Eksodo 10:7 - Mawu a Mulluku

⁷ Enduna dda Farao ddaamukoha wi, “Ethiyo muthu yoolla anaahiye niini onihoosa mwawi ddiidda? Waakhullelleni athwaayo evenyewo wi eye yaallapelle Apwiya Mullukwiiwa. Ethiyo khemunoona wi vano ellapo ya Iguputo yoomalla woonongeya?”

Eksodo 10:7 Iomraidhean Croise

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Eksodo 12:33

Aiguputo yaawaakuviha athu wi evenyemo mwiillaponimmo nave yaallota wi, “Ninoova wi ninaakhwe attheene.”

Eksodo 23:33

Ehikhalleke mwiillaponi mwanyu, woova wi enuuchimwiheni. Mwaallapellaka milluku ddiwa, ddawoona, munimaphariwa m'musamphani.”

Eksodo 7:5

Sika Aiguputo eneerodduwella wi mi tti Apwiya, kaallaka nave kaakhumiha Aisraele mwiillaponi mwiwammo.”

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Miyambo 29:6

Muthu oochimwa annakoliwa ni machimwaaye koma oolungama anniipa ni ohakallalla.

Oollalleya 7:26

Kaaphwanya emodda yoovoreya okhwaranya okhwa. Ello yeeyo tti mutthiyana oyo ari wonanko musampha, murimaaye tti wonanko nthavi nave mattaaye tti wonanko onyolo. Muthu oomuhakallalliha Mulluku annamuthawa mutthiyanooyo koma oochimwa annaphariwa ni olliye.

Yesaya 14:20

Ekaamba yawi wohoononga ellapwaawo ni owiipha athwaawo, khovitthiwa mu mahame mooriiheya. Nave edduullu dda athu aweera ddoonanara kheddiwa dduupuwelliwa naari vang'ono.

Yesaya 51:9

Nyu Apwiya, venyani, venyani, llipani murima! Venyani wonanko mu mallapo akhalle, enthawi ya mibado ddakhalle. Ethiyo khe nyuwaano mwamuphanddephanndde Rahabu oyo ahomille enama yawoopiha ya mu enyanja?

Yeremiya 48:4

“Mowabu ohoonongeya, anaaye enoopa ekutho.

Yeremiya 51:8

Babiloni oomora moorurumusa nave ohoonongeya. Mwinllelleni, mwinnyeni murete apaalle ttuuchira.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

1 Akorinto 7:35

Kinallota ddenndda kaambiiwa kinapaalla wi kuukavihereni, ohiri wi kuuhiiheni ddoopaalla ddanyu. Koma kinapaalla wi mweereke ddaphaama nave wi mwiivelleelleke vawaarumeyellani Apwiya ni murima muttheene.

Yoswa 23:13

mudduwelle wi Apwiya Mullukwaanyu kheyiikariha mitundu ddenndda vamiitthoni vanyu. Koma athwaayo enaakhalle wonanko musampha wa nyuwaano apaallettho wonanko nikwekwe. Enaakhallettho wonanko muwashullo woovoreya vamutthanani vanyu apaalle wonanko miiwa ddawuuhomani m'mwiitthoni mwanyu. Ddenndda ddineerekeweereya ophiyera nyuwaano mutthollowille mu ellapo yaphaameella eyo Apwiya Mullukwaanyu yuuvahilliiwani.

1 Samuele 18:21

Aaganiza wi, “Kimwinnye Davide amutthelle wi akhalle musampha wawi Afilisti emwiiphe.” Ella sika ekaambiiwa Saulo amulleelleeye Davide waneepiilli wi, “Vano oneerokhalla mukamwenaaka.”

1 Samuele 5:11

Sika vano yaawiithanattho mamwene mattheene a Afilisti wi etthukumane, ellota wi, “Venyihanivoni nibokosinna, munihokolloselle nko navenyeriiwawo, woova wi ninaaniiphe ni athwaahu.” Vawi mwaakhalla woova wuullupalli m'muzindani mutthemwenemmo. Apwiya yaanaallaka mwawoopiha athu a wenko.