Daniele 8:8 - Mawu a Mulluku

⁸ Vano nankhoro a epuri ahaamba wiitukhulla wunchichi ekaamba ya masivaaye. Koma masivaaye yaphiyalliiwa vawaatesesa, nnyaka naye nuullupallinne naakothowa. Munipuroni mwiwa vaamella manyaka mamodda masese muullupalli ootthoonya o ephevo ddisese.

Daniele 8:8 Iomraidhean Croise

2 Epilli 26:16

Koma masiva a Uziya yunnuwalle ahaamba wiitukhulla nave aallakiwa. Khaawiiwellelle wa Apwiya Mullukwaaye voovollowani m'musasani wa Apwiya wi oose lubani* vanikuwani nawoosellavo.

Estere 9:4

Vawi Mordekai aari muthu muullupalli o enyumba yoomwene nave olliye aavuwa orive weko mu ezigawo ddittheddene, ekaamba yawi masiva a olamulellwaaye yaanoonjerereya nllapo ni nllapo.

Yeremiya 49:36

Kineerorumiha ephevo ddisese va athu a o Elamu ovenyera o ezigawo ddittheddene ddamuddullu. Kineerewaapallallesella o ephevo ddisesennddo nave khavikhalla ellapo nko ohinaaphiyeweewo.

Yeremiya 5:27

Enyumba ddiwa ddooddalla ni eyuuma yoophwanya mwawoottha wonanko echisangala yooddalla ni epallame. Tti ekaambeene yootthattuwa oovuwa ni eeyuuma.

Ezekiele 16:7

nave wunnuwe wonanko mmiddo wa m'matani.’ Wahunnuwa nave waarekama, waambeella woona mweeri. Mapelle yahaamba omella, meehaawo yahaamba wunnuwa. Komathi waari epwillimwinndive ni oosiwa.”

Ezekiele 28:9

Ethiyo oneerovirellellave ollota wi weyaano tti wonanko mulluku vamiitthoni va athu enawiiphaayo. Iyaayi, oneerewooneya wonanko muthu ohiri mulluku wakhalla m'mattani mwa athu oowoonongaayo.

Daniele 11:4

Koma omwenaaye ori variyari, oneerewonongeya nave oneerokawaneya vasese. Khollapuwella o edduullu ddaye nave oovollowa munipuroni mwaye khekhalla ni masiva oollikana ni a olliye. Omwenaaye oneerotulliwa ni misisi ddene ni ovelleelliwa wa amodda ohiri wa alliwaalle.

Daniele 4:31

Mwene allotaka ddiidda, vahiiweya mawu oovenyera oddullu awi, “We mwene Nebukadinezara, iwa nnddo kinalloteemi. Omwenaawo woovenyihiwa m'mattani mwawo.

Daniele 5:20

Koma yaambilliiwa wiitukhulla, wunnuwa murima ni wiiddivella, yaakitthihiwa va mpandwiiwa woomwene ni waakhiwa olemwiiwa.

Daniele 7:2

“Kahoona mu masomphenyaaka mahiiyu. Ngoonani, enyanja yuullupalli yaanyahulliwa ni ephevo ddisese ddamuddullu.

Daniele 7:6

Vatulli viwa kiwehaka ddiiddo, kahoona yookumi emodda wonanko nanthavi eri ni muuphello masese eepallame vamutthanani viwa. Yookumi yeella yaari ni miru misese nave yaavahiwa masiva oolamulella.

Daniele 8:22

Ollota dda nnyaka nookothowa nne munipuroni niwa vamenlle manyaka masese, sika wi mu omwenaayooyo muneerokhuma moomwene masese koma masiviiwa khellikana ni a omwene wawaamboolle.”

Daniele 8:5

Kiganizeraka ddenndda, kaamoona nankhoro a epuri avenyeraka woovollowa nndduwa, aviraka mu ellapo yavatthi ettheene, eetaka muddulluve. Aakhalla ni nnyaka nuullupalli variyari va miitthwaaye.

Daniele 8:7

Kaamoona allipanaka moowalli ni enkhoseeyo, aayikhuddulla ni winttaka manyakiiwa meellaalle. Nankhoro a enkhosoolle khaallipalle mwawi nankhoro apuroolle aamukuha amunyingallella. Khaarivo awi ttuumuvullusa nankhoro a enkhosa.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Mariko 13:27

Nave kineerewarumiha angelwaaka omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Deuteronomo 31:20

Vawi kaavollochiha mu ellapo ya mukaka ni enwi eyo kallupenlleemi wa makhollwiiwa nave yavona mmo enaapaallelliiwa ni oneneva, eneerorukunuwella o milluku ddimodda ni waamba oddillapella. Eneerokikhoota ni otathilla echipanganwaaka.

Yawuupullulla 7:1

Ddimallille ddenndda kahoonattho masomphenya a angelo asese yiimenlle va makona masese a ellapo yavatthi. Yaari ephanre ephevo ddisese wi ddihoope va ellapo yavattheella apaalle va enyanja naari va orive muteekho.