Daniele 12:4 - Mawu a Mulluku

⁴ “Koma we Daniele, sunga mawaalla moovittheya nave onimarelle nibukhunna ophiyera enthawi yoomalliha. Anchichi eneerothamakella nngu ni nngu nave ezeru ddineerovirellella waata.”

Daniele 12:4 Iomraidhean Croise

Yesaya 11:9

Khavikhalla erive ello yoovoreya apaalle yawoononga va mwaango woopatuleya wa Apwiya. Vawi ellapo yavatthi ettheene eneeroddalla ni waadduwella Apwiya wonanko enyanja enaddallelliiwa ni maaddi.

Yesaya 29:11

Nave ddeko ddittheddene ddawooneya m'masomphenya ddohiipittheya wonanko mawu a mu nibukhu noomarelliwa. Nibukhu nenno erimi emwinnye muthu mmodda oodduwella weerenga wi aneerenge, olliye aneerollota wi, “Ngiwora, kaambiiwa noomarelliwa.”

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Yesaya 32:3

Miitthwiiwa eneerekewoona nave maarwiiwa eneerewiiwa.

Yesaya 8:16

Owumake phaama ombonoolla nave waamarelle mawu yaalla variyari va oohudderaaka.

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Daniele 10:1

Muyakha waneeraru wa mwene Kirusi a o Persiya, Daniele oyo aromolliwa Beliteshazara ahiiwa mawu a othenga wawoona oollota dda ekhoto yuullupalli. Daniele ahiiwesesa othengooyo oonilleeye ddeko m'masomphenya.

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Daniele 10:21

Koma kineerewuulleella nnddo ddilembiwe mu nibukhu na yawoona. Khaavo mmodda anaawore okikavihera ohiri Mikaele, mungelwaanyu muullupalli.”

Daniele 11:33

Eezeru variyari va athwaayo eneerewaahuddiha ddinchichi akhwiiwa. Koma enthawi yeella eneerewiiphiwa ni nsupada ni munllo nave eneerophariwa ni waakhiwa.

Daniele 11:40

Va enthawi yoomalliha mwene oomwera aneeromuhella ekhoto mwene oompoto. Koma mwene oompoto aneeromuthamakella moowalli wonanko ephevo yawoopiha ari ni magareta, athu oowella va akavalo ni esitima ddinchichi. Vano aneerovollowa mu ellapo ddinchichi ni waakwekweresa wonanko echigumula.

Daniele 12:13

Koma we Daniele ollipihelle ettillaawo ophiyera mamallihello. Sika oneerokhwa koma oneerovenya wi waakhelle yoothuviwaawo va nllapo noomalliha.”

Daniele 12:5

Vano miyaano Daniele kitukhullalle miittho kaawoona eelli mmodda ekhopella yawuno ya muhinje, mmodda ekhopella emoddeeyo.

Daniele 12:9

Olliye aakaakhulla wi, “We Daniele, khawe vawi mawu yaalla tti oosungiwa moovittheya nave eneeromarelliwa ophiyera enthawi yoomalliha.

Daniele 8:17

Sika Gabriele aawa nko kiimenlle miyaano. Aphiyalle, kahoova nave kahiivokhella vatthi moopopheya ekhove koma olliye aakilleella wi, “We mwaana a muthu wiiwesese wi ddittheddene woonilleewe m'masomphenyannddo ddinallota dda enthawi yoomallihella.”

Daniele 8:19

Vano aakilleella wi, “Kineerewuulleella nnddo ddineereye wamalla osha murima vawi ddenndda tti dda enthawi yoomallihella.

Daniele 8:26

Nndde woonilleewe dda otthaana ni mahiiyu tti ddawoona. Koma osunge moovittheya ddenndda vawi vineerovira mallapo ddihineereye.

Mateyu 24:14

Vano othenga waphaamoolla wa omwene wa Mulluku oneerollalleyiwa va ellapo ettheene yavatthimva wi ekhalle omboni wa athu attheene; nave vaavo eneerophiya mamallihello.

Aroma 10:18

Nave kinakoha wi, “Tti ddawoona wi kheyaawiiwalle othenga?” Khe ddawoona, yahiiwa, wonanko mmo mawu a Mulluku enallotelliiwa wi, “Mawiiwa yaavuwa mu ellapo yavatthi ettheene nave ddoollota ddiwa ddaaphiya wookomella ellapo yavatthi.”

Yawuupullulla 10:4

Ogugudeyanko wamaallilliiwa, kaapaalla wi kilembe ddallotiwe mu ogugudeyanko. Koma kahiiwa mawu oovenyera oddullu wi, “Ohimulleelle arive muthu nnddo ogugudeya waneetthanu ni piilli ollotilliiwa nave ohilembe!”

Yawuupullulla 22:10

Nave aakilleella wi, “Ohaavitthelle athu mawu oollotelliwa mu nibukhunna kaambiiwa enthawi yohaatamella yawi ddittheddenenndda ddineereweereya.

Yawuupullulla 5:1

Nave kahoona mu nnattanatta na oyo anakeraatthi vampandoni woomwene nibukhu noomariwa ni ddoomarella dditthanu ni piilli nilembiwe muwari ni otte wene.