Daniele 12:1 - Mawu a Mulluku

¹ Va enthawi yeeyo Mikaele, mungelo muullupalli oyo anaawehera athwaawo, aneerophiya. Enthawi yeeyo enaakhalle ya ddoohoosa ddawoopiha awi khenooneyeke ovenyera khalle, ephatuwello ya mutundu wawaamba wa athu ophiyera enthawi yeeyo. Va enthaweeyo athwaawo attheene ayo manddiniiwa elembiwe mu nibukhu eneerovulluwa.

Daniele 12:1 Iomraidhean Croise

Masalimo 56:8

Munneerenga othawathawa waka, sungani miitthori ddaka m'munoni mwanyu. Ethiyo nndda khaddilembiwe munibukhuni mwanyu?

Masalimo 69:28

Mwaavenyihemo mu nibukhu na akumi, ehilembiwe nimodda ni athwaanyu.

Yesaya 4:3

Vano oohalla o Ziyoni, ootthoolliwa ni Mulluku wi ekhalle ni okumi o Yerusalemu, eneeroromolliwa oopatuleya.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yeremiya 30:7

Otulli! Nllapo nenno tti nuullupalli wunchichi, khaviwa vikhallattho nimodda noophwanaphwanana. Enaakhalle enthawi ya ddoohoosa wa Yakobo, komave aneerovulluwa o ddookatamihannddo.”

Ezekiele 13:9

Kineerewaallaka anamallotella ayo enoona m'masomphenya awoottha ni awoombesa moohollosa. Khekhallana va mutthukumano wa athwaaka. Kheyeerengelliwa nimodda ni Aisraele nave khehokollweella mu ellapo ya Israele. Sika muneerodduwella wi mi tti Apwiya Mulluku.’

Ezekiele 34:24

Vano mi Apwiya kineerokhalla Mullukwiiwa nave oorumeyellaaka Davide aneerokhalla mweniiwa. Mi Apwiya koollota.”

Ezekiele 5:9

Kineeroweerellani nnddo kihineerekeemi ovenyera khalle nave ngiwa keera muhoollo ekaamba ya ddaweera ddanyu ddinchichi ddoonanara.

Daniele 10:13

Mungelo muullupalli a omwene wa o Persiya aakiimesa va mallapo 21 koma Mikaele, mmodda mwa angelo uullupalli, aakikavihera vawi kaakhalla wenko ni mungelo a o Persiya.

Daniele 10:21

Koma kineerewuulleella nnddo ddilembiwe mu nibukhu na yawoona. Khaavo mmodda anaawore okikavihera ohiri Mikaele, mungelwaanyu muullupalli.”

Daniele 11:45

Aneerotthipella misasa ddaye ddoomwene variyari va enyanja ni mwaango waweella wooreera. Komave voomallihella mwenooyo aneerewiiphiwa oohikhallavo oomwaakihera.

Daniele 7:10

Muhinje wamunllo waakhuma oneeta vamiitthoni vaye. Mulloko wa athu anchichi waanamurumeyella nave mulloko mmodda wa athu ooheerengeya wahiimella vamiitthoni vaye. Sika nthato nahaamba weeruza mullatu nave mabukhu yaakhunuulliwa.

Daniele 9:12

Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Malaki 3:16

Vano athu oowoova Apwiya yahaamba okambirana nave Apwiya yahaapella maaru ni wiiwa. Vamiitthoni viwa vaakhalla nibukhu na yawuupusella mmo mwalembiwe manddina a athu oowoova ni waavaha olemu.

Mateyu 24:21

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera va ophatuwa wa ellapo ophiyera ollello nave khaddiwa ddeereyattho ddoophwanaphwana ni ddenndda.

Mariko 13:19

Kaambiiwa, ddoohoosa ddinaawe mallapo yaayo, ddinaakhalle ddawi khaddineereyeke ovenyera mvo Mulluku aphatusalleeye ellapo ophiyera ollello nave khaddiwa ddeereyattho ddoophwanaphwana ni ddenndda.

Luka 10:20

Nave muhihakallalle kaambiiwa minepa ddoonanara ddinnawiiwellellani koma muhakallalle kaambiiwa manddinaanyu aalembiwa oddullu.”

Aroma 11:15

Vawi Aisraele yakhootiwiiwa ni Mulluku athu a va ellapo yavatthi yahaattanihiwa ni olliye. Onaakhalle wawiidde Aisraele yaakhullella! Onaakhalle wonanko ovenyihiwa wa ookhwa okhalla akumi.

Aroma 11:26

Sika vano Aisraele attheene eneerovulluwa moollikana ni mmo mawu a Mulluku enallotiiwa wi, “Oovullusa anaavenyere o Ziyoni nave aneerohuwa machimo a edduullu dda Yakobo.

Aefeso 1:21

Khrisitu ohaakhwaranya oolamulella attheene, masiva mattheene ni manddina mattheene ooddullu mu enthawi yeella ni yamuhoollo.

Afilipi 4:3

Nave weyaanottho, mukhwaaka oororomelleya, kinapaalla wi waakavihereke atthiyanaalla; vawi aallipihella ophara mutteko woovuwiha othenga waphaama ni miyaano, vamodda ni Kilementi ni allupa mutteko akhwaaka attheene, ayo manddiniiwa eri mu nibukhu na akumi.

Yuda 1:9

Koma naari Mikaele, muullupalli a angelo, ahoova omwiipa mullatu Satana voomullotellani epewe. Nave akanganeeye ni Satana voovaanyihana dda mutembo wa Mose wi ttaani aphwanenlle owuukusa koma aallotille wi, “Apwiya yuullake.”

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Yawuupullulla 12:7

Nave oddullu waakhalla ekhoto eyo Mikaele vamodda ni angelwaaye yawaniiwa ni enowa yuullupalli vamodda ni angelwiiwattho.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.