Amosi 1:4 - Mawu a Mulluku

⁴ Vano kineerorumiha munllo o enyumba yoomwene Hazaele, munllooyo oneeroshellelliha mipanda ddoollipa dda mwene Benihadadi.

Amosi 1:4 Iomraidhean Croise

1 Mamwene 19:15

Vaavo Apwiya yaamulleella wi, “Hokollowa, thwara ettilla ya o echipululu ya o Damasiko. Waphiya wenko, wamuzoze Hazaele wi akhalle mwene a o Siriya.

2 Mamwene 13:25

Enthawi yeeyo Yowashi mwaana a Yehowahazi, ahaakhattho ovenyera wa Benihadadi, mwaana a Hazaele, mizinda nnddo Benihadadi aakhilleeye voowanani ekhoto ni Yehowahazi attiitthinnya a Yowashi. Yowashi aamugonjiha Benihadadi oraru, aakhattho mizinda ddittheddene dda Israele.

2 Mamwene 13:3

Sika Apwiya yahaashella murima Aisraele nave wiilliwiilli yahaakhullella wi Hazaele mwene a o Siriya ni Benihadadi mwaana a Hazaele yaagonjihe.

2 Mamwene 6:24

Viviralle enthawi yoorekama, Benihadadi mwene a o Siriya aatthukumaniha mullokwaaye wa akhoto eya yaapheella Samariya ni misasa ddakhoto.

2 Epilli 16:2

Vano Asa aamukusa siliva ni golide oyo ahanlle moosungellamo eyuuma mu enyumba ya Apwiya ni mu enyumba yoomwene addirumiha wa Benihadadi, mwene a o Siriya oyo akhalla o Damasiko nave aallota wi,

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yeremiya 49:27

Kineerohella munllo mipanda dda Damasiko nave oneeroshellelliha enyumba ddoollipa dda mwene Benihadadi.”

Ezekiele 30:8

Kamushellelliha Iguputo ni owinttaka attheene oomukavihera eneerodduwella wi mi tti Apwiya.’

Ezekiele 39:6

Kineeromoriha munllo va ellapo ya Magogi ni va attheene ayo enakhalla mwamurendelle mukhwipi mwa enyanja. Sika eneerodduwella wi mi tti Apwiya.’

Hoseya 8:14

“Aisraele ahiimakella enyumba dduullupalli omutiwalla owaaphatusiiwa. Ayuda ahoonjerera mizinda ddampanda. Koma miyaano kineerewoosa mizindannddo nave munllooyo oneerohella enyumba ddiwa dduullupallinnddo.”

Amosi 1:10

Sika kineerorumiha munllo va esiri dda Tiro, munllooyo oneeroshellelliha mipanda ddiwa ddoollipa.”

Amosi 1:12

Sika kineerorumiha munllo o muzinda wa Temani, munllooyo oneeroshellelliha mipanda ddoollipa dda Bozira.”

Amosi 1:14

Sika kineerorumiha munllo va esiri dda wa Raba, munllooyo oneeroshellelliha mipanda ddiwa ddoollipa. Vineerokhalla okhuwa va nllapo na ekhotonno, ekhotweeyo enaakhalle wonanko namangalle.

Amosi 1:7

Sika kineerorumiha munllo o esiri dda Gaza, munllooyo oneeroshellelliha mipanda ddoollipa ddiwa.

Amosi 2:2

Sika ekaambiiwa kinaarumiheemi munllo o Mowabu, munllooyo oneeroshellelliha mipanda ddoollipa dda o Keriyoti. Amowabu eneerokhwa mu onyakulla wa ekhoto akhoto ekhuwaka ni wiipa mapallapata.

Amosi 2:5

Sika kineerorumiha munllo o Yuda, munllooyo oneeroshellelliha mipanda ddoollipa dda Yerusalemu.”

Oweeruza 9:57

Mulluku ahaahokollosella yoonanara athu a o Shekemu ekaamba ya onanara wiwa nave wahaamorella otembelela wa Yotamu, mwaana a Yerubaala.