Daniele 10:1 - Mawu a Mulluku

¹ Muyakha waneeraru wa mwene Kirusi a o Persiya, Daniele oyo aromolliwa Beliteshazara ahiiwa mawu a othenga wawoona oollota dda ekhoto yuullupalli. Daniele ahiiwesesa othengooyo oonilleeye ddeko m'masomphenya.

Daniele 10:1 Iomraidhean Croise

Genesis 41:32

Nyu amwene Farao, voollohani opiilli ello emoddamoddave yeeyo, ddinasimikizella wi Mulluku sika akeraatthihalle ellweella nave aneereweera naanweene vaava.

2 Epilli 36:22

M'muyakha wawaamba wa olamulello wa Kirusi mwene a o Persiya, mawu a Apwiya yallotiwe oweella mwa Yeremiya wi yaakwakhwanihiwa. Vano Apwiya yaamuvaha maganizo Kirusi wi allalleye mwiillaponi mutthemwene voollotani navettho voolembani wi,

Ezara 3:7

Athu yaavelleella makobiri wa athu eeruso yoosema malluku ni oopala matabwa. Yaarumiha ddoocha, ddoowirya ni makhura wa Asidoni ni Atiro wi eweena miteekho ddamukunguza ovenyera o Lebanoni oyaana o enyanja, o Yopa moollikana ni waakhullelliwa wiwa ni Kirusi mwene a o Persiya.

Ezara 4:3

Koma Zerubabele, Yeshuwa ni amodda oohoollella mabanja a Israele yaawaakhulla wi, “Yaanyu khayiivo wi ttuumakellattho nimodda enyumba ya Mullukwaahu. Koma weekhiihu nineerewaamakellattho Apwiya Mulluku a Israele moollikana ni mmo Kirusi mwene a o Persiya aanilamulelleehu.”

Ezara 4:5

Nave yahinnya makobiri enduna ddimodda wi ddaakavihere waahiiha muttekooyo mu enthawi ya Kirusi mwene a o Persiya ophiyera enthawi ya Dariusi mwene a o Persiya.

Ezara 6:14

Nave oohoollella a Ayuda yaavirellella omakattho nave ddaaneeta phaama mookaviheriwa ni ollotella wa Hagai namallotella ni Zekariya mwaana a Ido. Yaamalliha muttekwiiwa woomakattho moollikana ni Mulluku a Israele ni olamula wa mamwene a o Persiya Kirusi, Dariusi ni Aritakisereksesi.

Ezara 6:3

Mu muyakha wawaamba wa omwene wa Kirusi, aapanga lamulo nootthopoolla dda enyumba ya Mulluku o Yerusalemu. Nave aalamula wi enyumbeeyo emakiwettho wi nikhalle nipuro noovelleellawo mikutho ddooshellelliha ni mikutho ddimodda nave matthipellwiiwa emakiwettho vantepeni viwa. Wunnuwa wiwa onaakhalle mamita 27 oya muddullu navettho mamita 27 oramballalla wiwa.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Daniele 1:17

Asombwe asesaalla Mulluku ahaavaha ezeru ddawiiwesesa mawu mattheene a m'mabukhuni navettho mahuddero oowallamella. Daniele aakhallattho ni eruso yoottaphullella erive masomphenya ni ddoolloha.

Daniele 1:21

Daniele aakhalla wenko ophiyera muyakha wawaamba wa mwene Kirusi.

Daniele 1:7

Koma enduneeyo yahaavaha manddina mamodda monga Daniele nawi Beliteshazara, Hananiya nawi Shadrake, Mishaele nawi Meshaki nave Azariya nawi Abedenego.

Daniele 10:14

Sika koowa wi kuutthopoollelle nnddo ddinaaweereyelle athwaawo mallapo enawaalla. Ddeko waddoonilleewe m'masomphenyanndda ddineereweereya mallapo amuhoollo.”

Daniele 11:2

“Vano kineerewuulleella yawoona. O Persiya oneerokhalla mamwene mararu. Vatulli viwa oneerokhalla mwene aneesese, eeyuuma yinchichi waakhwaranya amodda attheene. Aneerokhallattho ni masiva ekaamba ya eyuumaayeeyo. Aneerewaavenyiha attheene wi ewane ni omwene wa Griki.

Daniele 12:4

“Koma we Daniele, sunga mawaalla moovittheya nave onimarelle nibukhunna ophiyera enthawi yoomalliha. Anchichi eneerothamakella nngu ni nngu nave ezeru ddineerovirellella waata.”

Daniele 12:9

Olliye aakaakhulla wi, “We Daniele, khawe vawi mawu yaalla tti oosungiwa moovittheya nave eneeromarelliwa ophiyera enthawi yoomalliha.

Daniele 2:21

Annalamulella enthawi ddittheddene, annaawelliha ni waakitthiha mamwene. Annavelleella ezeru wa eezeru, annavaha odduwella wa awiiwesesa.

Daniele 4:8

Vatulli viwa aawa Daniele, ooromolliwa Beliteshazara, voothwarani nnddina na mullukwaaka, muthu ooddalliwa ni munepa wa milluku ddaweella. Olliye kaamutthopoollellattho ollohanko.

Daniele 5:12

Muthooyo nnddina naye tti Daniele koma mwene aamuromolla wi Beliteshazara. Olliye ookhalla ni ezeru ddoowallamella, oodduwella ddeko navettho eeruso yoottaphullella olloha, annatthopoolla miyambi ni mawu ookhuweya. Vano mwiithaneni wi anilleelle ottaphullella wiwa.”

Daniele 5:17

Koma Daniele aamwaakhulla mwene wi, “Emphaso ddanyu muhallena nyookha apaalle mumuvahe muthu mmodda. Komave miyaano kineeroweerengellani ni wuulleellani ottaphullella wiwa.

Daniele 6:28

Sika Daniele aaphwanya eyuuma va enthawi ya omwene wa Dariusi ni wa Kirusi a o Persiya.

Daniele 8:16

Vano kahiiwa mawu a muthu oovenyera vakhopella va muhinje wa Ulai wi, “We Gabriele, muttaphullelle muthooyo nnddo addoonilleeye m'masomphenya.”

Daniele 8:26

Nndde woonilleewe dda otthaana ni mahiiyu tti ddawoona. Koma osunge moovittheya ddenndda vawi vineerovira mallapo ddihineereye.

Luka 1:20

Vano weyaano khawaawukhulupililalle othengaakoolla, oyo onaakwakhwanihiwe va enthawi yaphaama. Sika oneerollakallakeya nave khoworaka ollota, ophiyera nllapo nno yoollotiweeyo eneeriiwa yeereye.”

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”