Akolose 2:2 - Mawu a Mulluku

² Kineera ddenndda wi ellipihiwe murima ni wi yaattaneke mu echikondi nave wi ekhallena eyuuma ya osimikizella wookwakhwana nko onawa ni wiiwesesa wawoona. Mwawi ddiidda eneerodduwella yookhuweya ya Mulluku wi tti Khrisitu yooyo.

Akolose 2:2 Iomraidhean Croise

1 Mamwene 3:28

Nave Aisraele attheene yiiwalliiwa dda echiweruzo ya mullatoolla, yaamuriiha mwene Solomoni kaambiiwa yaadduwella wi aakhalla ni ezeru dda Mulluku ddaweeruzella millatu mweechilungamo.

Masalimo 133:1

Ngoonani, tti wooddiva ni woohakallalliha athu yakhalla amodda moobale!

Yesaya 32:17

Ekaamba ya yeella, mu ellapo ettheene muneerokhalla murendelle ni omaalleya ophiyera wa enthawi yoohimalla.

Yesaya 40:1

“Akhurumuseni murima, akhurumuseni murima athwaaka,” Mullukwaanyu oollota.

Yesaya 53:11

Wamalla ohoowa wayenko, aneerokwakhwanihiwa ni mphurwaaye. Mweezeru, oorumeyellaaka oolungama aneerewiireya machimo a athu attheene wi anchichi eneerolungamihiwa.

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Mateyu 13:11

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo khonavahiwe.

Luka 1:1

Ooriiheya Teofilo, athu anchichi yaheeseesa ototella vamodda epilli ya ddeko ddeereyille variyari vahu.

Yohane 10:30

Miyaano ni Attiitthaaka niri amodda.”

Yohane 10:38

Koma kaarimi keeraka mitteko ddoovenyera wa Attiitthaaka naari muhikikhulupililaka, mukhulupilileke mitteko ddaka wi mudduwelle ni wiiwesesa wi Attiitthaaka eri mwa miyaano nave miyaano kiri mwa Attiitthaaka.”

Yohane 16:15

Ddeko ddittheddene dda Attiitthaaka tti ddaaka. Ella sika ekaambiiwa kaallotilleemi wi Munepa Waweella aneerokokusa nnddo kinamulleellekeemi nave aneerekewuulleellani nyuwaano.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Yohane 5:17

Koma Yesu awaakhulla wi, “Attiitthaaka ennaphara orive mutteko. Nave miyaanottho kinapaalleya wi kiphareke mutteko.”

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Yohane 6:69

Nave hiyaano ninnakhulupilila nave ninnadduwella wi nyuwaano tti Aweella oovenyera wa Mulluku.”

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Aroma 15:13

Mulluku oyo ananivaha otiyera uddalliheni ni oohakallalla ni murendelle kaambiiwa munnamukhulupilila. Sika otiyera wanyu oneerovirellella wunnuwa ni masiva a Munepa Waweella.

Aroma 16:25

Mulluku atitimihiwe! Olliye annawora ollipiha echikhulupilwaanyu moollikana ni othenga waphaama wa Yesu Khrisitu kinallalleyeemi navettho moollikana ni wuupullulla yawoona yookhuweya eyo yavitthiwe miyakha ddinchichi khalle.

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

1 Akorinto 14:31

Vawi attheenenyu ttuuwora ollotella, mootiyerana wi arive muthu ahuddere ni ollipihiwa murima.

1 Akorinto 2:12

Hiyaano khanaawakhenlle munepa wa ellapo yavattheella koma naakhenlle Munepa woorumihiwa ni Mulluku wi nidduwelle ddittheddene Mulluku anivahilleeye.

Agalatiya 3:28

Sika khawiivo ohiyana variyari va Ayuda ni athu ayo ehiri Ayuda, variyari va akaporo ni athu ehiri akaporo, variyari va allopwana ni atthiyana. Attheenenyu tti amoddamoddave mu eyaattano ya Khrisitu Yesu.

Aefeso 1:7

Vawi noottaphulliwa ni nikhame na Khrisitu. Machimwaahu aakhululukiwa ekaamba ya waata wa echisomwaaye. Echifundo ya Mulluku tti yuullupalli,

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Aefeso 3:3

Mulluku ahuupullulla yoolingaaye yoovittheya. Koolemba dda yeella mookhuveyiha,

Aefeso 6:22

Ella sika ekaambiiwa kinamurumiheemi wa nyuwaano wi uulleelleni eyo nineereehu attheene ni wuullipihani murima.

Afilipi 2:1

Mu eyaattano ni Khrisitu munnallipihiwa murima nave echikondaaye ennavenyiha okhupanya wanyu. Mohaattanihiwa ni Munepa Waweella nave mooreera murima munnamorellana ethakaraka mmodda ni mukhwaaye.

Afilipi 3:8

Ddawoona, kinaddeesa ddittheddene ddoohipinduliha kaambiiwa omudduwella Khrisitu Yesu Apwiyaaka tti woopaalleya wunchichi okhwaranya ddittheddene. Kootathilla ddeko ddittheddene ekaamba ya olliye nave kinaddeesa ddittheddene ddooddallani wi kimupindule Khrisitu

Akolose 1:26

yeeyo tti yookhuweya ahimulleelleeye arive muthu khalle koma vano ohuupullulla wa athwaaye.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Akolose 1:9

Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Akolose 2:19

Nave aahiya waangellella va Khrisitu oyo ori muru wa mwiilli. Ovenyera mwa muruulla, mwiilli muttheene onnamakellelliwa nimodda nave onallipihiwa ni mookumanella eziwalo nave onnuunuwa wonanko mmo Mulluku anapaallelleeye wi wunnuwe.

Akolose 3:14

Nave va makhallello yaalla, mupwesererevo echikondi, eyo enamakellella ddeko ddittheddene vamodda okhalla emodda yaphaama.

Akolose 4:3

Nave munivekellelleke hiyaanottho wi Mulluku anihullelle mullako wi nillalleye othenga wa yoovittheya ya Khrisitu. Vawi miyaano vano kiri mundende ekaamba ya yeeyo.

Akolose 4:8

Ella sika ekaambiiwa kinamurumiheemi wa nyuwaano wi uulleelleni eyo nineereehu attheene ni wuullipihani murima.

1 Atesalonika 1:5

Vawi naahuukusellani othenga waphaama, ohiri ni mawuve navettho ni masiva ni Munepa Waweella navettho moohikayikella yawoona. Munnadduwella mmo napaallelleehu wuukaviherani nakhalleehu ni nyuwaano.

1 Atesalonika 3:2

nave naamuruma Timoteo, mwanamunnihu oyo anaphara mutteko wa Mulluku ni hiyaano woollalleya othenga waphaama wa Khrisitu. Naamuruma wi uullipiheni mwiilli ni okavihera echikhulupilwaanyu,

1 Atesalonika 5:14

Asinnihu ni Arokorihu, ninuuvekani wi mwaahumullulleke athu oohipaalla ophara mutteko, mwaallipiheke murima athu awoova, mwaakavihereke athu oofooka navettho mumuvillelleke arive muthu.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Aheberi 10:22

Vano hankoni nimwaatamelle Mulluku ni mirima ddawoona ni mirima ddoohikayika mwa echikhulupililo. Hankoni nikhalle ni mirima ddeellihiwe voomiddiwani, yawuupusella murima yoohivaanyihiwa ni ddoochimwa nave ni miilli ddoohapihiwa ni maaddi aweella.

Aheberi 6:11

Ninnapaalla wunchichi wi arive muthu a nyuwaano avirellelle wooniha ollipa murima ophiyera omamallihelloni, mvo ddeko munatiyereenyu ddinaakwakhwanihiwiiwa.

2 Petro 1:10

Sika vano, asinnaka ni arokoraka, llipihellani wi wiithaniwa wanyu ni Mulluku ni wuutthoollani waye okhalle woohimalla. Mwavirellella weera ddiidda khamuwa mukwakwatuwa.

2 Petro 1:3

Masiva a Mulluku aanivaha hiyaano erive ello ninapaalleehu wi nikhalleke ni makhallello ookhulupilila oweella mu omudduwella oyo aaniithanille wi nikawanena mu ntitimiho naye nave mu ddaphaama ddaye.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

1 Yohane 3:19

Vano naawaakondaka amodda ninnadduwella wi ninakhalla mu yawoona. Navettho mmu sika ninakhalleehu oollipa murima vamiitthoni va Mulluku.

1 Yohane 5:7

Sika vookhalla amboni araru, alla tti,