Daniele 3:1 - Mawu a Mulluku

¹ Mwene Nebukadinezara aapanga nifano nagolide, noorekama mamita 27, nooramballalla mamita mararu. Aaniimesa mu ntapo na Dura o echigawo ya Babiloni.

Daniele 3:1 Iomraidhean Croise

1 Mamwene 12:28

Vano Yerobowamu aganizalle ddenndda, aasema mafano agolide meelli a asaanaang'ombe. Nave ahaalleella athu wi, “Mookhalla muyaaka o Yerusalemu woollapella wa enthawi yoorekama. Nyu Aisraele attheene, milluku ddanyu dduukhumihalleni mu ellapo ya Iguputo tti nndda.”

Estere 1:1

Nndda sika ddeereyille enthawi ya mwene Ahasuwero. Ahasuwero aanalamulella ezigawo 127 ovenyera o Indiya ophiya o Kushi.

Masalimo 135:15

Mafano a mitundu ddimodda dda athu tti asiliva ni agolide, tti mitteko dda matta a athu.

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Eksodo 32:31

Vano Mose aahokollweella wa Apwiya allota wi, “Athwaalla yaachimwa wunchichi. Yahiipangella mulluku agolide.

Yesaya 2:20

Nllapo nenno athu eneeromutathillella nahuwo ni mullema mafanwiiwa a siliva ni a golide ayo yiipotokoselliiwa wi yaallapelleke.

Yesaya 30:22

Vaavo muneerokusa mafanwaanyu, mamodda oohuruwelliwa ni siliva nave amodda ni golide nave muneerewaatathilla wonanko ekattha voollotani wi, “Ddivenyevo ddenndda.”

Yesaya 46:6

Amodda ennamukhumiha golide m'mathumbani mwiwa, ennamulinga siliviiwa vasikeloni. Ennamulemba eeruso yoomuhana golide, olliye annaapangella mwanamulluku, ennakokhora ni omullapella.

Yeremiya 10:9

Mafanwiiwa enahuruwelliwa ni siliva oohanahana oovenyera o Tarishishi ni golidiine oovenyera o Ufazi, muttheenoolla tti mutteko wa athu eeruso. Ennaahuruwella mafanwaayo ekuwo ddabululu ni ddooreera ddoofiira, ddittheddenenndda ddoopotokosiwa ni athu eeruso.

Yeremiya 16:20

Ethiyo muthu ttuuwora wiipangella milluku ddawoona? Apanga, kheddikhalla milluku.”

Daniele 2:48

Vatulli viwa mwene aamuwelliha Daniele amuvaha olemu ni omwinnya emphaso ddaphaama ddinchichi. Aamutthoolla wi akhalle oolamulella echigawo ettheene ya Babiloni navettho wi akhalle muullupalli a eezeru attheene.

Daniele 2:49

Ekaamba ya oveka wa Daniele, mwene ahaatthoolla Shadrake, Meshaki ni Abedenego wi ekhalle oowehera mitteko dda echigawo ya Babiloni. Koma Daniele yeekha akhalla o enyumba yoomwene.

Daniele 3:14

Nebukadinezara ahaakoha wi, “Nyu, Shadrake, Meshaki ni Abedenego, ethiyo tti ddawoona wi khemunarumeyella milluku ddaka apaalle ollapella nifano nagolide kaniimenseemi?

Daniele 3:30

Vano mwene ahaawelliha Shadrake, Meshaki ni Abedenego mu echigawo ya Babiloni.

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 5:4

Yaamuwirya vinyo nngu etitimihaka milluku ddagolide, ddasiliva, ddamukuwa, ddamukoko, ddamuteekho ni ddamalluku.

Hoseya 2:8

Khaadduwella wi tti miyaano kamuvaha tirigu, vinyo ni makhura. Khaadduwella wi tti miyaano kamuvaha siliva ni golide munchichi oyo athu yapangelliwa nifano na Baala.

Hoseya 8:4

Enniitthoollella mwene moohithwara opaalla waka. Enniikeraatthihella oohoollelliiwa kihiwaakhullelle. Ahiipangella mafano asiliva ni agolide koma aaddoonongana.

Habakuku 2:19

Otulli wa oollota ni muteekho wi, “Venya!” Apaalle wa nlluku noohikhalla ni okumi wi, “Imella!” Ethiyo ddenndda ttuulangiza? Ngoona, yoohuruwelliwa ni golide ni siliva muwari mwiwa khamuri okumi.

Mitteko 17:29

Ekaamba yawi niri anamwani a Mulluku, nihiganizeke wi ari wonanko mafano a golide apaalle siliva apaalle nlluku, ddoopangiwa ni ezeru ni matta a athu.

Mitteko 19:26

Vano munnoona ni wiiwa nyookha ddineera Paulo. Olliye anallota wi milluku ddoosemiwa ni athu khe milluku nave ohaakopa athu anchichi mu Efesommu naarittho mu echigawo ettheene ya Asiya.

Deuteronomo 7:25

Mwaashellellihe mafanwiiwa mattheene nave muhimusilile siliva apaalle golide oyo yamupangenlliiwa mafanwaayo. Muhiwe muddikusa ddenndda wi muhiphariwe m'musamphani vawi ddinnaananara Apwiya Mullukwaanyu.

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.