Eksodo 11:5 - Mawu a Mulluku

⁵ nave arive mwaana aamullopwana awaamba a Aiguputo aneerewiiphiwa mu Iguputo mutthemwenemmu. Waambeella mwaana aamullopwana awaamba a Farao, oyo anaphwanella ovollowa omwene, aneerewiiphiwa, ophiyera mwaana aamullopwana awaamba a kaporo aamutthiyana oyo anasilla vansilloni. Mwaana aamullopwana awaamba a eziweto aneerokhwattho.

Eksodo 11:5 Iomraidhean Croise

Masalimo 105:36

Alliwa yaawiipha anamwani attheene aallopwana awaamba mu ellapwiiwa, anamwani awaamba esombwiiwa.

Masalimo 135:8

Tti alliwa yawiiphalle anamwani awaamba a o Iguputo, a athu ni a enama ddene.

Masalimo 136:10

Yaawiipha anamwani awaamba a Aiguputo, echikondiiwa yoohisintheya tti ya enthawi yoohimalla.

Masalimo 78:51

Aawiipha anamwani awaamba attheene a Aiguputo, anamwani awaamba a masiviiwa, m'misasani dda edduullu dda Hamu.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 12:29

Variyari va mahiiyu, Apwiya yaawiipha anamwani attheene aallopwana awaamba mu ellapo ya Iguputo. Yamwaambille mwaana aamullopwana awaamba a Farao oyo aphwanella ovollowa omwenaaye, ophiyera mwaana aamullopwana a mukaidi a mu enyumba dda mwiipiphini dda mu endende. Mwaana aamullopwana awaamba a eziweto ahiiphiwattho.

Eksodo 13:15

Farao ummihalle murima, aanikhootiha ovenyawo. Vano Apwiya yaamwiipha arive mwaana aamullopwana awaamba a Aiguputo attheene, athu ni a eziweto. Sika ekaamba ya yeella, arive nankhoro a enama awaamba ninnamuvelleella wa Apwiya. Koma aniihu aallopwana awaamba ninnawoopolla.’

Eksodo 4:23

Vano kinimuulleella wi omwaakhullelle mwanaka aamullopwana awaamba avenyemo wi aye akillapelle miyaano. Koma wakhoota omwaakhullella wi avenyemo, miyaano kineeromwiipha mwanawo aamullopwana awaamba.”

Yesaya 47:2

Kusa nsillo wi osille othu, khunuulla ekuwaawo owiitthoni. Kwinya ddoowara ddawo, oniha akasambaraawo, llapuwa mihinje.

Maliro 5:13

Asombwe enawatiheriwa omusilla tirigu, asaasombwe ennahahareya ni mitolo dda ekhuni.

Mateyu 24:41

Atthiyana eelli eneerokosilla vansilloni, mmodda aneerokusiwa, mmoddooyo aneerohiyiwa vaavo.

Aheberi 11:28

Ekaamba ya echikhulupililo, Mose akeraatthihalle Ehakallallo ya Paska, aalamula wi emidde nikhame na enama machiwiiwa wi angelo ayo enaawiipheke anamwani awaamba ehiwiiphe anamwani awaamba Aisraele.

Oweeruza 16:21

Afilistaalle yaamuphara emutthorokolla miitthwaaye nave eyaana o Gaza emmakille ni onyolo wamikoko. Wenko muttekwaaye waari woosilla vansilloni mundende.