Akolose 3:2 - Mawu a Mulluku

² Maganizwaanyu ekhalleke va ddeko ddooddullu, ohiri va ddeko dda vatthimva.

Akolose 3:2 Iomraidhean Croise

1 Epilli 22:19

Sika waashaashekeni Apwiya Mullukwaanyu ni murimaanyu muttheene. Vano venyani mwaambe omaka enyumba ya Apwiya Mulluku wi muhiyemo nibokosi na echipangano na Apwiya ni eziwiya ddittheddene ddaweella ddoopharihiwa mutteko vawaallapellani.”

1 Epilli 29:3

Waanjerera va ddittheddene kivelleelleemi va enyumbeella, kookhallanattho eyuuma yaakayaaka ya golide ni siliva nave ekaamba ya wiivelleella waka va enyumba ya Mullukwaaka kinavelleellattho eyuumeeyo o enyumbeeyo.

Masalimo 62:10

Muhiroromelleke dda echiwawa wi ddineerewuukaviherani, muhiganize wi wiiya muneerophurana ello, eyuuma yaata muhinahiyavo murima.

Masalimo 91:14

Kineeromuvullusa anakiwandeellella miyaano mweechikondi, kineeromuteteza kaambiiwa annadduwella nnddina naka.

Miyambo 23:5

Onawehella tini eyo ehiiwo? Vawi eyuuma ennamella muuphello wonanko mpungu onavava muddullu.

Oollalleya 7:14

Ohakallalleke ekari yuumorella nave otulli wuumorella wuupuwelleke wi anamoriha ekari ni otulli tti Mulluku. Aneera nndda wi muthu ahidduwelleke nnddo ddinaamweereyelle muhoollo.

Mateyu 16:23

Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Mateyu 6:19

“Muhiitthukumanihelleke eyuuma va ellapo yavatthimva, mvo enjenjete ni murawa ddinnoonongiiwa navettho mvo allupaawiiya ennakhuvulla enyumba ni wiiya.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Luka 16:11

Vano muriinyu oohiroromelleya voopharihani mutteko eyuuma ya va ellapo yavatthi, ttaani anuuvaheni eyuuma yawoona?

Afilipi 1:23

Kinnasimwella yaweera. Kinnapaalla wunchichi okhwa wi kakhalle ni Khrisitu oyo ari ello yaphaama wunchichi.

Akolose 3:1

Moovenyihiwa mukhalla akumi ni Khrisitu, sika mukeraatthihe mirima ddanyu va ddeko ddooddullu, nko Khrisitu akeraatthilleeye va mpando wa omwene onnattanatta na Mulluku.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).