Akolose 1:9 - Mawu a Mulluku

⁹ Ekaamba ya yeella ninnuuvekellani enthawi ddittheddene, waambeella niiwalleehu dda nyuwaano. Ninamuveka Mulluku wi aweeriheni wi muddalle ni odduwella wa opaalla waye, oweella mwa ezeru ddittheddene ni wiiwesesa ottheene nnddo Munepa anavaheeye.

Akolose 1:9 Iomraidhean Croise

Masalimo 119:99

Kinniiwesesa waakhwaranya ahuddihaka attheene, vawi kinnaganizera dda malamulwaanyu.

Masalimo 143:10

Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Mitteko 12:5

Petro ahiyiwe mundende mpingoolle waanamuvekella wa Mulluku moohihiya.

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

1 Akorinto 1:5

Vawi mwa Khrisitu mohaakhella ddeko, mawu mattheene ni odduwella ottheene mwawaata.

Aefeso 1:8

eyo anivahilleeye mwawaata ddiidda! Mu ezeru ddaye ddittheddene nave wiiwesesa waye,

Aefeso 5:10

Mweeseeseke odduwella ddinaahakallalliha Apwiya.

Aefeso 5:17

Sika muhikhalle ookarangeya koma mweeseese wiiwesesa nnddo Apwiya enapaalliiwa wi mweere.

Aefeso 6:6

Muheereke ddiiddo yaawonakanive kaambiiwa munapaalla mwaahakallallihe koma mweereke yoopaalla ya Mulluku ni murimaanyu muttheene wonanko akaporo a Khrisitu.

Afilipi 1:4

Nave enthawi ddittheddene kaawuuvekellakani, kinavekella moohakallalla,

Akolose 1:6

Othenga waphaamoolla onnawaana ezipaso nave onunnuwa mu ellapo yavatthi ettheene, wonanko mmo weerelliiwa variyari vanyu waambeella va nllapo mwaambilleenyu wiiwa dda echisomo ya Mulluku navettho mwaawudduwellesesa mwawoona.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.

Akolose 4:5

Makhallellwaanyu va athu oohimukhulupilila Mulluku ekhalleke eezeru, muphariheke mutteko enthawaanyu vaweerani ddaphaama.

1 Atesalonika 1:3

Vawi ninnuupuwella vamiitthoni va Mullukwaahu ni Attiitthiihu ezipaso dda mitteko dda echikhulupilwaanyu ni mitteko dda echikondaanyu nave ovillella wa etiyerellwaanyu mwa Apwiihu Yesu Khrisitu.

1 Atesalonika 5:17

Vekellani moohihiyerera.

2 Atesalonika 1:11

Ella sika ekaambiiwa ninuuvekellelleehuni enthawi ddittheddene wi Mullukwaahu aweereni nyuwaano oophwanellella okumi oyo aawiithanelleeyeni. Ninavekattho wi ni masivaaye akwakhwanihe minkhella ddanyu ddaweera ddaphaama ni ddaweera mutteko wa echikhulupililo,

Filemoni 1:4

Kinnamuthokoza Mullukwaaka mallapo mattheene kaawuuganizaka weyaano Filemoni m'mavekelloni mwaka.

Filemoni 1:6

Nave kinnavekella wi eyaattanwaahu ni weyaano mu echikhulupililo ekhalle ya masiva sika wi oneerodduwella ddeko ddaphaama ddittheddene nnddo ddiri mwa hiyaano oweella mwa Khrisitu.

Aheberi 10:36

Muvillelleke, sika wi mwamalliha weera yoopaalla ya Mulluku muneerewaakhella nnddo alonjezilleeye.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Yakobo 1:5

Nave mmodda a nyuwaano aahikhalla ni ezeru, avekelle wa Mulluku. Aneerewaakhella vawi Mulluku annaavaha athu attheene ni murimaaye muttheene.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

1 Petro 2:15

Vawi Mulluku anapaalla wi nyuwaano mwaahiihe athu ollota mookarangeya moohidduwella vaweerani ddeko ddaphaama.

1 Petro 4:2

Vano waambeella enthawi yeella ophiyera muhoollo, okhalla wanyu wa va ellapo yavatthimva onaphwanella ohoollelliweke ni opaalla wa Mulluku ohiri ni minkhella dda omuthu.

1 Yohane 2:17

Ellapo yavatthi ni erive ello eri mwemmo eyo athu enakhallelliiwa munkhella ennamalla koma ayo eneera ddoopaalla dda Mulluku ennakhalla ni okumi woohimalla.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

1 Samuele 12:23

Komattho miyaano nginapaalla waachimwella Apwiya voohiyani wuuvekellani nyuwaano, kineerewuuhuddihani nnddo ddiri ddaphaama ni ddawoona wi muddeereke.