Daniele 10:8 - Mawu a Mulluku

⁸ Miyaano kaahalla meekha kiwehaka ddeko ddenndda m'masomphenya muullupallaalla. Masivaaka yaamalla, ekhovaaka yaatthattuwa nave ekophollo ddaakimallella.

Daniele 10:8 Iomraidhean Croise

Genesis 32:31

Nndduwa naari nikhumalle Yakobo atimulleeyewo o Penuwele nave eeta moottutthunya ekaamba yawi aakurukunyulliwa kasambara.

Eksodo 3:3

Nave m'murimani mwaye aallota wi, “Kiphiye vakhuviru wi koonesese ddoottikhinihanndda. Ethiyo kaambiiwa tini makukhwaayo ehinashiiwa?”

Daniele 10:16

Vano mmodda awooneya wonanko muthu aattannya eyanwaaka. Olliye iimenlleve ddiiddo vamiitthoni vaka, kahaamba ollota wi, “Nyu Apwiyaaka, nnddo koonilleemi m'masomphenya ddookihoma murima nave nginna masiva.

Daniele 10:17

Ethiyo kinaawore mwawiidde orumeyella shisha ollota ni Apwiyaaka? Masivaaka aakimallella nave nginawora ovuma.”

Daniele 7:28

Mwaha omallelle vaava. Mi Daniele kaakatamiheya m'maganizoni wunchichi nave ekhovaaka yaatthattuwa komave kaavittha ellweella m'murimani mwaka.

Daniele 8:27

Mi Daniele masiva yaakimallella nave kaavoriiwa wa mallapo makavi. Vatulli viwa kaavenya kiya wa mwene woophara mutteko. Koma koonilleeminndde ddaanakaapheelliha muru nave ngaawonre oddiiwesesa.

Daniele 8:7

Kaamoona allipanaka moowalli ni enkhoseeyo, aayikhuddulla ni winttaka manyakiiwa meellaalle. Nankhoro a enkhosoolle khaallipalle mwawi nankhoro apuroolle aamukuha amunyingallella. Khaarivo awi ttuumuvullusa nankhoro a enkhosa.

Habakuku 3:16

Vawiiwani nndda kinnatthukumella, eyanwaaka ennatikheya wunchichi ni woova, Mwiillaaka onnatthukumella, manyallwaaka ennoopana vatthimva. Kineerotiyera owa wa nllapo na ollakiwa wa oonihella ekhoto.

Mateyu 17:6

Oohudderaalle yiiwalliiwa yeella, yahoova wunchichi sika yaamora ekhove.

Mariko 9:6

Koma Petro khaadduwenlle eyo alloteeye vawi olliye ni akhwaayaayo yahoova wunchichi.

Yohane 16:32

Enthawi enimawa nave yoophiya khalle eyo munaapallallesiweenyu, arive muthu owaniwa nave munaakihiye meekhaaka. Koma nginakhalla meekhaaka kaambiiwa Attiitthaaka eri ni miyaano.

2 Akorinto 12:7

Kaavahiwa yookatamiha mu omuthwaaka wi kihiinyarulleke ekaamba ya ddawuupullulla koonilleemi. Kinakhalla wonanko kinimuukuthiwa ni oorumiwa a Satana wi kihikoteke.

Yawuupullulla 1:17

Kamoonilleemi, kahiivokhella vatthi vahoollo vaye wonanko muthu ookhwa. Koma olliyooyo ahookolla nnattanatta naye akiphara nave allota wi, “Ohoove! Mi tti awaambeella ni oomallihella.