Aheberi 1:3 - Mawu a Mulluku

³ Olliye sika owala wawoonihella ntitimiho na Mulluku nave tti oophwanaphwana ni Mulluku mwaneena. Navettho annavirellella osunga ddeko ddittheddene ni mawaaye amasiva. Amallihalle okhululukella machimo mattheene a athu, aakeraatthi oddullu onnattanatta na Mulluku amasiva.

Aheberi 1:3 Iomraidhean Croise

1 Epilli 29:11

Nyu Apwiya tti muullupalli, amasiva, antitimiho, oopambana ni oolemu vawi ddittheddene ddiri oddullu ni va ellapo yavatthi tti ddaanyu. Apwiya, omwene tti waanyu nave muri oolamulella ddittheddene.

Yobu 37:22

Ovenyera ompoto annooneya oreera wonanko golide, Mulluku ookhalla ni olemu wawoopiha.

Masalimo 110:1

Apwiya yahaalleella apwiyaaka wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Masalimo 75:3

Ellapo yavatthi yaatikheyaka ni ddittheddene ddookhalla mwemmo, tti miyaano kinaaseera apotwiiwa.

Oollalleya 8:4

Vallethi mawu a mwene tti amasiva. Ttaani anaamukohe wi, “Ethiyo muneera tini?”

Levitiko 15:15

Mullupa mukutho aheraatthi ddennddo, nimodda nikhalle mukutho woopepesella machimo, nimoddanno nikhalle mukutho wooshellelliha. Vaavo mullupa mukuthooyo oheera mutetho woomweellihella mullopwanooyo vamiitthoni va Apwiya.

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Mateyu 22:24

“Ahuddihi, Mose aarihina muthu akhwa ahinna anamwani mwanamunne amutthelle mutthiyana oohiyiwooyo wi amuyarelle anamwani ookhooyo.

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Yohane 1:4

Mwa yaayo mwaakhalla okumi nave okumooyo waari owala wa athu.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Mitteko 7:56

Vano aallota wi, “Ngoonani, kinnoona oddullu woohulleya nave Mwaana a Muthu iimenlle onnattanatta na Mulluku!”

Aroma 1:16

Othenga waphaama khonakiwulliha muru. Vawi yoolla tti masiva a Mulluku oovullusa arive muthu arina echikhulupililo, vawaamba Ayuda navettho athu ayo ehiri Ayuda.

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Akolose 3:1

Moovenyihiwa mukhalla akumi ni Khrisitu, sika mukeraatthihe mirima ddanyu va ddeko ddooddullu, nko Khrisitu akeraatthilleeye va mpando wa omwene onnattanatta na Mulluku.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aheberi 1:13

Mulluku khaallotille wa mmodda a angelwaaye wi, “Khalla o nnattanatta naka ophiyera kaatthattusalle adanaawo voonyingallavo manyallwaawo.”

Aheberi 10:12

Koma Khrisitu ahiiheraatthi mukutho mmoddave woweelliha machimo mattheene. Aheraatthilleeye, aakeraatthi o nnattanatta na Mulluku.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 4:14

Nookhalla ni mullupa mukutho muullupalli oyo ayiille oddullu akhalla vamiitthoni va Mulluku, Yesu, Mwaana a Mulluku. Sika hankoni niphare moollipiha dda echikhulupililwaahu.

Aheberi 7:27

Khanaphwanaphwana ni allupa mukutho uullupalli akhallaalla vawi khanapaallattho wi aheraatthiki mukutho nllapo ni nllapo wa machimwaaye vawaamba nave wa machimo a athu. Aaheraatthi mukutho omodda nave yooyo waari wa mallapo mattheene iiheraatthilleeye mwaneenaaye.

Aheberi 8:1

Mwaha muttheene ninalloteehu tti wawi nookhalla ni mullupa mukutho muullupalli, oyo anakeraatthi onnattanatta na mpando woomwene wa Mulluku Amasiva Mattheene ooddullu.

Aheberi 9:16

Echipangano yawi ddiidda tti wonanko omulemba kalata oomukawa katundu muthu akhwa. Kalata yoolla anaphara mutteko muthooyo akhwa.

Aheberi 9:26

Khrisitu iiheraatthiki mukutho orive muyakha ddaano ahoowaka orive muyakha ovenyera mvo ellapo yavattheella yaphatuselliwiiwa. Koma vano akhwille omoddave waatamella o omamallihello wa ellapo yavatthimva wi iiheraatthi mwaneenaaye mukutho woohuwa machimo.

1 Petro 1:21

Oweella mwa olliyooyo, munnamukhulupilila Mulluku oyo aamuvenyihalle wa ookhwa nave amuvaha ntitimiho sika vano echikhulupilwaanyu ni otiyera wanyu tti dda va Mulluku.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

2 Petro 1:16

Hiyaano khanithwanre miyaha ddawiiwa vawuulleellani dda owa wuullupalli wa Apwiihu Yesu Khrisitu. Koma nahoona ottekweenaaye ni miitthwaahu.

2 Petro 1:17

Vawi aavahiwa ntitimiho ovenyera wa Mulluku Attiitthinnya, oyo anaromolliwa wi Ntitimiho Nuullupalli nave oyo allotille wa olliye wi, “Olla sika Mwanaka ookondiwa, mwa olliye kinnahakallalla wunchichi!”

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

1 Yohane 3:5

Munnadduwella wi Khrisitu ahooneya wi avenyihe machimo nave wi mwa olliye machimo kheyaamo.

Yuda 1:25

wa Mulluku mmoddave yooyo, Oovullusaahu mwa Yesu Khrisitu Apwiihu, okhalle ntitimiho, ottekweene, masiva ni olamulello ovenyera ehinaambe enthawi, ollello ni mallapo mattheene a muhoollo. Amen.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”