Eksodo 10:23 - Mawu a Mulluku

²³ Aiguputwaayo kheyaaworattho woonana nave khaarivo naari muthu mmodda asusalle vamullakoni vaye wa mallapo mararu mattheenaayo. Koma nko wakhalla Aisraele khawaari epiphi.

Eksodo 10:23 Iomraidhean Croise

Eksodo 14:20

Opoto amurapo aari variyari va Aiguputo ni Aisraele. Vano opoto amurapo aawiiha epiphi wa Aiguputo nave aawiiha owala wa Aisraele, mwawi milloko miillinnddo kheddaawaatamanne mahiiyu mattheene.

Eksodo 7:25

Vaavira mallapo matthanu ni meelli Apwiya enanarihalle muhinjoolle.

Eksodo 8:18

Amasengaalle yaheeseesatho weera masengiiwa wi naalliwaattho etthattuse ethupo koma yaalephela. Nave ethuponnddo ddaamwareyella va athu ni enama ddene.

Eksodo 8:19

Sika amasengaalle yaamulleella Farao wi, “Ddenndda eerille tti Mulluku.” Koma Farao ahummihave murima nave aakhoota owiiwellella Mose ni Aroni moollikana ni mmo Apwiya yallotelliiwa.

Eksodo 8:22

Va nllapo nenno, kineerohiyaniha ellapo ya Gosheni yookhallamo athwaaka, mwawi yeeyove khekhalla ni miikaanga wi weyaano odduwelle wi mi Apwiya kiri mu ellapo yeella.

Eksodo 9:26

Marallallaayo kheyaamorellewo o ellapo ya Gosheni, nko wakhalla Aisraele.

Eksodo 9:4

Koma eneerohiyaniha variyari va eziweto dda Aisraele ni dda Aiguputo. Sika kheyiivo naari echiweto emodda ya Aisraele enaakhwe.

Yesaya 42:16

“Kineerewaahoollella oohoona m'misewuni ehiddidduwenlliiwa, kineerewaavelleella va ettilla nnddo ehinavirekiiwa. Kineerotthattusa epiphi eri vahoollo viwa wi ekhalle owala, kineeromwaramwara phaama nipuro nookateyakateya. Nndda sika kinaaweerelleemi, ngaakhoota alliwa.

Amosi 4:7

Tti miyaanottho kammakille murimu vihanlle miyeri miraru wi muhate. Tti miyaano kamurupiha murimu m'muzinda mmodda ni oohimurupiha m'muzinda mmodda. Murimu aanarupa va emata emodda koma va emodda ahirupeeyevo yahumma.

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

Akolose 1:13

Aanaakiha ovenyera o masiva a epiphi nave anikusella mu omwene wa Mwanaye ookondiwa.

Yoswa 24:7

Vano yinllelle wa miyaano, kaahiya murapo wooripa variyari va nyuwaano ni Aiguputo nave enyanja yahaamirya. Mwahoona ni miitthwaanyu nnddo kaweerelleemi Aiguputo nave mwaakhalla enthawi yoorekama muchipululuni.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.