Akolose 1:5 - Mawu a Mulluku

⁵ Nndda ddiri ddiidda kaambiiwa munatiyerella ddeko nnddo ddisungiwe oddullu. Vawi mwahiiwa dda nndda mvo yawoona, eyo tti othenga waphaama, wallalleyiwiiwa wa nyuwaano.

Akolose 1:5 Iomraidhean Croise

Masalimo 31:19

Ophaamaanyu tti wuullupalli oyo mwaasungenlleenyu athu oowoovani, oyo muweerelleenyu athu oothawella wa nyuwaano, oyo wooniwe ni arive muthu.

Luka 12:33

Kullihani ddeko ddanyu ddittheddene nave makobiraayo mwaavahe oohoowa. Mwiiphwanyelle mathumba a eyuuma ayo ehinaahuwa ni wiisungella eyuuma oddullu nko ehinayevawiiwa kaambiiwa allupaawiiya khenaphiyawo naari enjenjete khaddinoononga.

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Mitteko 23:6

Paulo oonilleeye wi amodda a m'mullokonimmo yaari Asaduki* nave amoddattho yaari Afarisi,* aallota mookhuwa munthatoni mulle wi, “Ayuda akhwaakanyu! Mi tti Mufarisi, mwaana a Mufarisi. Kiniipiwa mullatu kaambiiwa kinnatiyera wi athu eneerovenya wa ookhwa!”

Mitteko 24:15

Kinnamutiyera Mulluku wonanko alliwa wi athu attheene oolungama ni oohilungama eneerovenya wa ookhwa.

Aroma 10:8

Mawu a Mulluku enallotiiwa eni, “Othenga wa Mulluku ori vakhuviru ni nyuwaano, vayanoni vanyu navettho m'murimani mwanyu.” Olla sika othenga wa echikhulupililo ninallalleyeehu.

1 Akorinto 13:13

Vano ddeko ddiraru ddoohimalla tti echikhulupililo, etiyerello ni echikondi. Nave yookhwaranya ddittheddenenndda tti echikondi.

1 Akorinto 15:19

Sika naatiyerellaka mwa Khrisitu mu okumi yoollave ohirittho okumi wa muhoollo, vano niri oomoriha ethakaraka omukhwaranya arive muthu mu ellapo yavatthi ettheene.

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

2 Akorinto 6:7

voollalleyani othenga wawoona ni vookhallani ni masiva a Mulluku. Echilungamo sika ezida ddahu ddoowanella ni ddawiitetezella.

Agalatiya 2:14

Koonilleemi wi ddaweera ddiwa khaddaatthopoowa moollikana ni yawoona ya othenga waphaama, kaallota wa Petro vamiitthoni va attheenaayo wi, “Vawi weyaano Muyuda mwaneena onakhalla wonanko muthu oyo ahiri Muyuda. Vano onaawatiherella tini athu ayo ehiri Ayuda wi ekhalleke wonanko Ayuda?”

Agalatiya 2:5

Koma khanaawagonjenlle naari vang'ono wi yawoona ya othenga waphaama ekhalleve ni nyuwaano.

Agalatiya 5:5

Nave hiyaano, otiyera wahu tti wawi Mulluku anilungamihe wa olliye nave ella sika ninatiyereehu mwamasiva a Munepa a Mulluku oyo onaphara mutteko oyeella mu echikhulupilwaahu.

Aefeso 1:13

Nave mwaakhulupilila mwa Khrisitu mwiiwalleenyu othenga wawoona, othenga wa ovullusiwa wanyu. Nave Mulluku ahuuvahani Munepa Waweella alonjezilleeye wi ekhalle echizindikiro yawi nyuwaano tti aaye.

Aefeso 4:21

Mwahiiwa dda olliye nave nyuwaano vookhallani oomuthwaraaye mwaahuddihiwa dda yawoona eyo eri mwa Yesu.

Akolose 1:23

Koma munaphwanella muvirellelle okhulupilila va matthipello oollipa awoona nave muhitikheyeke va otiyera wanyu mwaakhenlleenyu mwiiwalle othenga waphaama. Miyaano Paulo kaakhalla oorumeyella a othenga waphaama yoolla oyo ollalleyiwe wa arive muthu va ellapo yavatthi.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

1 Timoteo 1:15

Mawu yaalla tti oororomelleya ni oophwanellella wi yaakhelliwe wi Khrisitu Yesu aawa va ellapo yavatthi wi aavulluse oochimwa. Miyaano kiri oonanara waakhwaranya athu attheene.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Aheberi 7:19

Vawi malamulo a Mose kheyaaworille weeriha ddeko ddittheddene okhalla ddaphaama. Koma vano noovahiwa etiyerello yuullupalli eyo enanaatamelliha vakhuviru ni Mulluku.

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

1 Petro 3:15

Koma mumuvaheke olemu Khrisitu m'mirimani mwanyu nave mumutitimiheke wonanko Apwiya. Enthawi ddittheddene mukhalleke ookhozeka omwaakhulla arive muthu anuukohani wi mutthopoolle otiyerella wa echikhulupililwaanyu.

2 Petro 1:12

Sika enthawi ddittheddene kineerekowuupusani dda ddeko ddenndda naari mudduwellaka khalle nave khamunatikheya mu yawoona mwaakhenlleenyu.

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.