Akolose 3:5 - Mawu a Mulluku

⁵ Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

Akolose 3:5 Iomraidhean Croise

Eksodo 37:22

Yoohiyavo enyali ettheeneeyo opwesereravo enthambi ni malluwa addihanille ovenyera va mukoko wagolide aphaama mmoddave.

Mateyu 15:19

Vawi m'murimani munnavenyera maganizo oonanara, wiipha, oraruwa, wiiya, omboni wawoottha ni oweerella amodda epewe.

Aroma 1:26

Ekaamba yawi enneera ddenndda, Mulluku ohaahiya wi ethwareke minkhella ddiwa ddoowulliha muru. Naari atthiyaniiwa enakonana atthiyanave.

Aroma 1:29

Mirima ddiwa ddooddalla ni ddoonanara ddoohiyanahiyana wonanko, millilli ni echillu. Yooddalliwa ni nrima wiipha, owana, woottha wiitana ni miseche.

Aroma 6:13

Naarittho muhiivelleelle nyookha o machimo wi muphare mutteko woonanara. Koma nyuwaano muvenyihiwe wa ookhwa wi mukhalle akumi, mwiivelleelle nyookha wa Mulluku navettho mwiivelleelle wa olliyooyo wi muphare mitteko ddoolungama.

Aroma 6:6

Nave ninnadduwella wi makhallellwaahu akhalle aakhwa vamodda ni Khrisitu vamutandani wi masiva a makhallellwaahu oochimwa yoonongiwe wi nihikhalle akaporo a machimo.

Aroma 7:23

Koma kinnoona malamulo amodda mwa miyaano epharaka mutteko, malamulo oollipana ni malamulo awaakhullelliwa ni murimaaka. Malamulo yaalla yaakeeriha okhalla kaporo a malamulo a machimo ayo enaphara mutteko mwa miyaano.

Aroma 7:5

Vawi nalamulelliweehu ni omuthu, malamulo yaananeeriha wi nikhalle ni minkhella ddoochimwa. Minkhelanndda ddaanalamulella mwiillaahu muttheene oneeriha wi nikhwe.

Aroma 8:13

Vawi mwakhalla moollikana ni omuthwaanyu, muneerokhwa koma mwahiya ddaweera ddanyu ddoonanara mookaviheriwa ni Munepa Waweella, muneerokhalla akumi.

1 Akorinto 5:1

Vano ddinniiweya wi vookhalla oraruwa variyari vanyu. Oraruwa wene tti wawi naari athu oohimullapella Mulluku kheneera. Koolleelliwa wi muthu annakona ni mwaara a attiitthinnya!

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

1 Akorinto 6:13

Athu amodda ennallota wi, “Ddoocha tti ddooya m'mirimani nave m'mirimani tti mwawaakhella ddoocha.” Ddawoona koma Mulluku aneerewoononga ddeko piilli ddenndda. Mwiilli khe waweerana ddooraruwa koma tti woowaarumeyellana Apwiya nave Apwiya sika enavaha ddoopaalleya dda mwiilli.

1 Akorinto 6:18

Thawani oraruwa. Erive yoochimwa eneeriiwa ni muthu khenaripiha mwiillaaye koma muthu ooraruwa anaripiha mwiillaaye.

2 Akorinto 12:21

Kinoova wi kawattho Mullukwaaka aneerokiwulliha muru vamiitthoni vanyu nave kineerowinllella athu anchichi ayo yachimmwe nave khenarukunuwe murima o machimwiiwa, minkhella ddoonanara ni oraruwa.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Aefeso 4:19

Khenawulliwattho muru yahiivelleella weekhiiwa o ddoonanara wi yeereke machimo oohiyanahiyana moohiivaanya.

Akolose 2:11

Navettho mu eyaattano ni Khrisitu, mwaaphaddiwa, ohiri ophaddiwa wene oneeriwa ni athu koma ophaddiwa oneeriwa ni Khrisitu, nko wuuttaphunlleni o masiva oomuthu.

1 Atesalonika 4:3

Mulluku anapaalla wi mukhalle aweella ni wi muhikhalle ooraruwa.

1 Atesalonika 4:5

ohiri okhalla ni minkhella ddoonanara, wonanko oohikhulupilila ayo ehinamudduwella Mulluku.

1 Timoteo 6:10

Vawi ddinaambiha ddoonanara ddittheddene tti echikondi ya makobiri. Ekaamba ya yeella, amodda yaatathilla echikhulupililwiiwa ni wiikusella ddoovoreya ddinchichi m'murimani mwiwa.

Aheberi 12:16

Chenjerani wi arive muthu ahikhalle ooraruwa apaalle ahikhalle oonyaambusa dda Munepa wonanko Esau olle akullihalle ottekweenaaye ni yoocha ya enthawi emodda.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Aheberi 13:5

Murimaanyu ohinakondaka makobiri, mukwanihiweke ni nnddo muriinyuna. Vawi Mulluku aallota wi, “Nguuhiyani apaalle wuuthawani.”

Yakobo 4:1

Ethiyo ekhoto ddinavenyera wuuwi? Okangana variyari vanyu onavenyera wuuwi? Ethiyo khaddinavenyera mu minkhella ddanyu nnddo ddinawana m'mwiillini mwanyu?

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.