Eksodo 10:1 - Mawu a Mulluku

¹ Vano Apwiya yaamulleella Mose wi, “Oye wa Farao. Kohummiha murima wa Farao ni wa enduna ddaye wi kiwoonihe ddoottikhiniha ddittheddenenndda variyari viwa

Eksodo 10:1 Iomraidhean Croise

Masalimo 7:11

Mulluku sika aweeruza oolungama, nllapo ni nllapo annaallaka oonanara.

Eksodo 10:20

Koma Apwiya yaamummihave murima Farao nave khaawaakhullelle Aisraele wi evenyewo.

Eksodo 3:20

Sika miyaano kineerophariha mutteko masivaaka nave kineeromullaka Iguputo ni ddoottikhiniha nnddo kinaaweereemi wenko. Ddennddo ddeereya, aneerowaakhullellani wi muvenyewo.

Eksodo 4:21

Apwiya yaamulleellattho Mose wi, “Mvo onahokollweelleewe o Iguputo, weere vamiitthoni va Farao ezizindikiro ddoottikhiniha ddittheddene nnddo kuuvahilleemi masiva aweerella. Koma kineeromummiha murima nave khaakhullella wi athwaaka evenyemo.

Eksodo 7:4

Faraooyo khawiiwellellani. Vano kineeromullaka Iguputo vaweerani mitteko dda masiva nave kineerewaahoollella malloko a athwaaka, Aisraele, waakhumiha o Iguputo.

Eksodo 9:12

Koma Apwiya yaamummihave murima Farao sika khaawiiwellelle Mose ni Aroni moollikana ni mmo Apwiya yallotelliiwa.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

Eksodo 9:27

Vano Farao aamwiithana Mose ni Aroni aalleella wi, “Ddawoona koochimwa. Apwiya tti ookhoza koma miyaano ni athwaaka, attheene niri oochimwa.

Yohane 12:40

“Mulluku aaweeriha miitthwiiwa okhalla oohoona, ahummiha mirima ddiwa. Ddahaariki ddiiddo miitthwiiwa yaweerekowoona, nave mirima ddiwa ddeerekewiiwesesa, wi emurukunuwelle olliye wi aachirihe.”

Aroma 9:17

Vawi mawu a Mulluku wa Farao eni, “Kahuuvaha omwene wi koonihe masivaaka navettho kivuwihe epillaaka oweella mwa weyaano mu ellapo yavatthi ettheene.”

Aroma 9:18

Sika vano Mulluku annamweerella echifundo arive muthu anapaalleeye omweerella. Nave annamuumiha murima arive muthu anapaalleeye omummiha.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

1 Samuele 4:8

Niri mu ddoohoosa! Ttaani anaawore onivullusa wa milluku ddamasivanndda? Ddennddathi tti milluku nndde ddawiiphalle Aiguputo ni millilli dda orive mutundu muchipululuni mulle.