Eksodo 1:9 - Mawu a Mulluku

⁹ Mwenooyo ahaalleella athwaaye wi, “Aisraelaalla ennaatesa nave tti amasiva manchichi onikhwaranya hiyaano.

Eksodo 1:9 Iomraidhean Croise

Genesis 26:16

Vano Abimeleki aallota ni Isaki wi, “Mutthaame mwiillaponi mwahummu vawi mookhalla ni masiva manchichi onikhwaranya hiyaano.”

Genesis 46:3

Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli.

Yobu 5:2

Ddawoona, osha murima onnawiipha oolloddowa, nrima ninnawoononga athu ookarangeya.

Eksodo 5:5

Nave aavirellella waalleella wi, “Athu yaalla ennavirellella waata waakhwaranya Aiguputo. Ethiyo kaambiiwa tini munapaalleenyu waahiiha ophara muttekwiiwa?”

Miyambo 14:28

Mulloko muullupalli wa athu sika oriiheya wa mwene koma aahikhalla ni athu omwenaaye onnavevuwa.

Miyambo 27:4

Osha murima onnawiiha ekuku nave onanariwa onnasefukella koma ehache ennattepa onanara okhwaranya ddittheddenenndda.

Oollalleya 4:4

Vano kaadduwella wi mitteko ddittheddene ni eruso ddittheddene ddinneereya ekaamba yawi mmodda anamukhallella ehache mukhwaaye. Ddittheddenennddo khaddinna mutteko nave oddaashaasha ddenndda tti wiikatamiha.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Yakobo 4:5

Muheese wi khamuri yawoona mu mawu a Mulluku awi, “Munepa oyo Mulluku ahiyalleeye mwa hiyaano tti wooddalla ni minkhella ddamasiva.”