Eksodo 12:14 - Mawu a Mulluku

¹⁴ Munuupuwelleke nllapo nenna mvo munaakhallekeenyu ni ehakallallo yookititimihana miyaano, Apwiya. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.”

Eksodo 12:14 Iomraidhean Croise

2 Mamwene 23:21

Sika mwene Yosiya ahaalamula athu attheene wi, “Mweere Ehakallallo ya Paska vawaatitimiha Apwiya Mullukwaanyu moollikana ni mmo mulembelliwe mu nibukhu na echipangano.”

Masalimo 111:4

Ennanuupusa ddoottikhiniha ddiwa, Apwiya tti ooreera murima ni eechifundo.

Masalimo 135:13

Nyu Apwiya nnddina nanyu, tti na enthawi yoohimalla, athu a mibado ddittheddene eneerowuupuwellani.

Eksodo 12:17

Ehakallallo ya Buledi Oohikhalla ni Yisiti yeella muyisungeke kaambiiwa nllapo nenna tti nawuupuwella okhumihiwa wa malloko mattheene ovenyera mu ellapo ya Iguputo. Mibado ddanyu ddittheddene ddisungeke nllaponna wi nikhalle lamulo wa enthawi yoohimalla.

Eksodo 12:24

Nyuwaano ni aniinyu mumusungeke Paskoolla wi okhalle mutetho woohimalla.

Eksodo 12:43

Vano Apwiya yaamulleella Mose ni Aroni wi, “Malamulo a Paska tti awi, arive muthu oyo ahiri Muisraele ahiche.

Eksodo 12:6

Mumusunge ophiyera nllapo na 14 na mweeri, mvo Aisraele attheene yiiphalle enama ddiwannddo misikuwa.

Eksodo 23:15

Okhalleke ni nllapo na Ehakallallo ya Buledi Oohikhalla ni Yisiti. Wonanko mmo kuulamulelleemi, omucheke buledi oohikhalla ni yisiti mallapo matthanu ni meelli mu mweeri wa Abibu, ekaamba yawi mweeri yooyo waavenyawo o Iguputo. Arive muthu ahiphiyeke vakhuviru ni miyaano ari mattave.

Eksodo 27:21

Aroni ni anaaye ekhariheke enyali mu musasa wamutthukumano eyo eri otte wa ekatani yootchinga nibokosi na echipangano. Vano enyaleeyo ekhareke wenko waambeella misikuwa ophiyera ohinase. Nenna nikhalle lamulo wa enthawi yoohimalla wa Aisraele ni mibado ddiwa ddittheddene.

Eksodo 5:1

Vatulli viwa Mose ni Aroni yaaya wa Farao emulleella wi, “Apwiya Mulluku a Israele, enallota wi, ‘Owaakhullelle athwaaka eye o echipululu wi yeere ehakallallo yookillapella miyaano.’ ”

Ezekiele 46:14

Makilogaramu araru a othu avelleelliweke vamodda ni enameeyo. Evelleelliwekettho lita nimodda a makhura awoottowiwa mu othooyo. Mukutho woovelleelliwa wa Apwiyoolla okhalle lamulo wa enthawi yoohimalla.

Levitiko 23:6

Nave va nllapo na 15 na mweeri yooyo tti nllapo nawaamba Ehakallallo ya Buledi Oohikhalla ni Yisiti, nowaariiha Apwiya. Va mallapo matthanu ni meelli mumucheke buledi oohikhalla ni yisiti.

Zekariya 6:14

Enduwireeyo enaayisunge mu enyumbaaka wi ekhalle yawuupusella wa Heledai, Tobiya, Yedaya ni Yosiya mwaana a Zefaniya.”

Numeri 10:8

Anamwani a Aroni sika eniipeke mapallapata. Mutteko wa mapallapataalla tti lamulo wa enthawi yoohimalla wa mibado ddanyu ddittheddene.

Numeri 15:15

Dda athu attheene, khaya tti mulleto apaalle neetthi vikhalle lamulo nimoddamoddave, lamulo wa enthawi yoohimalla va mibado ddanyu ddittheddene. Sika nyuwaano apaalle mulleto tti amodda vamiitthoni va Apwiya.

Numeri 16:40

wi ddikhalle yawuupusella ya Aisraele. Nave wi arive muthu oyo ahiri mullupa mukutho, oyo ahiri mmodda mwa edduullu dda Aroni, ahaatamelle wi athuwihe lubani vamiitthoni va Apwiya wi ddihimmorelle ddoophwanaphwana ni nnddo ddammorenlle Kora ni mullokwaaye. Ddittheddene ddaheereya moollikana ni mmo Apwiya yamulleellelliiwa Eleazara oweella mwa Mose.

Numeri 18:8

Apwiya yaamulleellattho Aroni wi, “Va ddoovelleella wa miyaano, kohuuvaha ddoohalla onasungeewe nnddo Aisraele enapatullelliiwa wa miyaano. Kohuuvaha ddenndda wi ddikhalle echigawaawo ni ya anaawo wi ddikhalle ddaanyu wa enthawi yoohimalla.

Mateyu 26:13

Ddawoona, kinimuulleellani wi orive weko mu ellapo yavatthi ettheene onaallalleyiwelle othenga waphaamoolla, athu eneerollota yeella enreeye wi emuupuwelleke.”

Luka 22:19

Vano Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

Deuteronomo 16:1

“Mwaatitimiheke Apwiya Mullukwaanyu vaweerani Ehakallallo ya Paska mu mweeri wa Abibu. Kaambiiwa mahiiyu mamodda a mweeri yoolla Apwiya yahuukhumihani o Iguputo.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Deuteronomo 6:8

Nave mwaamakellelleke wonanko echizindikiro va miwono ddanyu nave mwaahiyeke variyari va eyuuchi.

Yoswa 4:7

Mwaalleelleke wi, ‘Maaddi a m'muhinjeni wa Yordani yahiimella ehineeta, nibokosi na echipangano na Apwiya nallapuwiiwa muhinjoolla.’ Malluku yaalla ekhalle omboni wa Aisraele.”

1 Samuele 30:25

Davide aalamula wi nikhalle lamulo nave ovenyera nllapo nenno Aisraele aakhalla enipharihaka mutteko.