Daniele 9:3 - Mawu a Mulluku

³ Vano kaatukhullella miitthwaaka wa Apwiya Mulluku, waakoha moovekella, nngu kihallaka ocha, kiwanre echiguduli navettho kiihenlle ntuura.

Daniele 9:3 Iomraidhean Croise

2 Samuele 12:16

Sika Davide aamuvekellella mwaanooyo wa Mulluku. Aahalla ocha,* avollowa mpa, akonaatthi vatthi mahiiyu mattheene.

Ezara 10:6

Vano Ezara aavenyawo o enyumba ya Mulluku nave aaya o echipinda ya Yehohanani mwaana a Eliyashibu nko akonneeyewo mahiiyu mamodda oohimucha buledi apaalle owirya maaddi vawi aaminlla ekaamba ya ohiroromelleya wa ayo yahokollowille wuukaporoni.

Ezara 8:21

Vano o muhinje wa Ahava kaalamula wi nihalle ocha ni wiiyeviha vamiitthoni va Mullukwaahu ovekella wi anihoollelle va olendwaahu ni oniteteza hiyaano, aniihu ni katundwaahu.

Ezara 9:5

“Va enthawi ya mukutho wa misikuwa, kaavenya mvo kakeraatthilleemi moomoriha ethakaraka kiwarille ddoowara ddaka ni mukanjwaaka ddawaahuwanndde kikokhora nave kitukhullella mattaaka wa Apwiya Mullukwaaka,

Nehemiya 9:1

Vano va nllapo na 24 na mweeri yoolla, Aisraele attheene yaatthukumana wi ehalle ocha, ewanre mathumba ni wiihella nthupi m'muruni. Nave Aisraele yahiipatula variyari va alleto attheene nave enawulula machimwiiwa ni ddoonanara dda makhollwiiwa.

Estere 4:16

“Khaweni mwaatthukumanihe Ayuda attheene a o Susa. Nave yathute ocha ekaamba ya miyaano. Ehiye yacha apaalle owirya mallapo mararu otthaana ni mahiiyu. Miyaanottho ni anamwallaaka nineerothuta ocha moophwanaphwana ni nyuwaano. Vatulli viwa kineerooya wa mwene naari nngu tti ohiiwellella lamulo. Wakhalla okhwa, kikhwe.”

Yobu 42:6

Sika kohiinyaambusa meekha, kinalapa vawiihellani nthupi ni ntuura.’ ”

Masalimo 35:13

Koma miyaano adanaaka yavoriwiiwa, kaawara eziguduli wooniha omoriwa ethakaraka. Kahiillaka voohallani ocha, kaavekella kiwaramenlle vatthi,

Yesaya 22:12

Enthawi yeeyo Apwiya Mulluku Amasiva Mattheene aawiithahanani wi mwinlle ni omoriha minthori, mucheme ni owara eziguduli.

Yeremiya 33:3

‘Kiithane miyaano nave kineerowaakhulla. Kineerewuulleella ddoovittheya dduullupalli nnddo ohinaddidduwelleewe.

Ezekiele 36:37

“Mi Apwiya Mulluku kinallota wi, ‘Kineerowaakhullellattho Aisraele wi ekiveke nnddo enapaalliiwa wi kiweerelle. Kineerewaaruuwiha athwiiwa wonanko enkhosa.

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Daniele 9:2

Vano muyakha wawaamba wa omwenaaye, miyaano Daniele, vaweerengani mabukhu aweella, kaaphwanya wi Yerusalemu aneerotthattusiwa ntepe wa miyakha 70. Mawu yaalla tti ayo Apwiya yamulleelliiwa namallotella Yeremiya.

Daniele 9:20

Kaanallota ni ovekella ni waakhullella machimwaaka ni machimo a athwaaka a Israele. Kaanaveka vamiitthoni va Apwiya Mullukwaaka vawuupuwellani mwaango waweella wa Mullukwaaka.

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 2:12

Koma naari ollellova, Apwiya enallota wi, “Lapani nave muhokollweelle wa miyaano ni murimaanyu muttheene. Hallani ocha, inllani ekutho ni omoriha ethakaraka.

Yona 3:5

Athu o Nineve yaakhulupilila othenga wa Mulluku. Sika yaallalleya wi arive muthu, waambeella muullupalli ophiyera mung'onong'ono, athute ddoocha nave aware echiguduli wooniha olapa.

Luka 2:37

Vano aari ni miyakha 84. Khaavenyillemo mu enyumba ya Mulluku koma aanallapella mahiiyu ni otthaana, voohallani ocha ni ovekella.

Mitteko 10:30

Korineliyo aallota wi, “Waari nnddana enthawi wonanko yeella kaamavekella mpa mwaka enthawi ya 3 koloko otthaana. Moorurumusa muthu oowara ddaweellesesa ahiimella vahoollo vaka