Daniele 7:9 - Mawu a Mulluku

⁹ Kiwehaka ddiiddo, kahoona mipando ddoomwene dditthattiwaka. Oyo arivo ovenyera khalle aakeraatthi va mpando mmodda. Ddoowara ddaye ddaari ddaweella mbee wonanko nthoche nave meehaaye yaari aweella wonanko obweya weenkhosa. Mpandwaaye waari wonanko wa mallumi amunllo nave magudumwiiwa yaari wonanko mallumi amunllo.

Daniele 7:9 Iomraidhean Croise

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

2 Epilli 18:18

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.

Masalimo 45:8

Ddoowara ddanyu ddinnuunkhella makhura a mure,* a aloe* ni a kasiya, enyumba ddanyu ddoomwene tti ddoomakiwa ni manyaka a ethepo, mwemmo ddawiipa dda enthambo ddinnuuhakallallihani.

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Masalimo 93:2

Mpandwaanyu woomwene, waakeraattheya waambeella khalle, nyuwaano mwaakhallawo ovenyera khalle.

Yesaya 6:1

Mu muyakha oyo mwene Uziya akhwilleeye kaawoona Apwiya akeraatthille va mpando wa omwene wavaddullu ni woowellihiwa. Mukanjwiiwa waari woorekama wunchichi mwawi waaddalla mu enyumbiiwa ettheene.

Yesaya 9:6

Vawi mwaana ooniyariwella! Noovahiwa mwaana aamullopwana! Olamulello onaakhalle m'mattani mwaye, aneerovahiwa nnddina nawi Oolangiza Oottikhiniha, Mulluku Amasiva, Attiitthi Eenthawi Yoohimalla, Mwene amurendelle.

Yeremiya 49:38

Vano kineerokeraatthiha mpandwaaka woomwene o Elamu nko kinaamoonongeemi mwene ni enduna ddaye.

Ezekiele 1:26

Vaddullu valle vaakhalla ello emodda yookhalla wonanko mpando woomwene woopangiwa ni nlluku na safiro. Vaddullu va mpandooyo vaakhalla ello yawooneya wonanko muthu.

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Daniele 7:22

ophiyera mvo oyo aarivo khalle aphiyalleeye. Sika echiweruzo yaaweetella phaama aweella a Mulluku Amasiva Mattheene. Ella sika enthawi eyo aweella yaakhenlliiwa omwene.

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Habakuku 1:12

Nyu Apwiya, ethiyo khemuhiyo a enthawi yoohimalla? Nyu tti Mullukwaaka, Aweellaaka, oohikhwa. Nyu Apwiya, mohaatthoolla Ababiloni wi yeeruze, nyu nlluku naka, mohaakeraatthiha wi ellake.

Mateyu 17:2

Nave Yesu aatthattuwa vamiitthoni viwa. Owiitthoni waye waanawala wonanko nndduwa nave ddoowara ddaye ddaakhalla ddaweella mbee.

Mateyu 28:3

Wooneya waye waari woowala wonanko ettari nave yoowaraaye yaari yaweella wunchichi wonanko nthoche.

Mariko 9:3

Nave ddoowara ddaye ddaatthattuwa ddaweella mbee vawi ddaanawala nave khaavo muthu a va ellapo yavatthi anaawore oddeelliha ddoowara mwawi ddiidda.

Mitteko 2:30

Vallethi aarittho namallotella nave aadduwella wi, Mulluku aallupella wi mmodda a edduullu ddaye aneeroowa avollowe omwenaaye.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Afilipi 3:9

nave wi kaattanihiwe ni olliye. Nginnattho echilungamo yaakayaaka yoovenyera mwa wiiwellallani malamulo. Koma vano kookhalla ni echilungamo yoovenyera wa Mulluku oweella mwa echikhulupililo mwa Khrisitu.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

1 Yohane 1:5

Vano othenga niiwalleehu ovenyera wa Mwanaye Yesu Khrisitu nave ninawullalleyeehu tti wawi Mulluku sika owala nave mwa olliyooyo epiphi kheyaamo.

Yawuupullulla 1:14

Murwaaye ni meehaaye ddaari ddaweella wunchichi wonanko nthoche, miitthwaaye yaari wonanko mallumi amunllo,

Yawuupullulla 19:18

Waawoni muttakhune mitembo dda mamwene, oolamulella a akhoto, akhoto, enama dda akavalo ni owaawelliiwa, mitembo dda athu attheene, akaporo ni ayo ehiri akaporo, uullupalli ni ang'onong'ono!”

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.

Yawuupullulla 4:2

Enthawi yeeyo kaahoollelliwa ni Munepa Waweella nave kahoona oddullunko ori mpando wa omwene nave muthu mmodda akeraatthille vampandoni woomwenooyo.