Akolose 4:3 - Mawu a Mulluku

³ Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

Akolose 4:3 Iomraidhean Croise

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Mitteko 14:27

Yaphiyalliiwa o Antiyokeya, yahaatthukumaniha athu a mpingo vamodda yaalleella ddittheddene Mulluku eerilleeye oweella mwa alliwaayo. Nave yahaalleellattho mmo Mulluku aworelleeye wi athu ayo ehiri Ayuda ekhulupilile.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

1 Akorinto 16:9

Vawi wuno mullako wookihulleyella miyaano wa mutteko muullupalli ni woopaalleya naari oovaanyihana eriwo anchichi.

1 Akorinto 4:1

Vano athu enaphwanella eneereke hiyaano oorumeyella a Khrisitu oopwatha ddookhuweya ddoovenyera wa Mulluku.

2 Akorinto 2:12

Kaphiyalleemi o muzinda wa Troasi wi kallalleye othenga waphaama wa Khrisitu, Apwiya yaari ehullalle khalle mullako wa mutteko wenko.

Aefeso 3:1

Ekaamba ya yeella, miyaano Paulo a mundende ekaamba ya Khrisitu Yesu, kinuuvekellelleemini wa Mulluku nyuwaano athu ayo ehiri Ayuda.

Aefeso 3:3

Mulluku ahuupullulla yoolingaaye yoovittheya. Koolemba dda yeella mookhuveyiha,

Aefeso 3:4

nave mweerenga nnddo kilembelleemi, muneerodduwella dda wiiwesesa waka wa yoovittheya ya Khrisitu.

Aefeso 3:9

nave owoonihella athu attheene mmo yoolinga yoovittheya ya Mulluku eneeriiwa yeereyelle. Mulluku oyo tti oophatusa ddeko ddittheddene aakhuwa yoovittheyaaye enthawi ettheene yakhalle,

Aefeso 4:1

Vano kinimuuvekani nyuwaano, miyaano a mundende kaambiiwa kinaarumeyella Apwiya wi mweeteke moophwanellella wiithaniwa nko Mulluku aawiithannenyuni.

Afilipi 1:19

kaambiiwa kinnadduwella wi kineerottaphulliwa ekaamba ya mavekellwaanyu ni nikavihero noovenyera wa Munepa wa Yesu Khrisitu.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Akolose 1:26

yeeyo tti yookhuweya ahimulleelleeye arive muthu khalle koma vano ohuupullulla wa athwaaye.

Akolose 4:18

Miyaano Paulo kinalemba dda moonoolla meekhaami. Muhitiwalle wi miyaano kiri mundende. Echisomo ya Mulluku ekhalle ni nyuwaano.

1 Atesalonika 5:25

Asinnihu ni arokorihu, munivekellelleke hiyaano.

2 Timoteo 1:16

Apwiya yeerelle echifundo nibanja na Onesifore kaambiiwa aakihakallalliha wiilliwiilli. Nave khaawulliwe muru naari kaariimi mundende.

2 Timoteo 2:9

Kaambiiwa yoollalleya othenga waphaama kinnahoosiwa navettho omakiwa wonanko muthu oonanara. Koma mawu a Mulluku khenamakiwa,

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Filemoni 1:22

Navettho okikhozere vookonavo kaambiiwa kinatiyerella wi Mulluku aneerewiiwa mavekello a nyuwaano nave kineerohokolloselliwa wa nyuwaano.