Amosi 3:2 - Mawu a Mulluku

² “Mwa mitundu ddittheddene dda va ellapo yavatthi tti nyeeneve kinuudduwelleemini ni wuupwathani, sika kineerewuullakani wunchichi ekaamba ya machimwaanyu mattheene.”

Amosi 3:2 Iomraidhean Croise

Genesis 10:32

Attheenaalla sika malloko a edduullu dda Nowa voothwarani oyariwa wiwa ni mitundu ddiwa. Nndda sika mitundu ddittheddene dda va ellapo yavatthi ddakhumalle mwa malloko a Nowa eviralle echigumula.

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

Masalimo 147:19

Ennamudduwelliha Yakobo mawiiwa, ennamuhuddiha Israele malamulwiiwa ni malangizwiiwa.

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Yesaya 63:19

Niri wonanko athu ehinalamulelliweke ni nyuwaano, wonanko khannakhalleke athwaanyu.

Yeremiya 1:15

Ngoona, kineerowiithana athu a mitundu ddittheddene a moomwene ompoto. Mamweniiwa eneeroowa nave arive mwene aneerokeraatthiha mpandwaaye woomwene va millako dda Yerusalemu navettho vawaapheella mpanda. Alliwa eneerewaapheellattho mizinda ddittheddene dda Yuda.

Yeremiya 10:25

Owallaanyu okharelle mitundu nnddo ddihinuudduwellani, athu ayo ehinatitimiha nnddina nanyu. Alliwa yaawiipha athwaanyu, yahaatthollosa oohimuhiya naari mmodda, ellapwiiwa yaayitthattusa ntepe.

Yeremiya 11:22

Sika Apwiya Amasiva Mattheene enallota wi, “Kineerewaallaka! Asombwiiwa eneerewiiphiwa okhotoni nave aniiwa aallopwana ni aatthiyana eneerokhwa ni ettalla.

Yeremiya 13:21

Ethiyo muneere tini ddakeraatthihiwa wi mulamulelliweke ni ayo mwaweesaanyu akhwiinyu? Ethiyo khamoona ddoovoreya wonanko dda mutthiyana vooyarani?

Yeremiya 14:10

Apwiya enallota dda athu yaalla wi, “Ennaddivelliwa weeteeta nko enapaalliiwa nave khenawora wiivaanyiha. Sika mi Apwiya nginawaakhella nave kineerewuupuwella onanara wiwa, kineerewaallaka ekaamba ya machimwiiwa.”

Yeremiya 9:25

Apwiya enallota wi, “Mallapo enimawa mvo kinaallakeemi attheene oophaddiwa ayo m'murimani mwiwa ehinapwathawo.

Ezekiele 5:9

Kineeroweerellani nnddo kihineerekeemi ovenyera khalle nave ngiwa keera muhoollo ekaamba ya ddaweera ddanyu ddinchichi ddoonanara.

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.

Daniele 9:12

Ddawoona, moheera nnddo mwanilleelleenyu vamodda oonihoollellaahu. Moonimorihella otulli wawoopiha hiyaano ni Yerusalemu, otulli wawi khonooneyeke waambeella khalle va ellapo yavatthi ettheene.

Hoseya 2:13

Kineeromullaka ekaamba yawoosa lubani* wa mafano a Abaala ni ehakallallo ddiwa. Anniireeriha voowarani emphete ni mikhova ddoowallamella mitengo wi athamakelleke ezibwenzi ddaye akitiwalla miyaano. Mi Apwiya koollota.”

Hoseya 5:3

Kinnaadduwella Aefuremu ni Aisraele, khe awiipittheya wa miyaano. Aefuremu yaanararuwa nave Aisraele yahiiripiha.

Hoseya 8:13

Ennavelleella mikutho dda enama wa miyaano enattakhuna enama yamukuthweeyo koma mi Apwiya nginahakallallana naari vang'ono. Ngiwa kitiwalla onanara wiwa nave kineerewaallaka machimwiiwa. Kineerewaahokollosella wuukaporoni o Iguputo.

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Amosi 3:3

“Ethiyo athu eelli ttuuweeta nimodda ehinapangane?

Amosi 6:1

Otulli wa nyu munakhalla o Ziyoni moohitikheya, munakhalla o Samariya moohikatamiheya. Otulli wa nyu oovuwa a mutundu woovuwa, Aisraele, nko athu attheene enaphiyiiwawo.

Mika 2:3

Sika Apwiya enallota wi, “Ngoonani, kineerewuumorihellani otulli ekaamba ya ddoonanaranndda. Kineerewuumakellellani nigoli* munikohini mwanyu nno muhinaaworeenyu onirulla. Khamuwa mweetattho mookota ekaamba yawi enthawi yeeyo enaakhalle yoonanara.

Nahumu 3:4

Nndda ddoheereya ekaamba ya ddoonanara ddawaata dda Ninive mutthiyana ooraruwa. Aanaakopa athu ni oreera waye woolleka, aanaalleka athu a mitundu ddittheddene ni ddooraruwa ddaye, aanawoottottha malloko ni ezitumwa ddaye.

Mitteko 17:26

Ovenyera mwa muthu mmodda aaphatusa mitundu ddittheddene dda athu wi ddikhalleke va ellapo yavatthi ettheene. Aari aganizalle khalle dda enthawi ya mitundunnddo ni m'makomelloni mwa mapurwiiwa.

Aroma 2:9

Attheene aweera ddoonanara eneerohoowa ni woona ovoreya, waambeella Ayuda owaakattho athu ayo ehiri Ayuda.

1 Akorinto 8:3

Koma muthu aamukondaka Mulluku, Mulluku annamudduwella olliyooyo.

Deuteronomo 10:15

Komave Apwiya yahaakondesesa makhollwaanyu vawi munipuroni mwawaatthoolla athu amodda, yaatthoolla edduullu dda makhollwaanyu, sika wi nyuwaano, ophiyera ollello.

Deuteronomo 26:18

Ollello Apwiya aawaakhellani monga athwiiwa moollikana ni mmo yuulonjezelliiwani vaavove mwasunga malamulwiiwa mattheene.

Deuteronomo 32:9

Koma yoohallaniiwa ya Apwiya tti athwiiwa, edduullu dda Yakobo sika yoohallaniiwa yoopatuleya.”

Deuteronomo 4:32

“Ngakohani dda mallapo akhalle nyuwaano muhinayariwe waambeella nllapo nne Mulluku amuphatusalleeye muthu va ellapo yavatthi. Nave ngaashaashani va ellapo yavatthi ettheene vaarimi viri ello yuullupalli wonanko yeella yeereyillekevo va ellapo yavatthi apaalle aarimi arivo muthu oyo aambilleke wiiwa ddenndda.

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

1 Petro 4:17

Enthawi yookwakhwana wi echiweruzo yaambe nave athu a Mulluku sika enaambe weeruziwa. Yaamba ni hiyaano, enaamalle mwawiidde wa ayo ehinakhulupilila othenga waphaama wa Mulluku?