Daniele 1:2 - Mawu a Mulluku

² Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Daniele 1:2 Iomraidhean Croise

Genesis 10:10

Nimurodi aanalamulella o Babiloni, o Ereki ni o Akadi. Mamwene mattheenaalla yaari mu ellapo ya Babiloni.

Genesis 11:2

Nave yatthaamilliiwa ovenyera wookhuma nndduwa, yaaphiya o ntapo na Babiloni nko yakeraattheyiiwa.

2 Mamwene 24:1

Mu enthawi ya Yehoyakimu, Nebukadinezara mwene a o Babiloni aahella ekhoto ellapo ya Yuda nave Yehoyakimu aawatiheriwa omurumeyella wa miyakha miraru. Koma vatulli viwa aamuwukila Nebukadinezara.

2 Epilli 36:5

Yehoyakimu aari ni miyakha 25 avolloweeye omwene nave aalamulella miyakha khumi ni mmodda o Yerusalemu. Olliye aheera ddoonanara vamiitthoni va Apwiya Mullukwaaye.

2 Epilli 36:7

Nave Nebukadinezara aakusa eziwiya ddimodda dda mu enyumba ya Apwiya ayaana o Babiloni nave aaddihiya o enyumbaaye yoomwene o Babiloni.

Ezara 1:7

Mwene Kirusi aakhumiha eziwiya dda enyumba ya Apwiya nnddo Nebukadinezara addivenyihalleeye o Yerusalemu addihiya mu enyumba dda milluku ddaye.

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Yesaya 42:24

Ttaani amuvelleelle Yakobo wa awaakha nave Israele wa allupaawiiya? Ethiyo eneera ddenndda khe Apwiya? Valle nahaachimwella, khanaathwarille ettilla ddiwa, khanaawiiwellelle malamulwiiwa.

Yeremiya 25:1

Alla sika mawu yawiille wa Yeremiya oollota dda athu attheene a o Yuda. Mawaalla yaphiyalle m'muyakha waneesese wa omwene wa Yehoyakimu mwaana a Yosiya mwene a o Yuda, muyakha wawaamba wa Nebukadinezara mwene a o Babiloni.

Yeremiya 27:16

Vano kahaalleella allupa mukutho ni athu amodda attheene wi Apwiya enallota wi, “Muhiwiiwellelle anamallotellaanyu ayo enuulleellani wi embale dda mu enyumba ya Apwiya eneeroddihokollosattho vihinallekelle ovenyera o Babiloni. Alliwa enuullotellani ddawoottha.

Yeremiya 28:3

Ddihinamalle miyakha miilli, kineerohokollosella eziwiya ddittheddene dda o enyumbaaka onipuroni wuno nnddo Nebukadinezara, mwene a o Babiloni, addaakhilleeye addiyaana o Babiloni.

Yeremiya 35:11

Koma enthawi elle Nebukadinezara mwene a o Babiloni ahenlleeye ekhoto ellapweella, naallota wi, ‘Hankoni nitthaamelle o Yerusalemu wi nithawe milloko ddakhoto dda Ababiloni ni dda Asiriya.’ Sika ekaambiiwa ninakhalleehu o Yerusalemu wuno.”

Yeremiya 50:2

Vuwiha ni ollalleya wa athu a mitundu ddittheddene. Imesa embendera! Ohivitthe erive ello! Babiloni oogonja! Mullukwaaye Beli oowullihiwa muru, Merodaki ootathilla murima. Mafano a Babiloni aawullihiwa muru wunchichi, milluku ddaye ddootathilla murima.

Yeremiya 51:44

Kineeromullaka Beli, mulluku a Ababiloni, kineeromurapheyiha nnddo amiryalleeye. Mitundu dda athu kheddiwa ddiyattho wa olliye. “Mipanda dda Babiloni ddoomora!

Daniele 5:13

Vano yaawaana Daniele vamiitthoni va mwene amukoha wi, “Ethiyo we tti Daniele mmodda mwa akaporo ayo attiitthaaka yaaphanriiwa o Yuda?

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Habakuku 1:16

Ennaallapellattho mathaviiwa ni waaheraatthella mukutho ekaamba yawi ennaavaha erive ello yaphaama, ennaachiha ni waavoniha ddaphaama.

Zekariya 5:11

“Enayaana o ellapo ya Babiloni wi yawumakelle enyumba yamallapello. Enyumbeeyo yamalla, mutaangooyo onaahiyiwe mwemmo va nipuro nayiwanayiwa.”

Deuteronomo 32:30

Ethiyo muthu mmodda aagonjihalle mwawiidde athu 1,000, athu eelli yaagonjihalle mwawiidde athu 10,000? Ethiyo khehiyo ekaamba yawi Nlluku niwa ohaareya etulli, ekaamba yawi Apwiya ahaatathilla?

Oweeruza 2:14

Sika Apwiya yahaashella murima Aisraelaayo nave yahaavelleella m'mattani mwa athu awaakha ddeko ayo yawaakhille ddeko ddiwa. Nave Apwiya yaawaakhullella adaniiwa ayo yawaaphenlle wi yaagonjihe. Vano kheyaawonre waagonjiha adaniiwa.

Oweeruza 3:8

Ekaamba ya yeella Apwiya yahaashella murima Aisraelaayo, emweeriha Kushani Rishataimu, mwene a o Mesopotamiya wi aagonjihe Aisraelaayo. Sika Aisraelaayo yaamurumeyella mwene Kushani Rishataimu wa miyakha mitthanu ni miraru.

Oweeruza 4:2

Vano Apwiya yahaavelleella m'mattani mwa Yabini, mwene a o Kanani oyo alamulella etawoni ya Hazori wi aagonjihe. Oohoollella a akhotwaaye ari Sisera oyo akhalla o Harosheti Goyimu.

1 Samuele 5:2

Vano yaanikusa yanihiya mu enyumba ya Dagoni, mullukwiiwa vakhuviru ni Dagonooyo.