Akolose 3:1 - Mawu a Mulluku

¹ Moovenyihiwa mukhalla akumi ni Khrisitu, sika mukeraatthihe mirima ddanyu va ddeko ddooddullu, nko Khrisitu akeraatthilleeye va mpando wa omwene onnattanatta na Mulluku.

Akolose 3:1 Iomraidhean Croise

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Miyambo 15:24

Athu eezeru ennawella ettilla yookumi wi erapelle ettilla yooya o ellapo ya ookhwa.

Oollalleya 10:2

Murima wa muthu eezeru onnamuhoollella phaama koma murima wa muthu ookarangeya onnamuhollosa.

Mateyu 22:44

‘Apwiya Mulluku yahaalleella apwiyaaka wi, “Khalla o nnattanatta naka ophiyera kaagonjihalle adanaawo.’

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Mateyu 6:20

Koma mwiisungelle nyookha eyuuma oddullu, nko enjenjete ni murawa ddihinoonongiiwawo navettho allupaawiiya khenakhuvulla enyumba ni wiiya.

Mateyu 6:33

Koma yawaamba mwaashaasheke omwene wa Mulluku ni echilungamwaaye nave aneerewuuvahani ddeko ddittheddenenndda.

Mariko 12:36

Munepa Waweella aamuhoollella Davide wi allote wi, ‘Apwiya yaallota wa apwiyaaka wi, “Khalla o nnattanatta naka ophiyera kaagonjihalle adanaawo.” ’

Mariko 14:62

Yesu ahaakhulla wi, “Tti meene nave muneerokoona mi, Mwaana a Muthu, kikeraatthille onnattanatta na Mulluku Amasiva Mattheene kiwaaka vamiraponi ddooddullu!”

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Luka 20:42

Vawi Davide yeekhaaye aallota mu Nibukhu na Masalimo wi, ‘Apwiya yahaalleella apwiyaaka wi, “Khalla o nnattanatta naka

Luka 22:69

Waambeella vaavo muneerokoona mi Mwaana a Muthu kikeraatthille o nnattanatta na Mulluku Amasiva Mattheene.”

Mitteko 2:34

Davide khaawenlle oya oddullu sika khaaddaaka yeekha alloteeye wi, ‘Apwiya yahaalleella apwiyaaka, “Khalla o nnattanatta naka

Mitteko 7:55

Koma Sitefano addalliwe ni Munepa Waweella, aaweha oddullu oona ntitimiho na Mulluku ni Yesu iimenlle onnattanatta na Mulluku.

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

Aroma 8:6

Weetihiwa ni omuthu omallihella wene tti okhwa koma weetihiwa ni Munepa omallihella wene tti okumi ni murendelle.

2 Akorinto 4:18

Vawi mirima ddahu ddiri va ddeko ddoohooneya ohiri va ddeko ddawooneya. Ddeko ddawooneya tti ddoomalla koma ddeko ddoohooneya tti ddoohimalla.

Aefeso 4:10

Sika oyo aakitthalle tti mmoddave yooyottho aawenlle vaddullu okhwaranya eddullu wi addalle erimu ettheene.

Aefeso 5:22

Atthiyananyu, mwaavaheke olemu amamuninyu wonanko mmo munawiiwellelleenyu Apwiya.

Akolose 2:20

Mookhwa ni Khrisitu nave moottaphulliwa wa minepa ddoolamulella dda ellapo yavatthi. Ethiyo vano, munakhallella tini wonanko nyuwaano tti a mu ellapo yeella? Kaambiiwa tini muniiwellellaanyu malamulo awi,

Akolose 3:2

Maganizwaanyu ekhalleke va ddeko ddooddullu, ohiri va ddeko dda vatthimva.

Aheberi 1:13

Mulluku khaallotille wa mmodda a angelwaaye wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Aheberi 1:3

Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aheberi 10:12

Koma Khrisitu ahiiheraatthi mukutho mmoddave woweelliha machimo mattheene. Aheraatthilleeye, aakeraatthi o nnattanatta na Mulluku.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 8:1

Mwaha muttheene ninalloteehu tti wawi nookhalla ni mullupa mukutho muullupalli, oyo anakeraatthi onnattanatta na mpando woomwene wa Mulluku Amasiva Mattheene ooddullu.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.