Eksodo 12:12 - Mawu a Mulluku

¹² “Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 12:12 Iomraidhean Croise

1 Epilli 14:12

Vano Afilisti yaaddihiya milluku ddiwa eddihella munllo moollikana ni mmo Davide alamulelleeye.

Masalimo 135:8

Tti alliwa yawiiphalle anamwani awaamba a o Iguputo, a athu ni a enama ddene.

Masalimo 82:1

Mulluku annahoollella mutthukumano wooddullu, annakamulla millatu dda milluku.

Masalimo 82:6

Kaallota wi, “Nyu tti milluku, attheenenyu tti anamwani a Mulluku Amasiva Mattheene.

Masalimo 91:7

Athu 1,000 ttuuwiiphiwa vakhwipi vawo, 10,000 o nnattanatta nawo koma ddawoopihannddo kheddiwaatamella.

Masalimo 95:3

Vawi Apwiya sika Mulluku muullupalli, tti mwene muullupalli, ookhwaranya milluku ddittheddene.

Eksodo 12:23

Apwiya eneerovira mu ellapo ettheene ya Iguputo wi ewiiphe anamwani attheene aallopwana awaamba a Aiguputo. Yaawoonaka nikhamenno va embali ddiraru dda eferemu ya vamullakoni eneerekokhwaranya mullakooyo nave khemwaakhullellaka mungelwaaye awoononga wi avollowe mpa mwanyu wi awiipheni.

Eksodo 18:11

Vano kinnadduwella wi Apwiya tti uullupalli okhwaranya milluku ddimodda ddittheddene kaambiiwa yahaavullusa Aisraele wa Aiguputo, mvo Aiguputwaayo yaanyaambusiiwa.”

Eksodo 21:6

Vaavo apwinnyaayo eweena kaporooyo onipuroni noomullapella Mulluku. Eweena va mullako apaalle va Eferemu nave apwinnyaayo emphovolle naaru naye. Sika anaakhalle kaporo a apwinnyaayo okumaaye muttheene.

Eksodo 22:28

“Ohimullotelleke epewe Mulluku nave ohimutembeleleke muthu oyo anaahoollella athwaawo.

Eksodo 6:2

Mulluku amulleella Mose wi, “Mi tti Apwiya.

Eksodo 9:6

Sika osaka wene Apwiya yaheera moollikana ni mmo yallotelliiwa nave eziweto ddittheddene dda Aiguputo ddaakhwa. Koma kheyaarivo naari echiweto emodda ya Aisraele yakhwille.

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Yeremiya 43:12

Aneeroviddeella munllo mu enyumba dda milluku dda o Iguputo ni oddoosa enyumbannddo nave millukunnddo aneeroddiyaana wuukaporoni. Aneereweelliha ellapo ya Iguputo wonanko mbusa anatthollelleeye ethupo mu yoowaraaye sika anaweerelleeyena nave anaakhume mu Iguputo mwamurendelle.

Yeremiya 43:13

Aneerokumulla apoto a mulluku a nndduwa a o Iguputo. Nave aneeroddihella munllo enyumba dda milluku dda o Iguputo.”

Yeremiya 46:25

Apwiya Amasiva Mattheene, Mulluku a Israele, enallota wi, “Kineeromullaka Amoni, mulluku a Thebesi. Kineeromullakattho Farao ni Iguputo ni milluku ddaye, mamwenaaye ni attheene ayo enamuroromella.

Ezekiele 12:16

Koma kineerewaahiya athu aweerengeya wi evulluwe o ekhoto, ettalla ni mullilli wi yatthopoolle ddaweera ddiwa ddittheddene ddoonanara variyari va athu nko enayiiwawo. Sika eneerodduwella wi mi tti Apwiya.”

Amosi 5:17

Mu emata ddittheddene ddampesa munaakhalle winlla vawi kineerovira variyari vawo.” Mi Apwiya koollota.

Zefaniya 2:11

Vano Apwiya eneerowoopopiha, eneerewoononga milluku ddittheddene dda va ellapo yavatthi. Sika athu attheene eneerewaallapella Apwiya, arive muthu vanipuroni vaye, orive mutundu wa athu o ellapwiiwa.

Numeri 33:4

Aiguputo yaari yaavitthaka aniiwa aallopwana awaamba ayo Apwiya yawiiphalliiwa variyari viwa vawi Apwiya yaallaka milluku dda Aiguputo.

1 Samuele 5:3

Osaka wene athu a o Ashidodi evenyaka ohinase yaamoona Dagoni iikuhalle moopopheya ekhovaaye vatthi vahoollo va nibokosi na echipangano na Apwiya. Vano athwaayo yaamuvenyiha emwiimesa vanipuroni vaye.

1 Samuele 6:5

Vano mupange maphwanaphwaniho a etthuku ni a amuthoro ayo enoononga mwiillaponi mwanyu nave mumutitimihe Mulluku a Aisraele. Mwaamodda eerohiya wuullakani nyuwaano ni milluku dda mwiillaponi mwanyu.