Daniele 5:2 - Mawu a Mulluku

² Amuwiryaka vinyo, Belishazara aalamula wi eweena eziwiya ddagolide ni ddasiliva nnddo Nebukadinezara attiitthinnya yaddivenyehalliiwa o enyumba ya Mulluku ya o Yerusalemu. Apaalla wi emuwiryellemo vinyo olliye, enduna ddaye vamodda ni awariye uullupalli ni ang'onong'ono.

Daniele 5:2 Iomraidhean Croise

2 Samuele 9:7

Davide aamulleella wi, “Ohoove. Kinapaalla wi kiweerelle echifundo ekaamba ya Yonatani, attiittho. Kineerewuuhokollosella ellapo ettheene ya apwiiyo Saulo. Onaacheke ni miyaano mallapo mattheene.”

2 Mamwene 24:13

Ahaakha eyuuma ettheene ya o enyumba ya Apwiya ni ya o enyumba yoomwene Ahoononga eziwiya ddittheddene ddagolide dda o enyumba ya Apwiya nnddo Solomoni mwene a o Israele addipangilleeye.

2 Mamwene 25:15

Muullupalli a alonda akhotoolle aakusattho eziwaya ddoovallella munllo, embale ddoomiddella ni ddeko ddimodda ddittheddene ddagolide ni ddasiliva.

2 Epilli 11:20

Nave vatulli viwa aamutthellattho Maaka mwaana a Abishalomu oyo amuyarelle Abiya, Atai, Ziza ni Shelomiti.

2 Epilli 15:16

Mwene Asa ahaavenyiha omwene amunne, Maaka ekaamba yawi yaapanga nifano na Asherimu. Olliye aanoononga nifanonno anipwesa, anoosa o ntapo na Kidroni.

2 Epilli 36:10

Voomallani muyakha, mwene Nebukadinezara ahaaruma athu wi yamukuse nave yaawaana o Babiloni ni eziwiya ddoowallamella mutengo dda o enyumba ya Apwiya. Vano aamuvollochiha omwene Zedekiya mwanamunne a Yehoyakini wi akhalle mwene a o Yuda ni o Yerusalemu.

2 Epilli 36:18

Nave eziwiya ddittheddene dduullupalli ni dding'onong'ono ni eyuuma ya enyumba ya Mulluku ni eyuuma ya mwene ni ya enduna ddiwa, ddittheddenenndda aawaana o Babiloni.

Ezara 5:14

Nave eziwiya ddagolide ni ddasiliva dda mu enyumba ya Mulluku nnddo Nebukadinezara addivenyihalleeyemo o Yerusalemu ni oyaana o enyumba ya milluku ya o Babiloni, mwene Kirusi aaddihokollosella wa muthu mmodda nnddina naye Sheshibazara oyo amutthoonlleeye wi akhalle enduna ya mu Yerusalemu.’

Yeremiya 27:7

Athu amitundu ddittheddene eneerekomurumeyella olliye, mwanaye ni edduullwaaye ophiyera ekwakhwanille enthawi yawi ellapwaaye yoonongeye. Vano athu amitundu ddinchichi ni mamwene amasiva eneerogonjiha omwenaaye.’

Yeremiya 50:35

Apwiya enallota wi, “Nsupada nakhoto nimmorelle Babiloni, okhwa ophiye va athu a o Babiloni, va enduna ddiwa ni athwiiwa eezeru.

Yeremiya 52:19

Muullupalli a alonda akhotoolle aakusattho mabeseni, eziwaya ddoovallella munllo, embale ddoomiddella, ddoohiyavo enyali, embale ddawoosella lubani, makapu ni ddimodda ddittheddene ddagolide ni ddasiliva.

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Daniele 5:11

Mu ellapwaanywiilla mookhalla muthu oyo ari ni munepa wa milluku ddaweella. Attiitthaanyu eri mwene muthu yoolla ahooniha wi mwa olliye mookhalla omolleella wiiwesesa ni ezeru wonanko dda milluku. Sika mwene Nebukadinezara attiitthaanyu yaamutthattusa muullupalli a awoombesa, amasenga, amakhanga ni oollotella ddamuhoollo.

Daniele 5:13

Vano yaawaana Daniele vamiitthoni va mwene amukoha wi, “Ethiyo we tti Daniele mmodda mwa akaporo ayo attiitthaaka yaaphanriiwa o Yuda?

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 5:3

Sika yaawaana eziwiya ddagolide nnddo yaddivenyehalliiwa o enyumba ya Mulluku ya o Yerusalemu mwene, enduna ddaye vamodda ni awariye uullupalli ni ang'onong'ono ewiryellemo.

Daniele 5:30

Nave mahiiyu yaayo Belishazara mwene a o Babiloni ahiiphiwa.

Daniele 5:4

Yaamuwirya vinyo nngu etitimihaka milluku ddagolide, ddasiliva, ddamukuwa, ddamukoko, ddamuteekho ni ddamalluku.

Numeri 7:79

Avelleellille embale emodda ya siliva yoollemella nikilogaramu nimodda ni hafu, mwanambale emodda ya siliva yoollemella magaramu 800 moollikana ni yoolingella yoopatuleya. Piillinndda ddaari ddooddalla ni othu waphaama woottakanyihera ni makhura, mukutho wa othu.