Daniele 8:11 - Mawu a Mulluku

¹¹ Nahaamba wiitukhulla wunchichi ophiyera opaalla ollipana ni mwene a milloko ddooddullu. Naahiiha mikutho nnddo ddavelleelliwa wa olliye nllapo ni nllapo nave naakumulla enyumba yoomullapellamo mwene.

Daniele 8:11 Iomraidhean Croise

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yesaya 37:29

Ekaamba yawi waakishella murima, wiitukhulla wawo wahiiweya wa miyaano, kineeromedda ephunaawo ni embeza, kineerohiya mukoko muwano mwawo, kineerewuuhokollosella mutulli vooweetihani ettilla waweelleewe.’ ”

Yeremiya 48:26

“Mumulezelihe Mowabu kaambiiwa ahiitukhulla vawaawukilani Apwiya. Atthaveyiwe m'marapheywaaye nave akhalle ello yoottheyiwa.

Yeremiya 48:42

Mowabu aneerewoonongeya, khakhallattho mutundu wa athu vawi ahiitukhulla vawaawukila Apwiya.

Ezekiele 46:14

Makilogaramu araru a othu avelleelliweke vamodda ni enameeyo. Evelleelliwekettho lita nimodda a makhura awoottowiwa mu othooyo. Mukutho woovelleelliwa wa Apwiyoolla okhalle lamulo wa enthawi yoohimalla.

Daniele 11:22

Aneerewiikariha ni otthollosa milloko ddakhoto naarittho enduna ya echipangano.

Daniele 11:31

Akhotwaaye eneeronanariha enyumba ya Mulluku ni mpanda woollipa nave eneerohiiha mikutho ddooshellelliha dda nllapo ni nllapo. Wenko eneerewiimesawo Yoonanara Yawoononga.

Daniele 12:11

Ovenyera enthawi eyo mikutho dda nllapo ni nllapo ddinaahiihiwiiwa nave Yoonanara Yawoononga enaakeraattheyiiwa, vinaavire enthawi wonanko mallapo 1, 290.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Daniele 8:12

Milloko ddooddullu ddaagonjella nnyakanno, naahiiha mikutho dda nllapo ni nllapo mwa olakwa waye. Nahoononga ollapella wawoona nave naanapambana va erive ello neeriiwa.

Daniele 8:24

Masivaaye eneerewaatesesa nave aneerewoononga mwawoopiha. Aneeropambana va erive ello aneereeye. Aneerewoononga athu amasiva navettho athu aweella.

Daniele 8:25

Ekaamba ya ochenjeresesa waye aneereweera ddoolleka nave murimaaye oneerewiitukhulla. Aneerewoononga athu anchichi moohaachenjeza. Aneeromuwukila mwene a mamwene koma aneerewoonongeya woohikhalla ni nnatta na muthu

Daniele 9:25

Vano dduwella nave iiwesesa wi ovenyera enthawi eyo mawu yiiweyilliiwa awi Yerusalemu aneeropotokosiwattho ni omakiwattho ophiyera enduna yoozoziwa ephiyalle,* vinaavire miyakha mitthanu ni miilli oruuwiha otthanu ni opiilli. Sika muzindooyo oneeromakiwattho ori ni misewu ni engalande ddawiitetezella nave onakhallewo miyakha 62 oruuwiha otthanu ni opiilli koma enaakhalle enthawi ya ddoohoosa.

Numeri 28:3

“Nave waalleelle wi mukutho wawoosiwa viikho wawi muvelleelleke wa Apwiya nllapo ni nllapo tti anankhoro a eelli a asaanaankhosa a muyakha mmodda oohirakalla.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”