Akolose 1:16 - Mawu a Mulluku

¹⁶ Vawi oweella mwa olliye Mulluku aaphatusa erive ello oddullu ni va ellapo yavatthi, ddeko ddoohooneya ni ddawooneya, oolamulella attheene ni masiva mattheene ooddullu. Mulluku aaphatusa erive ello oweella mwa olliye ni wa yooyo.

Akolose 1:16 Iomraidhean Croise

1 Epilli 29:11

Nyu Apwiya tti muullupalli, amasiva, antitimiho, oopambana ni oolemu vawi ddittheddene ddiri oddullu ni va ellapo yavatthi tti ddaanyu. Apwiya, omwene tti waanyu nave muri oolamulella ddittheddene.

Nehemiya 9:6

Nave Aisraele yaavekella wi, “Nyeeneve sika muri Apwiya. Mwaaphatusa oddullu ni etheneeri ddooddullu. Mwaaphatusa ellapo yavatthi ni enyanja ni ddittheddene ddiri mwemmo mwaaddivaha okumi. Ddittheddene ddooddullu ddinnuukokhorellani ddinuullapellani.

Miyambo 16:4

Apwiya yaaphatusa erive ello wi ekhalle ni yoolingiiwa naari athu oonanara wi yoone nllapo na ddookatamiha.

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Yesaya 44:24

Apwiya Oovullusaawo, ayo yuupangille m'mirimani mwa amaayo, enallota wi, “Mi tti Apwiya ayo yapangille ddeko ddittheddene, kaanddellelleemi ddooddullu, kaari meekha. Kaphatuseemi ellapo yavatthi ethiyo ookhallavo oyo akikaviherille?

Yohane 1:10

Oyo eeriwa Mawu aari mu ellapo yavatthi nave naari Mulluku aphatusalle ellapo yavatthi oweella mwa olliye koma ellapo ya vattheeyo kheyaamudduwenlle.

Yohane 1:3

Mulluku aaphatusa ddeko ddittheddene oweella mwa Mawu nave kheyiivo ello naari emodda yaphatusiwe yahaarikivo yaayo.

Aroma 11:36

Vawi ddeko ddittheddene ddaaphatusiwe ni olliyooyo nave oyeella mwa olliyooyo navettho ekaamba ya olliyooyo. Ntitimiho nikhalle wa olliyooyo wa enthawi yoohimalla! Amen.

Aroma 8:38

Vawi kinnasimikiza wi kheyiivo enaanimwallanihe ni echikondaaye naari okhwa apaalle okumi naari angelo oolamulella apaalle masiva amodda ooddullu naari dda muttano apaalle ddamuhoollo,

Aroma 9:5

Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.

1 Akorinto 8:6

wa hiyaano arivo tti Mulluku mmodda. Olliyooyo tti Attiitthiihu, Oophatusa ddeko ddittheddene nave ninnakhalla ni okumi wi nimurumeyelleke. Nave erivo Apwiya amoddave, Yesu Khrisitu. Ddeko ddittheddene ddaaphatusiwa mwa olliye navettho mwa olliye ninnakhalla ni okumi.

Aefeso 1:10

Enthawi yakwakhwana Mulluku aneerokwakhwaniha yoolinga yeella, vootthukumanihani ddoophatusiwa ddittheddene vamodda, erive ello va ellapo yavatthi ni oddullu, vatthi va oolamulella muullupalli, Khrisitu.

Aefeso 6:12

Vawi khaninawana ni athu koma ninawana ni minepa ddoonanara, oolamulella ni masiva a epiphi ddooddullu.

Deuteronomo 4:39

Sika vano dduwellani ollello nave muhitiwalleke wi Apwiya sika Mulluku a oddullu ni ellapo yavatthi nave khaavottho mmodda.

Afilipi 2:10

Sika vano, vootitimihani nnddina na Yesu ddoophatuwa ddittheddene ddooddullu, dda vatthimva ni dda vatthi va ellapo yavatthi ddineeromukokhorella.

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

Akolose 1:20

Oweella mwa Mwaanooyo, Mulluku aheeriha ddeko ddittheddene wi ddaattanihiwe ni olliye. Mulluku aawaana murendelle oweella mu nikhame na Mwanaye vamutandani wi ddeko ddittheddene ddaattanihiwe ni olliye, vatthimva ni oddullu wene.

Akolose 2:10

nave moovahiwa okumi muttheene mu eyaattano ni olliyooyo. Olliye tti muullupalli a oolamulella attheene ni masiva mattheene ooddullu.

Akolose 2:15

Oweella mwa Khrisitu, vamutandani valle, Mulluku ahaagonjiha oolamulella attheene ni masiva mattheene ooddullu nave aanyaambusa vamiitthoni va athu attheene.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Aheberi 2:10

Ddeko ddittheddene ddaphatusiwe ni Mulluku nave ekaamba ya olliyooyo. Vano waari waphaama wi Mulluku omweeriha Yesu wi akhalle aphaama oweella mu ddoohoosa wi Yesooyo aakuselle anamwani anchichi o ntitimiho naye nave wi akhalle oohoollella a yoovullusa.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.