Amosi 8:2 - Mawu a Mulluku

² Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mutaanga wa ezipaso ddawiithwa.” Vano Apwiya yaakilleella wi, Enthawi ya mamallihello a Aisraele, athwaaka yoophiya, nave ngaamorellattho ethakaraka.

Amosi 8:2 Iomraidhean Croise

Genesis 6:13

Sika Mulluku aamulleella Nowa wi, “Koosimikiza ni murima muttheene wi kiwoononge athu attheene. Kineerewaatthollosa ekaamba yawi ellapo yavatthi ettheene yooddalla ni echiwawa.

Yesaya 28:4

Nave oriiheya wa muzinda olle tti wonanko malluwa ookhalla omwaako wa ntapo na ethaya yaphaama wohaamba onyaalla. Onaakhalle wonanko namukuyu awaamba wiithwa oyo muthu amoona anamurukulleeye ni omucha enthawi yeeyo.

Yeremiya 40:10

Miyaano kinaahalle o Mizipa wi kiwiimellellekeni wa Ababiloni yaawaaka. Koma nyuwaano mukuse ni osunga phaama ezipaso ddanyu, vinywaanyu ni makhuraanyu nave mukhalleke m'mizindani mwaakhilleenyunnddo.”

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Maliro 4:18

Athu yaananithwara manyallo, khenaaworattho weeta m'misewuni ddahu. Mallapwaahu yaanayeva, okhwa wahu wahaatamella, omalla wahu waaphiya.

Ezekiele 12:23

Vano waalleelle athu wi mi Apwiya Mulluku kinallota wi, kineerowumalliha mwambi yoolla, khowa wiiweyattho mu Israele. Koma enthawi eri vakhuviru wi ddittheddene kuupullullalleemi m'masomphenya ddeereye.

Ezekiele 29:8

Sika ekaambiiwa mi Apwiya Mulluku kinalloteemi wi kineerewuurumihella akhoto wi ewoononge athu vamodda ni enama.

Ezekiele 3:10

Mulluku aavirellella ollota wi, “We mwaana muthu, apella maaru ddittheddene kinuulleelleemi nave oddisungeke m'murimani mwawo.

Ezekiele 3:7

Koma Aisraele khewa ewiiwella kaambiiwa khenapaalla okiiwella. Attheenaayo tti a awuumiha murima ni oohiiwellella.

Ezekiele 7:6

Omalla woophiya, omalla woophiya, wohuumorella! Ngoonani woophiya!

Ezekiele 8:12

Vano Apwiya yaakikoha wi, “We mwaana a muthu, ethiyo onnoona nndda eneera attekweene a Aisraele mwiipiphinimmu? Arive muthu anallapella nifano na Asherimu. Anallota wi, ‘Apwiya khenanoona! Apwiya aayihiya ellapweella!’ ”

Ezekiele 8:17

Apwiya yaakikoha wi, “We mwaana a muthu, ethiyo onnaddoona ddenndda? Ayuda kheddinaakwakhwana ddoonanara eneeriiwanndda. Koma enavuwihattho ddakhoto mwiillaponi ettheene. Vano ennattatthamulla owallaaka, ennakishiha murima ni ddaweera ddiwa.”

Ezekiele 8:6

Apwiya yaakikoha wi, “We mwaana a muthu, ethiyo onnoona nndda ddineera Aisraele, ddoonanara dduullupalli eneeriiwa wuno, ddookivenyihamo mu nipuro naka? Vanothi oneerewoona ddoonanara dduullupalli okhwaranya ddenndda.”

Hoseya 9:7

Enthawi yoollakiwa yoophiya, mallapo oohokolloselliwa ddoonanara ahaamorella. Vano eneerodduwella wi ddenndda tti ddawoona. Enallota wi, “Namallotelloolla tti ookarangeya, muthu eezeru dda wa Mullukoolla tti mullupaanepa!” Eneera ddiiddo kaambiiwa ddoolakwa ddiwa tti ddawaata nave wiitanana wiwa tti wuullupalli.

Amosi 7:8

Apwiya yaakikoha wi, “We Amosi, ethiyo onooneeweeyo tti tini?” Nave kahaakhulla wi, “Mukwe wawookollellana esiri.” Vano Apwiya yaakilleella wi, “Mukwe yoolla kinawuhiya variyari va Aisraele, athwaaka nave ngaamorellattho ethakaraka.

Amosi 8:1

Nndda sika Apwiya Mulluku yakoonihelliiwa m'masomphenya. Vaakhalla mutaanga wa ezipaso ddawiithwa.

Mika 7:1

Otulli wa miyaano! Kiri wonanko awuurulla oohiphwanyamo ello. Khavihanlle mpesa ddawi ttuucha apaalle namukuyu oyo kinamukondeemi.

Zekariya 5:2

Mungelo aakikoha wi, “Ethiyo onoona tini?” Kahaakhulla wi, “Nibukhu noovava, noorekama mamita matthanu ni masese nave nooramballalla mamita masese ni hafu.”