Akolose 4:8 - Mawu a Mulluku

⁸ Ella sika ekaambiiwa kinamurumiheemi wa nyuwaano wi uulleelleni eyo nineereehu attheene ni wuullipihani murima.

Akolose 4:8 Iomraidhean Croise

Yesaya 40:1

“Akhurumuseni murima, akhurumuseni murima athwaaka,” Mullukwaanyu oollota.

1 Akorinto 4:17

Sika ekaambiiwa kinamurumiheemi Timoteo wa nyuwaano, oyo ari mwanaka ookondiwa ni oororomelleya mu eyaattano ni Apwiya. Aneerowuupusani ettilla kinathwareemi mwa Khrisitu Yesu. Nndda sika kinahuddiheemi virive veko mu mipingo ddittheddene.

2 Akorinto 1:4

Mulluku annanikhurumusa murima mu ddoohoosa ddahu ddittheddene wi niworettho waakhurumusa murima akhwiihu ayo eri mu ddoohoosa ddoohiyanahiyana moollikana ni mmo hiyaano nakhurumuselliweehu murima.

2 Akorinto 12:18

Kaamuveka Tito wi awe wa nyuwaano nave kaamurumiha mwanamunnihu mmodda wi athaananena. Tito khuullekilleni nyuwaano. Olliye ni miyaano neera ni munepa woophwanaphwana ni makhallello oophwanaphwana.

2 Akorinto 2:7

Nave vano munaphwanella wi mumukhululukelle ni omullipiha murima wi ahihiye okhulupilila ekaamba yootathilla murima.

Aefeso 6:22

Ella sika ekaambiiwa kinamurumiheemi wa nyuwaano wi uulleelleni eyo nineereehu attheene ni wuullipihani murima.

Afilipi 2:28

Vano miyaano kinnapaallesesa wi kimurumihe wa nyuwaano wi muhakallalle wiilli mwamoona olliye nave ethakarakaaka eneeromalla.

Akolose 2:2

Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

1 Atesalonika 2:11

Munnadduwella wi naamukavihera arive muthu a nyuwaano wonanko mmo mullopwana anaakaviherelleeye anaaye.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

1 Atesalonika 3:5

Ella sika ekaambiiwa kimurumihalleemi Timoteo. Miyaano ngaawore ovillella, sika kaamuruma olliyooyo wi oone echikhulupilwaanyu. Vawi koova wi apaalle Satana aaweesani nave wi muttekwaahu muttheene waari woohikhalla ni mutteko.

1 Atesalonika 4:18

Sika vano mullipihaneke murima ni mawu yaalla.

1 Atesalonika 5:11

Sika mullipihaneke murima ni okaviherana wonanko mmo muneerelleenyu.

1 Atesalonika 5:14

Asinnihu ni Arokorihu, ninuuvekani wi mwaahumullulleke athu oohipaalla ophara mutteko, mwaallipiheke murima athu awoova, mwaakavihereke athu oofooka navettho mumuvillelleke arive muthu.

2 Atesalonika 2:17

Nave uullipiheni murima ni wuuvahani masiva wi mweereke ni ollota ddaphaama enthawi ddittheddene.