:4

Kineeromummiha murima Farao nave aneerewaathwara Aisraelaayo. Koma kineeromugonjiha Farao ni akhotwaaye attheene wi kititimihiwe nave Aiguputo attheene eneerodduwella wi mi tti Apwiya.” Vano Aisraele yaheera ddittheddene moollikana ni mmo Apwiya yaalleellelliiwa.

Eksodo 36:1

“Nave Bezalele, Oholiyabu ni athu eeruso attheene ayo Apwiya yaavahilliiwa eruso ni ezeru ddoodduwella opanga ddoopaalleya ddittheddene ddoomakella musasa wamutthukumano, eneeropanga ddittheddene moollikana ni mmo Apwiya yalamulelliiwa.”

Eksodo 39:32

Vano mutteko muttheene wootthipella musasa wamutthukumano waamalla. Aisraele yaheera ddittheddene moollikana ni mmo Apwiya yamulamulalliiwa Mose.

Eksodo 39:42

Sika Aisraele yaheera ddittheddene moollikana ni mmo Apwiya yamulamulelliiwa Mose.

Eksodo 39:43

Vano Mose ahoona ddittheddene ddapangiwennddo nave aasimikizella wi yaaddipanga moollikana ni mmo Apwiya yalamulelliiwa. Sika Mose ahaadalisa athu attheenaayo.

Eksodo 7:10

Sika Mose ni Aroni yaaya wa Farao yeera moollikana ni mmo Apwiya yaalamulalliiwa. Aroni ayivokhella vatthi ekopwaayeelle vamiitthoni va Farao ni enduna ddaye nave yaatthattuwa enowa.

Eksodo 7:6

Nave Mose ni Aroni yaheera nnddo Apwiya yaalamulalliiwa.

Levitiko 24:23

Mose ahaalleella ddenndda Aisraele nave alliwa yaamukhumiha muthu ootembeleloolle omisasani, emuvokha malluku. Sika Aisraele yaheera nnddo Apwiya yamulamulalliiwa Mose.

Numeri 1:54

Mmu sika yeerelle Aisraele. Yaheera ddittheddene moollikana ni mmo Apwiya yamulamulelliiwa Mose.

Numeri 31:31

Vano Mose ni Eleazara yaheera nnddo Apwiya yamulamulalliiwa Mose.

Numeri 31:41

Mose aavelleella wa Eleazara echigawo ya Apwiya moollikana ni mmo Apwiya yamulamulelliiwa Mose.

Numeri 31:47

Nave va echigawo ya Aisraele attheene aakusavo emodda va ddirive ddawaakha okhotoni 50 va akaporo, va eng'ombe, va abulu, va enkhosa ni va epuri, aavaha Alevi ayo enapwatha musasa wa Apwiya moollikana ni mmo Apwiya yamulamulalliiwa Mose.

Numeri 5:4

Sika vano Aisraele yaheera ddenndda nave yahaakhumihella otte athwaayo moollikana ni mmo Apwiya yamulleellelliiwa Mose.

Deuteronomo 34:9

Vano Yoswa, mwaana a Nuni, aaddalliwa ni ezeru ekaamba yawi Mose aamwiiyaatthi matta wi avollowe muniporoni mwaye. Aisraele yaamwiiwellella Yoswa ni othwara malamulo mattheene ayo Apwiya yaalamulalliiwa oweella mwa Mose.

Aheberi 11:28

Ekaamba ya echikhulupililo, Mose akeraatthihalle Ehakallallo ya Paska, aalamula wi emidde nikhame na enama machiwiiwa wi angelo ayo enaawiipheke anamwani awaamba ehiwiiphe anamwani awaamba Aisraele.

Yoswa 14:5

Aisraelaayo yaakawana ellapweeyo moollikana ni nnddo Apwiya yamulamulelliiwa Mose.

Yoswa 2:21

Rahabu aawaakhulla wi, “Ddikhalle wonanko mmo mullotelleenyu.” Rahabu ahaakhumiha nave athu oozondaayo yaavenyawo. Vano Rahabu aamaka mukwe woofiira vaniwindoni valle.

Yoswa 4:8

Athwaayo yaheera nnddo Yoswa aalamulalleeye. Yaatukhulla malluku khumi ni meelli variyaririyari va muhinje wa Yordani moollikana ni mmo Apwiya yamulamulalliiwa Yoswa, nlluku nimodda va nirive nlloko. Mallukwaayo yaallapuwana eyaana nko yakonilliiwa yawuukella wenko.