Akolose 1:7 - Mawu a Mulluku

⁷ Epafra, oorumeyella ookondiwa mukhwiihu, sika uulleelleni dda echisomo ya Mulluku. Olliye tti mullupa mutteko oororomelleya a Khrisitu voopharani mutteko munipuroni mwahu.

Akolose 1:7 Iomraidhean Croise

Numeri 12:7

Koma ngeerille ddiiddo ni oorumeyellaaka Mose oyo akhanlle aaweheraka athwaaka attheene Aisraele.

Mateyu 18:29

Vano mukhwaayoolle aamukokhorella amuveka wi, ‘Kitiyere nave kineerewuuhokollosella!’

Mateyu 24:45

“Ttaani ari mullupa mutteko oororomelleya ni eezeru? Tti oyo apwinnya enaamutthoolliiwa wi aawehereke allupa mutteko attheene a mpa mwaye ni waavaha ddoocha va enthawi yaphaama.

Mateyu 25:21

Apwinnyaalle yaallota wi, ‘Woheera phaama, we mullupa mutteko aphaama ni oororomelleya. Waaroromelleya va ddeko dding'onong'ono, sika kineerewuutthoolla wi owehereke ddeko ddaka ddittheddene. Waawo ohakallalle ni miyaano, apwiiyo!’

1 Akorinto 4:17

Sika ekaambiiwa kinamurumiheemi Timoteo wa nyuwaano, oyo ari mwanaka ookondiwa ni oororomelleya mu eyaattano ni Apwiya. Aneerowuupusani ettilla kinathwareemi mwa Khrisitu Yesu. Nndda sika kinahuddiheemi virive veko mu mipingo ddittheddene.

1 Akorinto 4:2

Ello emodda yoopaalleya tti yawi oorumeyella yaalla ekhalle oororomelleya.

1 Akorinto 7:25

Vano ollota dda athu ehiri vanibanjani mwaalembelleenyu, nginna lamulo noovenyera wa Apwiya, kinallota maganizwaaka wonanko muthu oyo Apwiya yamweerelliiwa echifundo wi akhalle oororomelleya.

2 Akorinto 11:23

Ethiyo alliwaayo tti oorumeyella a Khrisitu? Kinallota wonanko ookarangeya koma miyaano tti oorumeyella ookhwaranya alliwaayo! Koophara mutteko moollipa ohiyana ni alliwaayo. Mowaakhwaranya alliwaayo koohiyiwa mundende wiilliwiilli, koowashulliwa wunchichi nave wiilliwiilli kaari vakhuviru okhwa.

Aefeso 5:21

Mwiiwellellaneke mmodda ni mukhwaaye ekaamba ya omoova wanyu Khrisitu.

Afilipi 2:25

Kooganiza wi tti woopaalleya wuuhokollosellani mwanamunnaka, Epafrodito, oyo aphanre mutteko ni owanana ekhoto vamodda ni miyaano nave oyo arumihiwe ni nyuwaano wi akikavihere.

Akolose 4:12

Epafra, mmodda a mullokwaanyu ni oorumeyella a Khrisitu Yesu anuuvahanittho mooni. Enthawi ddittheddene annallipihella wuuvekellani, omuveka Mulluku wi aweereni oohitikheya, oowaraalla mu echikhulupililo ni oosimikiza wiiwellella yoopaalla ya Mulluku.

Akolose 4:7

Mwanamunnihu ookondiwa Tikiko, mullupa mutteko oororomelleya ni oorumeyella mukhwiihu m'muttekoni wa Apwiya, aneerewuulleellani epilli ya miyaano.

Akolose 4:9

Anaawe ni Onesimo, mwanamunnihu ookondiwoolle ni oororomelleya, a mullokwaanyu. Eneerewuulleellani erive ello eneereya wuno.

1 Timoteo 4:6

Waahuddiha ookhulupilila ddeko ddenndda, oneerokhalla oorumeyella aphaama a Khrisitu Yesu, oollelliwa ni mawu a echikhulupililo ni a ehuddiho yawoona eyo wathwanreewe.

2 Timoteo 2:2

Vano nnddo wiiwalleewe wa miyaano vamiitthoni va amboni anchichi, waalleellettho ddennddo athu oororomelleya ayo enaawore waahuddihattho amodda.

Filemoni 1:23

Epafra, oyo ari mundende vamodda ni miyaano ekaamba yoomurumeyella Khrisitu Yesu, annuuvaha mooni.

Aheberi 2:17

Nndda ddinattaphullella wi aphwanenlle akhalle wonanko mmodda a hiyaano mu ddittheddene wi akhalle mullupa mukuthwaahu muullupalli a echifundo ni oororomelleya voomurumeyellani Mulluku wi machimwaahu ekhululukiwe.

Aheberi 3:2

Olliye aari oororomelleya wa Mulluku oyo amutthoonlle, wonanko Mose aariiyettho oororomelleya va muttekwaaye mu enyumba ettheene ya Mulluku.