Daniele 7:4 - Mawu a Mulluku

⁴ Yawaamba yaari wonanko mukango koma yaakhalla ni muuphello wonanko echiwombankhanga. Miyaano kiwehaka, muuphellwaaye yahuudduwa nave yookumeeyo yahiimesiwa ni manyallo meelli wonanko muthu nave yaavahiwa ezeru wonanko muthu.”

Daniele 7:4 Iomraidhean Croise

2 Samuele 1:23

“Saulo ni Yonatani yaari ookondiwa ni oohakallalliha, okumiiwa muttheene kheyaamwallana nave yakhwiiwa yaari attheene. Yaari awaakuva okhwaranya epallame yampungu, amasiva okhwaranya mikango.”

Yobu 25:6

Mwawiidde vano ni muthu oyo tti nipwihive, mwaana a muthu oyo tti muunguve?

Masalimo 9:20

Nyu Apwiya, woopopiheni athwaayo, athu a mitundu ddimodda edduwelle wi alliwaayothi tti athu.

Yeremiya 25:38

Apwiya ahaahiya athwiiwa wonanko mukango woohiya nikhungu niwa nave ellapwiiwa yootthattuwa ntepe ekaamba ya ddoohoosa dda ekhoto ni osha murima wawoopiha wa Apwiya.

Yeremiya 4:13

Ngoonani, adani enimawa wonanko mirapo nave magaretiiwa ennathamaka wonanko namangalle. Akavalwiiwa ennathamaka wunchichi okhwaranya mipungu. Otulli, nohoonongeya!

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yeremiya 48:40

Apwiya enallota wi, “Mutundu mmodda oneeromvavella ni ommorella Mowabu wonanko mpungu ottaphurusalle muuphello.

Yeremiya 49:19

Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Aedomu woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Maliro 4:19

Athu oonithwara manyallo yaari awaakuva, okhwaranya mipungu ddoovava muddullu. Yaaniikariha omiyaangoni, yaanniipitthella muchipululuni wi enisikite.

Ezekiele 17:3

mi Apwiya kinallota wi, ‘Vaakhalla mpungu muullupalli a muuphello muullupalli ni enthenga ddoorekama ddamalembamalemba. Yaawa o Lebanoni ephareelle enthambi ya otthoka wa muteekho wa mukunguza.

Ezekiele 28:2

“We mwaana a muthu mulleelle mwene a o Tiro mawaaka awi, we ni murimaawo wawiitukhulla onnallota wi, ‘Mi tti mulluku. Kinakhalla wonanko mwene variyari va milluku mu enyanja ddoowallamella.’ Komathi we tti muthu shisha ohiri mulluku naari oddeesaka eezeru wonanko mulluku.

Ezekiele 28:9

Ethiyo oneerovirellellave ollota wi weyaano tti wonanko mulluku vamiitthoni va athu enawiiphaayo. Iyaayi, oneerewooneya wonanko muthu ohiri mulluku wakhalla m'mattani mwa athu oowoonongaayo.

Daniele 2:38

Aahiya m'mattani mwanyu athu, enama ni epallame wi mulamulelleke ddittheddenennddo orive weko ddinakhalliiwa. Muru wa golidoolle tti nyuwaano.

Daniele 4:36

Vano ezeru ddaka ddaahokollweelliiwamo omwene ni masivaaka muullupalli yaahokollowa, wi wooneye wunnuwa wa omwenaaka. Enduna ddaka ni uullupalli a akhotwaaka yaakaakhella moohakallalla. Kaakeraatthihiwattho mu omwenaaka nave masivaaka yahoonjerereya okhwaranya khalle.

Daniele 7:12

Ddookumi ddimodda ddoohalla naari yaddaakhille masiviiwa oolamulella yaaddaakhullella okhalla ni okumi wa enthawi yooyeva.

Daniele 7:5

Vano yookumi yaneepiilli yaakhumellella yawooneya wonanko echimbalangondo. Yaari yootukhuwa embali emodda, muwano mwiwa mwaakhalla epararu variyari va miino. Nave yaayilamula wi, “Venya, ttakhuna enama yinchichi!”

Mateyu 24:28

“Sika ddeko ddenndda ddinnooniha wi omalla wa ellapo yavatthi wohaatamella wonanko otthukumana wa ephangwi onoonihelliiwa wi wenko wookhalla enama yookhwa.

Deuteronomo 28:49

Apwiya eneerewiithaniha mutundu wa athu ovenyera woorekama, wookomella ellapo yavatthi wi ollipane ni nyuwaano. Athu a mutundu oyo ellotellwiiwa muhinayidduwelleenyu eneerewuumorellani wonanko mpungu.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.