Amosi 4:1 - Mawu a Mulluku

¹ “Ngaapellani maaru, nyu atthiyana a o Samariya, nyu muniinenevella wonanko eng'ombe dda o Bashani, nyu munaanyingallella oohoowa, nyu munaakatamiha oopaneya nyu munaalamula amamuninyu wi eweena ddoowirya wi muwirye.

Amosi 4:1 Iomraidhean Croise

1 Mamwene 16:24

Olliye aakulla mwaango wa Samariya ovenyera wa Shemeri ni makobiri 6,000 asiliva. Nave yaamakavo muzinda owaaka mpanda woollipihana mwaangooyo. Muzindooyo yawuromonlle wi Samariya, okusella nnddina na Shemeri, mwaneena a mwaangooyo.

Yobu 20:19

Vawi ahaahoosa nave khaapwathille oohoowa, ahaakha enyumba nnddo ahimakilleeye.

Yobu 24:4

Ennaakakha oohoowa m'musewuni, oopaneya enniipittha nimodda.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 140:12

Nyu Apwiya kinnadduwella wi munnaateteza oohoosiwa, munnaweeruza mweechilungamo athu oopaneya.

Masalimo 22:12

Adanaaka anchichi amasiva aakaapheella, aakuupa wonanko anankhoro a enari.

Miyambo 22:7

Athu eeyuuma ennaalamulella oohoowa nave oopolleya tti kaporo a oopolleyiha.

Oollalleya 4:1

Kahoonattho orama echilungamo ottheene oneereya vatthimva. Nave kaawoona oonyingallelliwa emorihaka miitthori koma khaarivo naari mmodda owaakhurumusa murima. Khaarivo owaakhurumusa murima kaambiiwa owaahoosaayo yaakhalla ni masiva.

Oollalleya 5:8

Wawoona athu oohoowa ehoosiwaka mwiillaponi navettho yaakhiwaka murendelliiwa ni echilungamo mweekuku, ohittikhine. Vallethi oowehera muullupalli ookhallana mmodda muullupalli wunchichi oyo anamuwehera. Navettho vookhalla uullupalli wunchichi amodda ayo enaawehera.

Yesaya 28:1

Otulli wa omwene wawiitukhulla wa oolezela a o Efuremu! Otulli wa oriiheya wiwa nko onanyaalla wonanko malluwa, muzinda wa o ntapo na ethaya yaphaama wookotelliwa ni oomulezela vinyo.

Yesaya 5:8

Otulli wa athu ayo enoonjerera okulla enyumba ni emata ddittheddene ophiyera waakha mapuro mattheene wi ellapo ekhalle yayiwayayiwa.

Yesaya 56:12

Oolezela awi ddiiddaalla enallota wi, ‘Hankoni nimuwirye vinyo, hankoni niwirye ddoowirya ddoowalli ophiyera nivone. Osiisello onaakhalle wonanko ollello apaalle ttuuriya okhwaranya ollellova.’ ”

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

Yeremiya 50:11

“Nyu Ababiloni, mwahoononga yoohallanaaka. Naari mweelliweve murima, muhakallalleve, mulluphellupheve wonanko musaanaang'ombe oomuuputha tirigu apaalle mwinlleve mwawiitukhulla wonanko akavalo,

Yeremiya 50:27

Muwiiphe ni waatthollosa asombwe akhoto attheene. Otulli wohaamorella vawi nllapo nawi ellakiwe noophiya.”

Yeremiya 51:34

Nebukadinezara mwene a o Babiloni oonoononga, oonipwesa ni onitathilla wonanko epalli yoohikhalla ni mutteko. Oonimirya wonanko ekonya, oovona ddoocha ddahu ddooddiva, vatulli viwa oonirapheya.

Yeremiya 6:6

Apwiya Amasiva Mattheene ahaalamula mamwene mattheenaalla wi, “Uhani miteekho dda mu Yerusalemu nave muzindoolla muwumakelle mikhuttu ddakhoto. Muzinda yoolla tti woophwanella ollakiwa mooddalla ddoohoosa.

Yeremiya 7:6

Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

Ezekiele 18:12

owaahoosa oohoowa ni oopaneya, awaakha, oohihokollosa echikole ya oyo amukongolihalleeye makobiri, oollapella mafano nave aweera ddoonanara,

Ezekiele 22:12

Mwa weyaano mookhalla amodda awaakhella ddamukaphwani wi ewiiphe athu akhwiiwa, amodda ennaakhella ddawoonjerera wi epindule ni nnddo enakongolihiiwa. Attheenaayo aakitiwalla miyaano. Mi Apwiya Mulluku koollota.

Ezekiele 22:27

Oohoollellaaye tti wonanko akhatwe ookhaddulla enama, ennakhumiha nikhame ni woononga okumi wa athu wi ephwanye mphuro woonanara.

Ezekiele 22:29

Athu a mwiillaponimmo ennaahoosa akhwiiwa navettho enniiya. Ennaahoosa athu oopaneya ni oohoowa. Ennaakatamiha alleto voohiweerellani ddeko moolungama.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Ezekiele 34:16

Kineeroddaashaasha ddaweeteeta kineeroddihokollosa ddoohollowa, kineeroddimaka makhwatiiwa ddoophoreya, kineeroddillipiha ddoofooka koma kineeroddoononga ddooneneva ni ddamasiva. Kineeroddichiha enkhosa ddaka mwa echilungamo.”

Ezekiele 39:18

Muneerottakhuna enama ya akhoto amasiva nave muneerowirya nikhame na enduna dda va ellapo yavatthi. Attheenaayo eneerewiiphiwa wonanko nankhoro a enkhosa, asaanaankhosa, epuri navettho wonanko anankhoro a eng'ombe ddooneneva dda o Bashani.

Yowele 3:3

Ahoombesa wi yaakawane athwaaka, aamwaakakhaniha musombwe ni hule aamwakakhaniha namwalli ni vinyo wi elezele.”

Amosi 3:1

Nyu athu a o Israele, ngiiwani mawu a Apwiya awuuhumullullani ayo yuukhumihalleni mu Iguputo awi,

Amosi 3:3

“Ethiyo athu eelli ttuuweeta nimodda ehinapangane?

Amosi 5:11

munnaanyingallella oohoowa ni owiiyera tirigwiiwa. Naarive mumakille enyumba ddamalluku oosema, khamukhallakamo. Naarive mullimalle emata ddampesa ddaphaama, khammuwirya vinywiiwa.

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Amosi 6:6

Munnamuwirya vinyo munchichi, muniihella makhura aphaama wunchichi koma khamunamoriwa ethakaraka ni woonongeya wa ellapo ya Yosefe.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Numeri 21:33

Vano yaahokollowa eweella mu ettilla ya o Bashani. Ogi mwene a o Bashaninko aakhuma allipana ni alliwa. Olliye ni athwaaye attheene yaawanana ekhoto o Ederei.

Deuteronomo 24:14

“Muhimunyingallelleke mullupa mutteko oohoowa ni oorama naari ari Muisraele mukhwiinyu apaalle mulleto ookhalla m'muzindani mwanyu.

Deuteronomo 28:33

Mutundu weelleto eneerowaakhani ddoohata ddanyu ddittheddene nnddo mwahoowilleenyuna ollima nave muneerovirellella opaniwa ni ohoosiwa.