Eksodo 1:14 - Mawu a Mulluku

¹⁴ Okumi wa Aisraele waari wookatamiha ekaamba ya mutteko woovoreya wawoopa enjerwa navettho mitteko ddoohiyanahiyana dda m'matani. Yaanaawatihera mwa ekuku ophara mitteko ddittheddene ddootopiha.

Eksodo 1:14 Iomraidhean Croise

Genesis 15:13

Sika Apwiya yaamulleella wi, “Odduwelle moosimikiza wi edduullu ddawo ddineerokhalla alleto o ellapo yaaneena, ddineerokhalla wonanko akaporo nave ddineerohoosiwa wa miyakha 400.

1 Mamwene 12:14

Nave aallota moollikana ni malangizo a asombwaalle wi, “Attiitthaaka yahuureyani nigoli noollemella koma miyaano kineerewaanjereravo. Navettho yahuuwashullani ni miwashullo shisha miyaano kineerewuuwashullani ni miwashullo ddamukoko.”

Masalimo 129:1

Vano Israele allote wi, “Adani aakhalla ekihoosaka wunchichi waambeella kiri musombwe.”

Masalimo 68:13

Ddawaakha okhotoni ddooneya wonanko muuphello a ekhunda oohuruwelliwa ni siliva, enthenga ddiwa tti ddoohuriwelliwa ni golide oowala.”

Masalimo 81:6

“Kahuurullani katundu a m'mathurini mwanyu, mattaanyu kahaavenyihella mutteko wootukhulla madengu.

Eksodo 1:11

Nave yahaahiyavo uullupalli a thangata owaaphariha mutteko Aisraelaayo mwa ekuku. Aisraele yaamumakella Faraooyo mizinda dda Pitomu ni Ramsesi, nko wasungiwa ddoocha.

Eksodo 1:13

nave yaanaawatihera mwa ekuku ophara mutteko wa okaporo.

Eksodo 1:15

Sika mwene a o Iguputoolle aallota ni Sifira ni Puwa, azamba ayo yaakavihera atthiyana a Eheberi vooyarani wi,

Eksodo 2:23

Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Eksodo 6:9

Mose ahaalleella ddenndda Aisraele koma alliwa kheyaamwiiwellelle kaambiiwa alliwa yaari etathillalle murima khalle vookhallani mu okaporwiiwa wa ekuku yawi ddiidda.

Miyambo 28:15

Wonanko mukango woothuruma ni echimbalangondo enapaalla ophara enama emoddamoddave yeeyo mwene oonanara annaalamulella oohoowa.

Yesaya 10:24

Ekaamba ya yeella, Apwiya Mulluku Amasiva Mattheene enallota wi, “Nyu athwaaka a o Ziyoni, muhiwoove Aasiriya yawuuhoosakani ni ekopo ni owuukuthani ni ekoonda ddiwa wonanko yeerella Aiguputo.

Yesaya 14:6

Olliye aanalamulella mweekuku ni oddihoosa moohihiyerera mitundu dda athu.

Yesaya 51:23

Kinaamuvelleelle wa awuuhoosa ayo yuulleelle wi, ‘Konaatthi niweete vamutthanani.’ Mutthanaawo yaweesille vatthi voonyingallavo, yaweesille musewu waweetavo.”

Yesaya 52:5

Vano mi Apwiya kineere tini vawoona wi athwaakanyu yahuupharani okaporo oohivelleellavo ello? Awuulamulani ennakhuwa moonyindulla ni okillotella epewe moohihiyerera.

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

Levitiko 25:43

Ohaalamulelle mwa ekuku koma omooveke Mullukwaawo.

Levitiko 25:46

Akaporwaayo ttuuhalla m'mattani mwa aniinyu nyuwaano mwakhwa wi ekhalle yoohallaniiwa enthawi ddittheddene. Yaayo ttuuweesa akaporo koma Aisraele akhwiinyu muhaalamulelle mwa ekuku.

Levitiko 25:53

Akhallekena wonanko mullupa mutteko oolembiwa orive muyakha. Ahimulamule mwa ekuku.

Mika 3:3

Munnakittakhunella athwaaka, owaatta, waapwesa makhuviiwa ni waaphaddella mwiipallini wonanko enama.

Nahumu 3:14

Murike maaddi wi ekwakhwanelle va enthawi yawuupharani. Llipihani mipanda ddanyu, votani ethaya, ithellani mu echikombole, opani enjerwa.

Numeri 20:15

Makhollwaahu yaaya o Iguputo nave naakhalla wenko miyakha ddinchichi. Aiguputo yaanihoosa hiyaano vamodda ni makhollwaahu.

Mitteko 7:19

Mwenooyo ahaalleka nave ahaahoosa makhollwaahu vawaawatiherani wi yaahiyeke aniiwa ang'onong'ono vaatte wi ekhweke.

Mitteko 7:34

Kohoona ohoosiwa wa athwaaka o Iguputo. Kohiiwa okhuwa wiwa nave kookittha wi kaavulluse. Vano waawo, kuurume o Iguputo.’

Deuteronomo 26:6

Aiguputo yaaneerella ekuku ni onihoosa voonipharihani mutteko mookaporo.

Deuteronomo 4:20

Koma nyuwaano tti athu ayo Mulluku aakhumihalleeye mu ellapo ya Iguputo, mu eng'anjo yooviheelle wi mukhalle yoohallanaaye wonanko mukhallelleenyu ollellova.

Rute 1:20

Olliyooyo ahaalleella wi, “Muhinakiromollaka wi Naomi koma mukiromolleke wi Mara vawi Apwiya Mulluku Muullupalli aheeriha okumaaka wi okhalle wa ethakaraka ddinchichi wuukhwaranyani nyuwaano.