Afilipi 4:8 - Mawu a Mulluku

⁸ Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

Afilipi 4:8 Iomraidhean Croise

Genesis 18:19

Koomutthoolla olliyoolla wi aalamule anaaye ni mabanjaaye amuhoollo wi yiiwellelleke mawaaka vaweerani ddaphaama ni ddoolungama. Yeera ddenndda, kineereweera ddittheddene kamulonjezilleemi.”

2 Samuele 1:23

“Saulo ni Yonatani yaari ookondiwa ni oohakallalliha, okumiiwa muttheene kheyaamwallana nave yakhwiiwa yaari attheene. Yaari awaakuva okhwaranya epallame yampungu, amasiva okhwaranya mikango.”

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

Masalimo 82:2

Anallota wi, muneeruzeke moohilungama ni waakondella athu oonanara ophiyera niini?

Miyambo 11:1

Yoolingella yoolleka ennaananara Apwiya koma weechilungamo onnaahakallalliha.

Miyambo 12:4

Mutthiyana aphaama tti wonanko enduwira ya mamune koma oowulliha muru tti wonanko nikhwata na marohi wa mamune.

Miyambo 16:11

Apwiya ennapaalla wi ddoolingella ni esikelo ddikhalle dda echilungamo. Ddoolingella ddittheddene dda mathumba yaapangille tti alliwa.

Miyambo 20:7

Muthu oolungama ni oororomelleya, anaaye ennadala vatulli viwa.

Miyambo 31:10

Ethiyo ttaani anamphwanye mutthiyana aphaama? Tti ookhwaranya malluku oowallamella mutengo?

Miyambo 31:29

“Atthiyana anchichi aheera ddaphaama koma mohaakhwaranya attheenaayo.”

Miyambo 31:31

Mumuriihe ekaamba ya ezipaso dda mattaaye nave mitteko ddaye ddimuvahe olemu onthatoni.

Nchipo na Solomoni 5:16

Muwano mwaye tti moonang'aneyesesa, ddawoona, olliye tti oosilileyesesa. Olla tti ookondiwaaka, tti mukhwaaka a vamurimani, nyu anamwalli a o Yerusalemu.

Yesaya 26:7

Nyu Apwiya, munnallima musewu wa oolungama, munnookolla ettilla ya ooreera murima.

Mateyu 22:16

Koma yaanaarumiha wa Yesu oohudderiiwa amodda ni athu a mulloko wa Herode.* Yaayo yaallota wi, “Ahuddihi, ninnadduwella wi munnallota ddawoona. Munnahuddiha ddawoona dda opaalla wa Mulluku wa athu nave muhikhupanyeke dda wi athu enuuganizerekeni tini kaambiiwa khamunawehattho ekhove.

Mariko 6:20

Vawi Herode nayeene aanamoova Yohane nave aamusunga wi ahiiphiwe kaambiiwa aanadduwella wi Yohane tti muthu oolungama ni aweella murima. Herode aamwiiwellellaka Yohane allotaka, aanahalleelliwa wuullupalli komattho enthawi yeeyo aanahakallalla.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Luka 23:50

Waakhalla muthu mmodda nnddina naye Yosefe oovenyera o Arimateya, etawoni ya Ayuda. Aari muthu aphaama ni oolungama. Nave aari oodduwanyeya a attekweene a millatu a Ayuda* nave aanatiyerattho owa wa omwene wa Mulluku. Nave muthoolla khaawiiwanane ni attekweene a millatu a Ayuda ddawi Yesu iiphiwe.

Yohane 7:18

Muthu oyo anallota dda m'muruni mwaye anapaalla ntitimiho na yeekha. Koma oyo anapaalla ntitimiho na oyo aamurumalle, olliye tti awoona nave kheyiivo yawoottha mwa olliyooyo.

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Mitteko 22:12

“M'muzindanimmo mwaakhalla muthu nnddina naye Ananiya.* Muthu oomullapella Mulluku oyo athwara malamulwaahu nave aarittho oovahiwa olemu ni Ayuda attheene ookhalla wenko.

Mitteko 6:3

Sika, asinnaka ni arokoraka, atthoolleni mwa nyuwaano athu atthanu ni eelli oodduwanyeya wi tti oohoollelliwa ni Munepa Waweella ni eezeru nave naavahe mutteko yoolla.

Aroma 13:13

Sika makhallellwaahu ekhalle aphaama wonanko a athu ayo enakhalla mu owala. Vihikhalle machellello oonanara apaalle olezela, oraruwa apaalle echigololo, owana apaalle okhallellana ehache.

Aroma 13:3

Vawi ayo eneera ddaphaama khenoopopihiwa ni oolamulella koma ayo eneera ddoonanara. Mwaapaallaka wi muhoopopihiweke ni oolamulella, mweereke ddaphaama nave eneerewuuvahani olemu

Aroma 14:18

Vano arive muthu anamurumeyella Khrisitu mwawi ddiidda annaamuhakallalliha Mulluku nave annavahiwa olemu ni athu.

Aroma 2:29

Koma Muyuda awoona tti muthu oyo ari Muyuda muwari, oophaddiwa m'murimani mwaye. Nave ella eneereya ni Munepa a Mulluku, ohiri ni malamulo oolembiwa. Muthu yooyo annatetheelliwa ni Mulluku, ohiri ni athu.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

2 Akorinto 13:7

Ninnavekella wa Mulluku wi muhichimweke. Khahiyo wi hiyaano nnooniha wi tti aphaama koma wi mweereke ddaphaama naari amodda enoonaka wonanko oolephela.

2 Akorinto 6:8

Ninnavahiwa olemu ni onyaambusiwa ninnallotelliwa epewe ni othokoziwa. Ninnooniwa wonanko awoottha naari nillotaka ddawoona.

2 Akorinto 8:18

Noomurumiha vamodda ni mwanamunnihu oyo anavahiwa olemu m'mipingoni ddittheddene ekaamba ya muttekwaaye woollalleya othenga waphaama.

2 Akorinto 8:21

Yoolingaahu tti weera ddaphaama, ohiri va miitthove va Apwiya komattho vamiitthoni va athu.

Agalatiya 5:22

Nave echipaso ya Munepa tti echikondi, ohakallalla, murendelle, ovillella, ethakaraka, oreera murima, okhulupilila,

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

Aefeso 5:9

vawi owala sika oneeriha ddaphaama, echilungamo ni yawoona.

Aefeso 6:14

Sika vano imellani mookhozeka ni yawoona wonanko laamba oomakelliwa moollipa muyuununi mwanyu nave echilungamo wonanko yoowara yawiitetezella ekhakaddaanyu,

Deuteronomo 16:20

Muthwareke echilungamove wi mwaakhe ellapo eyo Apwiya Mullukwaanyu enuuvahiiwani.

Afilipi 3:1

Asinnaka ni arokoraka, voovirellellani hakallallani mu eyaattanwaanyu mwa Apwiya. Nginoonavo yookatamiha wuulembellanittho wiilli nnddo kalembilleemi khalle wi dduuddivelleni.

Akolose 4:5

Makhallellwaanyu va athu oohimukhulupilila Mulluku ekhalleke eezeru, muphariheke mutteko enthawaanyu vaweerani ddaphaama.

1 Atesalonika 4:12

wi athu oohikhulupilila yuuvahekeni olemu nave wi muhimuroromelleke arive muthu va ddoopaalla ddanyu.

1 Timoteo 2:2

mamwene ni attheene ayo enalamulella wi nikhalle ni okumi woomaalleya ni wamurendelle, voomutitimihani ni ollapella Mulluku.

1 Timoteo 3:11

Awariwattho ekhalleke oovahiwa olemu, oohillota ddoonanara dda akhwiiwa, ekhalle awiihiiha ni oororomelleya mu ddittheddene.

1 Timoteo 3:4

Akhalle oodduwella weetiha nibanja naye phaama ni waallella anaaye phaama wi ekhalle awiiwellella ni oolemu mu erive ello.

1 Timoteo 4:12

Muthu ahuuvevulle kaambiiwa ori musombwe koma okhalle echisanzo wa yaayo enakhulupilila, mu mawaawo, mu makhallellwaawo, mu echikondaawo, mu echikhulupililo ni mu weella murima wawo.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

1 Timoteo 5:2

Okhalleke ni attekweene aatthiyana wonanko amaayo. Okhalleke ni anamwalli wonanko arokoriyo, mwa weella murima.

Tito 1:8

Akhalle ookonda owaakhella alleto ni ookonda ddaphaama. Akhalle awiiwehera yeekhaaye, oolungama, aweella murima ni awiihiiha.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Tito 2:2

Waalleelle allopwana awuulluvalla wi ekhalleke oohilezela, eezeru, awiihiiha, oollipihella mu echikhulupililwiiwa, mu echikondi navettho mu ovillella.

Tito 2:7

Weyaano okhalleke echisanzo ya makhallello aphaama mu ddittheddene. Ehuddihwaawo ekhalleke yawoona navettho ohuddiheke moolemu.

Tito 3:14

Athwaahu ehuddere wiivelleella va mitteko ddaphaama vookaviherani va ddoopaalleya wi ehikhalleke oohimma ezipaso.

Aheberi 11:2

Tti echikhulupililo yeella yaweerihalle makhollwaahu wi Mulluku ahakallallekena.

Aheberi 13:18

Munivekellelleke hiyaano naari nihikayikaka wi nookhalla ni ello yoonivaanya m'murimani mwahu vawi ninneeseesa weera ddittheddene mwa phaama.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Yakobo 3:17

Koma ezeru ddoovenyera oddullu ddinneeriha vawaamba okhalla aweella, waneepiilli amurendelle, vatulli viwa oomaalleya, awiiwellella phaama, ooddalla echifundo ni a ezipaso ddaphaama ddoohikondella nave ddoohoottha

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

1 Petro 4:8

Yuullupalli ya yeella tti ya wi mukondaneke mmodda ni mukhwaaye mwawoona kaambiiwa echikondi sika enavuhellella machimo.

2 Petro 3:1

Akhwaaka ookondiwa olla vano sika kalata aneepiilli oyo kuulembelleemini. Mu makalata meelli mattheenaalla kaheeseesa ollipiha maganizwaanyu voowuupusani dda ddeko ddenndda.

1 Yohane 3:18

Anaaka, echikondaahu ehikhalleke ya mawuve ni ddoollotave koma enaphwanella ekhalleke echikondi yawoona, eyo enooneya ni ddaweereya.

1 Yohane 3:3

Arive muthu anatiyera yeella mwa Khrisitu anaddeelliha yeekhaaye wonanko mmo Khrisitu ariiye aweella.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Rute 3:11

Vano ohikhupanye, namwalli, kineeroweerella ddittheddene onaavekeewe kaambiiwa arive muthu mutawonimmu annadduwella wi weyaano tti mutthiyana aphaama.