Daniele 8:3 - Mawu a Mulluku

³ Vano kitukhunlle miittho, kaamoona nankhoro a enkhosa a manyaka meelli iimenlle vakhopella va muhinje. Manyaka meellaayo yaari oorekama koma nimodda naarekama okhwaranya nikhwiiwa nave namenlle nikhwiiwanno nimenlle khalle.

Daniele 8:3 Iomraidhean Croise

1 Epilli 21:16

Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

Ezara 1:2

“Nndda sika mwene Kirusi a o Persiya analloteeye wi Apwiya Mulluku a oddullu aakivaha moomwene mattheene a va ellapo yavatthi nave aakilamula wi kaamakellettho enyumba o Yerusalemu a o Yuda.

Ezara 4:5

Nave yahinnya makobiri enduna ddimodda wi ddaakavihere waahiiha muttekooyo mu enthawi ya Kirusi mwene a o Persiya ophiyera enthawi ya Dariusi mwene a o Persiya.

Estere 1:3

M'muyakhani waneeraru wa omwenaaye aakeraatthiha machellello a attekweenaaye attheene ni allupa muttekwaaye, akhoto uullupalli a o Persiya ni a o Mediya vamoddattho ni athu oovuwa ni enduna dda mu ezigawo ddaye.

Yesaya 13:17

“Vawi Amedi khenampaalla siliva nave khanahakallalla ni golide kineerewaavenyiha wi ewane ni Ababiloni.

Yesaya 21:2

Kohoona masomphenya awoopiha awi awoottha ennootthave nave awaakha ennaakhave. Akhoto a o Elamu, ambani ekhoto! Akhoto a o Mediya, apheellani muzinda! Mi Apwiya kineeromalliha ddookatamiha ddittheddene ddawiille ni Babiloni.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Yeremiya 51:11

“Tthokollani mipaamba, kusani ezishango. Apwiya aanyanyulla mirima dda mamwene a Amedi vawi yoopaalliiwa tti yawi emoononge Babiloni. Enapaalla emuhokolloselle yoonanara kaambiiwa ahoononga enyumbiiwa.

Daniele 10:5

Kitukhullalle miittho, kaamoona muthu awanre ddabafuta ni laamba a golide a o Ufazi muyuununi mwaye.

Daniele 2:39

Vatulli va omwenaanyu vineerowa omwene omodda woohikhalla ni masiva wonanko waanyu. Vineerowattho omwene omodda waneeraru, omweneene wamukuwa oyo onaalamulelle ellapo yavatthi ettheene.

Daniele 5:31

Sika Dariusi Mumedi ahaakha omwenooyo ari ni miyakha 62.

Daniele 6:28

Sika Daniele aaphwanya eyuuma va enthawi ya omwene wa Dariusi ni wa Kirusi a o Persiya.

Daniele 7:5

Vano yookumi yaneepiilli yaakhumellella yawooneya wonanko echimbalangondo. Yaari yootukhuwa embali emodda, muwano mwiwa mwaakhalla epararu variyari va miino. Nave yaayilamula wi, “Venya, ttakhuna enama yinchichi!”

Daniele 8:2

M'masomphenyaaka kaaddoona meekha kiri mu muzinda muullupalli wa Susa oyo ori mu echigawo ya Elamu. Kahoonattho wi kaari o muhinje wa Ulai.

Daniele 8:20

Nankhoro a enkhosa a manyaka meelli wamoonilleewe anattaphullella mwene a Amedi ni mwene a Aperisi.

Zekariya 1:18

Mu masomphenya mamodda kahoona manyaka masese.

Zekariya 2:1

Mu masomphenya mamodda kaamoona muthu aphareelle mukwe woolingella.

Zekariya 5:1

Mu masomphenya mamodda kahoona nibukhu noovava.

Zekariya 5:5

Vatulli viwa mungelo olle allota ni miyaano aahokollowattho allota wi, “Ngoona ello emodda enaweella.”

Zekariya 5:9

Kiwehillettho kaawoona atthiyana eelli ookhalla ni muuphello wonanko a nasekwa evavihiwaka ni ephevo. Nave yaavavellana mutaangoolle variyari va ellapo yavatthi ni oddullu.

Zekariya 6:1

Mu masomphenya mamodda kahoona magareta masese ekhumaka variyari va miyaango miilli ddamukuwa.

Numeri 24:2

Aawoona Aisraele eri m'misasani mwiwa, nirive nlloko vaweekhiiwa. Vano munepa wa Mulluku waamukitthella.

Yoswa 5:13

Nllapo nimodda Yoswa ari vakhuviru ni muzinda wa Yeriko, moorurumusa aamoona muthu iimenlle muhoollo mwaye, nsupada noohullullahullulla niri m'mattani mwaye. Vano Yoswa aaya vaari muthumvo amukoha wi, “Ethiyo weyaano tti mmodda a akhotwaahu apaalle ori mudanaahu?”

Yawuupullulla 13:11

Nave kahoona enama emodda yuullupalli yawoopiha ekhumaka mu ellapo yavatthi. Yaakhalla ni manyaka meelli wonanko mwaanaankhosa koma yaanallota wonanko enowa yuullupalli.

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.