Daniele 7:1 - Mawu a Mulluku

¹ Muyakha wawaamba wa Belishazara a o Babiloni, Daniele akonaatthille vabedini vaye aalloha, ahoona masomphenya. Sika aalemba ddoollohannddo, additthopoollella mwawiiweya phaama allota wi,

Daniele 7:1 Iomraidhean Croise

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Genesis 46:2

Mahiiyu Mulluku aamooneyella Yakobo nave aallota wi, “Yakobo, Yakobo!” Olliye ahaakhulla wi, “Ee Apwiya.”

Yobu 4:13

Nndda ddaakihoosa mahiiyu moolloha mvo athu enakhwiiwa ni ekhove.

Yesaya 30:8

Mulluku aakilleella wi, “Lemba ddenndda va sileti alliwa yoonaka nave waddilembettho mu nibukhu wi muhoollo ddikhalle omboni woohimalla.

Yesaya 8:1

Apwiya yaakilleella wi, “Okuse yoolembavo yuullupalli nave olembevo ni malemba oodduwanyeya phaama wi ‘Woononga Mwawaakuva Waakha Moohiselliha.’ ”

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Yeremiya 36:32

Vano Yeremiya aakusa nibukhu nimodda amwinnya namalembella Baruki mwaana a Neriya amulembiha mawu mattheene a mu nibukhu nne Yehoyakimu mwene a o Yuda anoosilleeye nave ahoonjereravo mawu mamodda oophwanaphwanana.

Yeremiya 36:4

Vano Yeremiya aamwiithana Baruki mwaana a Neriya. Baruki aalemba munibukhunimmo mawu mattheene ayo Yeremiya amulleelleeye, mawu mattheene ayo Apwiya yallotilliiwa ni Yeremiya.

Ezekiele 1:1

Nllapo naneetthanu na mweeri waneesese muyakha wa 30 kaari variyari va akaporo a o Yuda vakhuviru ni muhinje wa Kebara. Vano oddullu waahulleya nave kahoona masomphenya a Mulluku.

Ezekiele 40:2

M'masomphenya, Apwiya yaakikusella o ellapo ya Israele ekihiya vamwaangoni woorekama mvo koonilleemi yoomakiwa wonanko muzinda omwera.

Daniele 1:17

Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.

Daniele 2:1

Muyakha waneepiilli wa omwenaaye, Nebukadinezara aalloha. Nave ollohanko waamwaapheelliha muru mwawi ekhove ddaampallalleya.

Daniele 2:26

Mwene aallota ni Daniele oyo aromolliwa Beliteshazara wi, “Ethiyo we ttuukilleella olloha waka ni ottaphullella wiwa?”

Daniele 4:13

Kaganizelleemi dda nnddo koonilleemi m'muruni mwaka kiri vabedini vaka, ngoonani, amithenga aweella yaakittha oddullu.

Daniele 4:5

Kikonaka kaalloha ddawoopiha. Ddeko koonilleemi m'muruni mwaka kikonaatthille vabedini vaka ddaakoopiha wunchichi.

Daniele 5:1

Mwene Belishazara ahaakeraatthiha machellello muullupalli wa enduna ddaye 1,000 nave aamuwiryana vinyo nimodda.

Daniele 5:22

“Koma nyu Belishazara mwanaye khamwiiyevihalle naari mwadduwenlle ddittheddenndda.

Daniele 5:30

Nave mahiiyu yaayo Belishazara mwene a o Babiloni ahiiphiwa.

Daniele 7:13

Kiwehakave ddeko m'masomphenya mahiiyu, ngoonani, kaamoona mmodda wonanko mwaana a muthu akitthaka ni mirapo ddooddullu. Amwaatamenlle oyo aarivo khalle, amodda yaamuvelleella wa olliye.

Daniele 7:15

Mi Daniele, kaakatamiheya m'maganizoni mwaka nave nnddo koonilleemi m'masomphenya ddaakoopiha.

Daniele 7:7

Vatulli viwa kahoonattho m'masomphenya a mahiiyu yookumi yaneesese. Yaari yawoopiha ni yootthukumelliha, yamasiva manchichi. Yaakhalla ni miino muullupalli amukoko nave yaanakhaddulla, ettakhuna vatulli viwa enyingallella ddoohalla ni manyallwiiwa. Yaahiyana ni ddookumi ddawaambanndde nave yaari ni manyaka khumi.

Daniele 8:1

Mi Daniele, muyakha waneeraru wa mwene Belishazara kahoona masomphenya emanlle awaambaalle.

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Amosi 3:7

Ddawoona, Apwiya Mulluku kheneera ello ehinaawululelle owaarumeyelliiwa, anamallotella.

Habakuku 2:2

Apwiya yaakaakhulla wi, “Lemba masomphenyaalla vanllukuni wi muthu ttuuweerenga moohikatamiha.

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Aroma 15:4

Nave mawu a Mulluku mattheene yaalembiwe khalle enanihuddiha hiyaano. Mawaayo ennanillipiha murima ni onikhalliha oovillella wi nikhalle ootiyera.

2 Akorinto 12:1

Kinaphwanella okota naari kihiphwanyillevo ello yaphaama. Sika vano kineerollota dda ddoolloha ni dda wuupullulla ddoovenyera wa Apwiya.

Yawuupullulla 1:19

Vano onaphwanella wi olembe mu nibukhunna ddeko ddittheddene onooneewe, ddineereya owaakattho dda ddeko nnddo ddineereye muhoollo.

Yawuupullulla 10:4

Ogugudeyanko wamaallilliiwa, kaapaalla wi kilembe ddallotiwe mu ogugudeyanko. Koma kahiiwa mawu oovenyera oddullu wi, “Ohimulleelle arive muthu nnddo ogugudeya waneetthanu ni piilli ollotilliiwa nave ohilembe!”