Daniele 6:2 - Mawu a Mulluku

² Nave aamutthoolla Daniele ni amodda eelli wi ekhalle uullupalli oowehera enduna wi ddeko dda mwene ddisungeye phaama oohoonongeya.

Daniele 6:2 Iomraidhean Croise

Ezara 4:22

Nave muhisellihe ddenndda. Ethiyo kaambiiwa tini kinaakhullelleemi wi ddenndda ddivirellelle ophiyera owoononga amwene?”

Estere 7:4

Vawi aanikulliha, miyaano ni athu a nlloko naka wi noonongiwe, niiphiwe ni wi nitthollosiwe. Yanikullihalleke wi nikhalle akaporo, allopwana ni atthiyaneene, keereweera ellapo tuu oohillotavo ello vawi ohoosiwa wahu khewaaphiyere vawi nyu amwene mukatamihiwekena.”

Miyambo 26:6

Muthu oyo anarumiha othenga oweella mwa muthu ookarangeya anaphadda nnyallo naye nave aniivaritthella mankhalla.

Miyambo 3:16

Okumi woorekama ori o nnattanatta waye, eyuuma ni oriiheya wuunyotthoni waye.

Daniele 5:16

Sika kohiiwa wi weyaano onnawora ottaphullella olloha navettho mawu ookhuweya. Weerenga malemba yaalla ni okilleella ottaphullella wiwa kineerewuuwariha ddoowara ddooreera ddoofiira ni ogufu wagolide munikohini mwawo nave onaakhalle oolamulella aneeraru mu ellapweella.”

Daniele 5:29

Vano Belishazara aalamula wi Daniele emuwarihe ddoowara ddooreera ddoofiira ni ogufu wagolide munikohini. Vatulli wiwa yaallalleya wi akhalle oolamulella aneeraru mu ellapweeyo.

Daniele 5:7

Mwene aakhuwa owiithana awoombesa, amasenga ni oollotella ddamuhoollo wi ewe. Ahaalleella eezeru a o Babiloni wi, “Arive muthu oowora weerenga ddilembiwe mvanndda ni okilleella ottaphullella wiwa, kinimamuwariha ddoowara ddooreera ddoofiira ni ogufu wagolide munikohini nave anaakhalle oolamulella aneeraru mu ellapweella.”

Daniele 6:1

Ddaamuddivella Dariusi otthoolla enduna 120 wi ddilamulelleke mu omwenooyo.

Mateyu 18:23

Sika omwene wa Mulluku tti wonanko niphwanaphwaniho nna. Vaakhalla mwene mmodda oyo apaallille wi eerengelle ekongoli dda allupa muttekwaaye.

Luka 16:2

Sika apwinnyaayo yaamwiithana ellota wi, ‘Kiniiweeminndda dda weyaano tti ddawoona? Kitthopoollelle dda muttekwaawo muttheene va eyuumaaka vawi khovirellella okhalla mullupa muttekwaaka.’

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

1 Samuele 2:30

Miyaano kiri Apwiya Mulluku a Aisraele. Kaalonjeza wi nibanja nawo ninaakhalleke allupa mukutho woohimalla. Koma vano kinallota wi ddennddo ddoomalla. Kinaavaha olemu ayo enakititimiha koma kinnaatembelela ayo enakivevulla.