Amosi 2:1 - Mawu a Mulluku

¹ Apwiya enallota wi, “Ekaamba ya ddoolakwa ddiraru dda athu a o Mowabu apaalle ddisese ngihiya waallaka, kheyawaavahille olemu makhuva a mwene a o Edomu yaawoosa ophiyera yaatthattuwa ntuura.

Amosi 2:1 Iomraidhean Croise

2 Mamwene 3:9

Sika mwene a o Israele ni mwene a o Yuda owaakattho mwene a o Edomu attheenaayo yaayaawo nimodda. Nave yeetille mwawaapheella mu echipululu mallapo matthanu ni meelli, maaddi awi akhoto ni enama ddiwa ddiwirye kheyaariwo.

Miyambo 15:3

Miittho a Apwiya eri virive veko waawehesesa athu oonanara ni aphaama.

Yesaya 11:14

Koma Yuda ni Efuremu eneerewaahella ekhoto Afilisti woovollowa nndduwa. Eneerollipana ni Aedomu ni Amowabu nave eneerewaagonjiha Aamoni.

Yesaya 16:6

Athu a o Yuda enallota wi, “Nohiiwa dda wiitukhulla wa Amowabu vawi enniitukhulla wunchichi. Wiinyarulla wiwa, okota wiwa, osimbwa wiwa ni wiiriiha wiwa, ddittheddene khaddinna mutteko.”

Yesaya 25:10

Apwiya eneeroteteza mwaangwiiwa ni nnatta niwa koma Amowabu eneeronyingallelliwa wonanko manyowa munllitini.

Yeremiya 25:21

Yaakirumattho o Edomu, Mowabu navettho wa Aamoni

Amosi 1:11

Apwiya enallota wi, “Ekaamba ya ddoolakwa ddiraru dda Edomu apaalle ddisese, ngihiya omullaka. Yaawiikariha Aisraele, abaliiwa, masupada eri m'mattani, kheyaawaamorelle ethakaraka naari vang'ono, owalliiwa waari woohikhalla ni malire nave yaawumakellella m'murimani.

Amosi 1:13

Apwiya enallota wi, “Ekaamba ya ddoolakwa ddiraru dda Amoni apaalle ddisese, ngihiya omullaka, yahaaphulla atthiyana eerukullu o Giliyadi wi yunnuwihe maliriiwa.

Amosi 1:3

Apwiya enallota wi, “Ekaamba ya ddoolakwa ddiraru dda athu a o Damasiko apaalle ddisese, ngihiya omullaka. Yahaahoosa Agiliyadi wonanko omuuputha tirigu ni mikoko.

Amosi 1:6

Apwiya enallota wi, “Ekaamba ya ddoolakwa ddiraru dda athu a o Gaza apaalle ddisese, ngihiya omullaka. Vawi yaawuphara okaporo mutundu muttheene wa athu eyaana o Edomu.

Amosi 1:9

Apwiya enallota wi, “Ekaamba ya ddoolakwa ddiraru dda Tiro apaalle ddisese, ngihiya omullaka, ngihiya omullaka. Yaawupharella wuukaporoni mutundu muttheene o Edomu, kheyaasungalle echipangano ya echibale yiiwananiiwa.

Amosi 2:4

Apwiya enallota wi, “Ekaamba ya ddoolakwa ddiraru dda athu a o Yuda apaalle ddisese ngihiya waallaka. Aavevulla ohuddiha waka, kheyaawiiwellelle malamulwaaka, milluku ddawoottha nnddo makhollwiiwa yaddillapelliiwa ddohaahollosa.

Amosi 2:6

Apwiya enallota wi, “Ekaamba ya ddoolakwa ddiraru dda athu a o Israele apaalle ddisese ngihiya waallaka. Ennawaakakhaniha athu oolungama ni siliva, oohoowa ni esapato.

Mika 6:5

Nyu athwaaka, upuwellani nnddo Balaki, mwene a o Mowabu apaalleeye oweerellani navettho mmo Balamu mwaana a Beori amwaakhullelleeye. Upuwellani nnddo ddeereyille va olendo woovenyera o Shitimu oyo o Giligala. Upuwellani ddittheddenenndda wi mwiiwesese nnddo mi Apwiya keerilleemi wi kuuvulluseni.”