Eksodo 12:11 - Mawu a Mulluku

¹¹ Ocha wene mucheke muwarille mookhozekella olendo, esapato ddanyu ddiri omanyalloni, ekopo ddiri m'mattani. Mucheke mwawaakuviha. Nenna sika nllapo na Paska ookititimihana miyaano, Apwiya.

Eksodo 12:11 Iomraidhean Croise

2 Mamwene 23:21

Sika mwene Yosiya ahaalamula athu attheene wi, “Mweere Ehakallallo ya Paska vawaatitimiha Apwiya Mullukwaanyu moollikana ni mmo mulembelliwe mu nibukhu na echipangano.”

Eksodo 12:13

Nikhamenno ninaakhalle echizindikiro ya enyumba nnddo munakhalleenyumo. Koona nikhamenno kineerewuukhwaranyani nyuwaano nave mullilli wawoononga khewuumorellani kaallakaka ellapo ya Iguputo.

Eksodo 12:21

Vano Mose aawiithana oohoollella attheene a Aisraele, aalleella wi, “Khaweni mwamutthoolle mwaanaankhosa apaalle mwaanapuri ookwakhwanella va nirive nibanja nave mumwiiphe nave enameeyo ekhalle yoocha ya Paskooyo.

Eksodo 12:27

Vano nyuwaano muwaakhulleke wi, ‘Tti mukutho wa Ehakallallo ya Paska wowaatitimihana Apwiya ekaamba yawi yaakhwaranya enyumba dda Aisraele o Iguputo yawiiphiiwa anamwani aallopwana awaamba a Aiguputo. Koma yaanihiya ohiniipha.’ ” Oohoollellaayo yiiwalliiwa ddenndda yaakokhora ellapella.

Eksodo 12:43

Vano Apwiya yaamulleella Mose ni Aroni wi, “Malamulo a Paska tti awi, arive muthu oyo ahiri Muisraele ahiche.

Yesaya 52:12

Koma olendoolla khamutimulla mwawaakuva, khamutimulla moothawa. Apwiya eneeteke vahoollo vanyu, Mulluku a Israele aneereke wuutetezani otulli wanyu.

Ezekiele 45:21

“Va nllapo na khumi ni sese na mweeri wawaamba mweereke Ehakallallo ya Paska wa mallapo matthanu ni meelli. Mallapo yaayo mumucheke buledi oohikhalla ni yisiti.

Levitiko 23:5

“Va nllapo na 14 misikuwa na mweeri wawaamba, tti nllapo na Paska a Apwiya.

Numeri 28:16

“Va nllapo na 14 misikuwa na mweeri wawaamba, tti nllapo na Paska a Apwiya.

Numeri 9:1

Mweeri wawaamba wa muyakha waneepiilli Aisraele ekhumalle mu Iguputo, Apwiya yaamulleella Mose mu echipululu ya Sinai wi,

Luka 12:35

“M'makelleni laamba okhozekella mutteko nave enyali ddanyu ddikhareke,

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Luka 2:41

Makhollwaaye a Yesu yaanaya o Yerusalemu muyakha ni muyakha o Ehakallallo ya Paska.

Luka 7:38

Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.

1 Akorinto 5:7

Munaphwanella muvenyihevo machimo ayo tti wonanko yisiti akhalle wi mukhalle aweella wonanko buledi anaanweene oohikhalla ni yisiti. Muri aweella vawi Khrisitu, mwaanakhosa a Paska aaheraatthiwa mukutho.

Aefeso 6:15

nave okhozeka wanyu voollalleyani othenga waphaama wa murendelle wonanko esapato ddanyu.

Deuteronomo 16:1

“Mwaatitimiheke Apwiya Mullukwaanyu vaweerani Ehakallallo ya Paska mu mweeri wa Abibu. Kaambiiwa mahiiyu mamodda a mweeri yoolla Apwiya yahuukhumihani o Iguputo.

Yoswa 5:10

Aisraele yaariiwa m'misasani yaaneera Ehakallallo ya Paska o Giligala mu ntapo na Yeriko, misikuwa va nllapo naneekhumi ni sese mweeri wawaamba.

1 Petro 1:13

Sika vano, maganizwaanyu ekhalle ookhozeka. Chenjerani nave mutiyerelle wunchichi va echisomo eyo enaavahiwe wa nyuwaano Yesu Khrisitu uupullulliwa.