Amosi 8:3 - Mawu a Mulluku

³ Machipo a mu enyumba ya Apwiya eneerotthattuwa ekutho nllapo nenno. Mitembo dda athu ddineerewaata nave ddineerotathilliwa virive veko. Oneerokhalla ellapo tuu! Mi Apwiya Mulluku koollota.

Amosi 8:3 Iomraidhean Croise

Masalimo 39:9

Mi tti muthu oohillota, ngihulla vayanoni vaka, vawi tti nyuwaano mweerille ddenndda.

Yesaya 37:36

Mungelo a Apwiya aaya o misasa ddakhoto dda Aasiriya awiiphawo akhoto 185,000. Ohinase athu yaawoona akhoto attheenaayo ekhwille, eri millumillu!

Yeremiya 22:18

Sika kaambiiwa Apwiya enallotiiwa dda Yehoyakimu mwaana a Yosiya mwene a o Yuda wi, “Khavikhalla oomwinllella muthooyo wi, ‘Otulli, mwanamunnaka!’ Apaalle wi, ‘Otulli, murokoraka!’ Khavikhalla oomwinllella wi, ‘Otulli, apwiyaaka!’ Apaalle wi, ‘Otulli, mwenaaka!’

Maliro 2:10

Attekweene a mwaana aamutthiyana, Ziyoni, ekeraatthille vatthi, eri khumaa! Ahiihella nthupi omuruni nave ewanre eziguduli. Anamwalli a o Yerusalemu aawaramihella miru ddiwa vatthi.

Yowele 1:11

Nyu oollima, tathillani murima nyu oollima mpesa, inllani vawi tirigu ni barele ni ddittheddene ddam'matani ddoolepheleya.

Yowele 1:13

Nyu allupa mukutho, warani eziguduli, nyu oorumeyella onikuwani, inllani, nyu oorumeyella a Mullukwaaka, ikhuneelleni ni eziguduli mahiiyu mattheene. Mikutho dda ddoocha ni dda ddoowirya khaddinavelleelliwa o enyumba ya Mulluku.

Yowele 1:5

Nyu oolezela, venyani mwinlle, nyu attheene oomuwirya vinyo, mwinlle mookhupanya ekaamba yawi vinyo oonang'aneya, oohiihiwa vayanoni vanyu.

Levitiko 10:3

Vano Mose aamulleella Aroni, “Vallethi Apwiya yaallota wi, ‘Kineerewooniha weella waka wa attheene ayo eri vakhuviru ni miyaano nave kineerotitimihiwa vamiitthoni va athu attheene’ ” Koma Aroni khaawaakhullalle.

Amosi 4:10

“Kahuurumihellani millilli ddoophwanaphwana ni dda o Iguputo, kaawiipha asombwaanyu ni nsupada okhotoni, kahaavelleella akavalwaanyu wa adanaanyu, kaawunkhihani mitembo ovenyera o misasa ddanyu ddakhoto komave khamwaahokollweelle wa miyaano. Mi Apwiya koollota.”

Amosi 5:16

Sika ekaambiiwa Apwiya Mulluku Amasiva Mattheene enallotiiwa wi, “Muneerokhalla winlla m'mathatoni mutthemwene, m'misewuni mutthemwene ekuthove wi, ‘Kookhwa! Kookhwa!’ Naari athu shisha, oollima eneerowiithana wi yinlle, vamodda ni eeruso yawinlla vamalironi.

Amosi 5:23

Muhikithiyena owaruni machipwaanyu oonyakulla nginapaalla wiiwa miipello a azezaanyu.

Amosi 6:4

Otulli wa nyu munakona vamabedini ooreerihiwa ni manyaka eethepo, munaddookolla va mipando ddanyu, mweeraka machellello a enama yaasaanaankhosa ni yaasaanaang'ombe ooneneva.

Amosi 6:5

Munnapeka ni wiipa machipo voopharihani mutteko azeze munaganiza wi muri wonanko Davide.

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”

Amosi 8:10

Kineerotthattusa ehakallallo ddanyu okhalla winlla, machipwaanyu eehakallallo okhalla amaliro. Kineerewuuwarihani attheene eziguduli, miru ddanyu ddittheddene ddineerochemiwa mipala. Munaakhalle wonanko makhollo oomwinllella mwaniwa mmoddave, nllapo nenno nittheene ophiyera omalla wiwa, ninaakhalle noovoreya.”

Nahumu 3:3

Oowella va akavalo enimathamaka, masupada esherimaka, mavaka eri sherisheri. Yookhwa athu anchichi, mitembo ddiri millumillu, ddooheerengeya, athu eniimakwakwatuwana.

Zefaniya 1:7

Khurumuwani vamiitthoni va Apwiya Mulluku! Nllapo na Apwiya nohaatamella. Apwiya aakhoza mukutho nave ahaapatula khalle awiithaniwa.