Daniele 4:3 - Mawu a Mulluku

³ Ezizindikiro ddaye tti dduullupalli, ddoottikhiniha ddaye tti ddamasiva. Omwenaaye tti wa enthawi yoohimalla, olamulellwaaye tti wa o mibado ddittheddene.

Daniele 4:3 Iomraidhean Croise

Yobu 25:2

Olamulello ni woopiha ddiri ni Mulluku, annasunga mwamurendelle omwenaaye wooddullu.

Masalimo 104:24

Nyu Apwiya, mitteko ddanyu tti ddinchichi, mwaaddipanga ddittheddene mweezeru, ellapo yavatthi yooddalla ni ddoophatusiwa ddanyu.

Masalimo 105:27

Alliwa yaheera ezizindikiro mu nnddina na Apwiya, ddoottikhiniha mu echigawo ya Hamu.

Masalimo 145:13

Omwenaanyu tti omwene wa enthawi yoohimalla, olamulellwaanyu tti wa mibado ddittheddene. Apwiya tti oororomelleya va mawiiwa mattheene, tti eechifundo va ddaweera ddiwa ddittheddene.

Masalimo 66:7

Annalamulella ni masivaaye wa enthawi yoohimalla, miitthwaaye ennoona mitundu dda athu, athu oowukila ehiitukhulle.

Masalimo 72:18

Etitimiheye Apwiya Mulluku a Israele, ayo aneera ddeko ddoottikhiniha.

Masalimo 77:19

Ettillaanyu yaweelle va enyanja, musewaanyu waaweelle vamaaddini oowallamella, nave manyallwaanyu kheyaawooneyille.

Masalimo 86:10

vawi nyuwaano tti muullupalli, munneera ddeko ddoottikhiniha, nyeeneve sika Mulluku.

Masalimo 92:5

Nyu Apwiya, mitteko ddanyu khe wunnuwa wiwa! Maganizwaanyu khe owallamella wiwa!

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.

Yesaya 28:29

Ezeru ddenndda ddinavenyera wa Apwiya Amasiva Mattheene. Malangizwiiwa tti oottikhiniha nave ezeru ddiwa tti ddoopambana.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Daniele 2:2

Sika mwene aawiithaniha awoombesa, amasenga, amakhanga ni oollotella ddamuhoollo wi emuttaphullelle nnddo allohilleeye. Alliwa yaavollowa yiimella vamiitthoni va mwene.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Daniele 4:17

Amithenga aweella sika enasimikiza ddenndda. Sika athu attheene edduwelle wi Mulluku Ooddullu ookhalla ni masiva oolamulella moomwene a athu nave wi annawora owuvelleella wa arive muthu moollikana ni mmo anapaallelleeye naari wa ookittha oovevuwa wunchichi.’

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Deuteronomo 4:34

Ethiyo tti mulluku oovi oyo iikusenlle yeekha athu waatthaamiha variyari va mutundu mmodda ni waatthattusa aayeaaye wonanko mmo Apwiya Mullukwaanyu eweerelliiwani o Iguputo wulle? Alliwa yaheera ddennddo ni masiviiwa muullupalli nyuwaano moonaka ni miitthwaanyu. Alliwa yaamoriha ddoohoosa, millilli, ddoottikhiniha, ekhoto ni ddawoopiha.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

Aheberi 1:8

Dda Mwanaye, Mulluku allotille wi, “Nyu tti Mulluku, omwenaanyu onaakhalle wa enthawi yoohimalla! Munalamulella va athwaanyu mwa echilungamo.

Aheberi 2:4

Enthawi yeeyo Mulluku aheera omboni vaweerani ezizindikiro, masiva ni ddoottikhiniha ddoohiyanahiyana navettho vawaavahani emphaso dda Munepa Waweella moollikana ni opaalla waye.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”