Eksodo 12:15 - Mawu a Mulluku

¹⁵ Vano Apwiya yaallota wi, “Mumucheke buledi oohikhalla ni yisiti wa mallapo matthanu ni meelli. Va nllapo nawaamba mumuvenyiheke yisiti muttheene mu enyumba ddanyu vawi arive muthu oyo anaamuche buledi ookhalla ni yisiti va mallapo matthanu ni meellaalla aneerovenyihiwa variyari va Aisraele.

Eksodo 12:15 Iomraidhean Croise

Genesis 17:14

Mullopwana oohiphaddiwa kheerengelliwaka ni athu a mutundwaaye kaambiiwa ootathilla echipanganwaaka.”

2 Epilli 30:21

Vano athu a o Israele ayo yaphiyalle o Yerusalemu yaheera Ehakallallo ya Buledi Oohikhalla ni Yisiti mallapo matthanu ni piilli nave yaahakallalla wunchichi. Nave Alevi ni allupa mukutho yaatitimiha Apwiya nllapo ni nllapo ewiipellaka ni masiviiwa mattheene.

Ezara 6:22

Nave yaahakallallella Ehakallallo ya Buledi Oohikhalla ni Yisiti wa mallapo matthanu ni meelli. Vawi Apwiya yaaweeriha wi ehakallalle nave aarukunusa murima wa mwene a o Asiriya mwawi aaweerella echifundo nave ahaakavihera va mutteko woomakattho enyumba ya Mulluku, Mulluku a Israele.

Eksodo 12:8

Eyoose enameeyo mahiiyu vaavo nave eyiche ni buledi oohikhalla ni yisiti ni matthaapa amakukhu oowaawa.

Eksodo 13:3

Vano Mose ahaalleella athu wi, “Muupuwelleke nllapo nno mwakhumalleenyu o Iguputo, mu ellapo ya okaporo kaambiiwa Apwiya yahuukhumihani ni nnatta niwa namasiva. Muhiche erive ello yookhalla ni yisiti.

Eksodo 23:15

Okhalleke ni nllapo na Ehakallallo ya Buledi Oohikhalla ni Yisiti. Wonanko mmo kuulamulelleemi, omucheke buledi oohikhalla ni yisiti mallapo matthanu ni meelli mu mweeri wa Abibu, ekaamba yawi mweeri yooyo waavenyawo o Iguputo. Arive muthu ahiphiyeke vakhuviru ni miyaano ari mattave.

Eksodo 30:33

Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”

Eksodo 30:38

Muthu mmodda apanga lubani noophwanaphwana ni nenna wi aphariheke mutteko, avenyihiweke variyari va athwaaka.”

Eksodo 31:14

Sika musungeke Sabata, kaambiiwa tti noopatuleya wa nyuwaano. Arive muthu oohiisunga, iiphiwe. Arive muthu oophara mutteko va nllapo nenno avenyihiwe variyari va athwaaka.

Eksodo 34:18

“Mukhalleke ni Ehakallallo ya Buledi oohikhalla ni yisiti moollikana ni mmo kuulamulelleemini. Mumucheke buledi oohikhalla ni yisiti wa mallapo matthanu ni meelli mu mweeri wa Abibu kaambiiwa tti mweeri oyo mwakhumalleenyu o Iguputo.

Eksodo 34:25

“Mwaavelleellaka mukutho wa enama wa miyaano, muhivelleelleke ni buledi ookhalla ni yisiti. Erive enama yaawiiphella mukutho wa Paska, muhiyisunge ophiyera ohinase.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Levitiko 17:14

“Vallethi okumi wa erive yoophatusiwa okonne munikhameni mwiwa. Sika ekaambiiwa kaalleelleemi Aisraele wi ehicheke nikhame na erive yoophatusiwa vawi arive muthu anaaniche aneerovenyihiwa variyari va Aisraele

Malaki 2:12

Arive muthu aweera ddenndda Apwiya emuvenyihevo variyari va athu a Yakobo. Sika yaalla ehikhallevottho voovelleellani mikutho wa Apwiya Amasiva Mattheene.

Numeri 28:17

Nave va nllapo na 15 na mweeri yooyo tti nllapo nawaamba Ehakallallo ya Buledi Oohikhalla ni Yisiti. Va mallapo matthanu ni meelli mumucheke buledi oohikhalla ni yisiti.

Numeri 9:13

Koma muthu aahiiripiha apaalle aahikhalla voolendoni koma akhoota ochana Ehakallallo ya Paska yooyo avenyihiwe variyari va Aisraele kaambiiwa khaawiille ni ddoovelleella ddaye wa Apwiya va enthawiiwa. Yooyo aneerollakiwa ekaamba ya nichimo naye.

Mateyu 16:12

Vano oohudderaalle yahiiwesesa wi khaalleelle ddawi echenjerekena yisiti koma echenjerekena ehuddiho yawoottha ya Afarisi ni Asaduki eyo yaari wonanko yisiti.

Luka 12:1

Vano athu anchichi yatthukumanniiwa, wawi yaananyingallana, Yesu aallota vawaamba wa oohudderaaye wi, “Muchenjere ni yisiti a Afarisi,* kinaaka dda woottha wiwa.

Luka 2:43

Ehakallallweeyo yamallilliiwa nave etimullalle ohokollweella owaniwa musombwe Yesu aahalla o Yerusalemu. Koma makhollwaaye kheyaadduwenlle wi oohalla.

Mitteko 12:3

Oonilleeye wi ddenndda ddohaahakallalliha Ayuda, aavirellella ammaka Petro. (Ddenndda ddeereye mallapo a Ehakallallo ya Buledi Oohikhalla ni Yisiti.)

Agalatiya 5:12

Weerokhalla phaama wi athu ayo enawaapheellihani muru yiihulle weekhiiwa!

Deuteronomo 16:3

Enama yamukuthweeyo muhicheke nimodda ni buledi ookhalla ni yisiti. Mallapo matthanu ni meelli mumucheke buledi oohikhalla ni yisiti wonanko mwakhumalle o Iguputo mwawaakuva. Mumuche buledoolla, buledi a ddoohoosa wi mallapo mattheene a okumaanyu muupuwelleke nllapo nno mwakhumalleenyu o Iguputo.

Deuteronomo 16:5

Mwiipheke enama dda mukutho wa Paska virive veko o ellapo eyo Apwiya Mullukwaanyu enuuvahiiwani

Deuteronomo 16:8

Mallapo matthanu ni nimodda mumucheke buledi oohikhalla ni yisiti va nllapo naneetthanu ni piilli, mweeriheke mutthukumano woopatuleya wa Apwiya Mullukwaanyu nave muhiphareke orive mutteko va nllapo nenna.”